ລັກລົດຈັກ ແຕ່ໜີບໍ່ລອດ

ປກສ ບ້ານທາດຫຼວງກາງ ເມືອງໄຊເຊດຖາ ນະຄອນຫຼວງວຽງຈັນ ໄດ້ກັກຕົວຊາຍທີ່ກໍເຫດລັກລົດຈັກເວບ 100 ສີຂຽວດຳ ຂອງນາງ ມະນີສຸກ ໃນຄືນວັນທີ 9 ມີນາ 2017 ຢູ່ບ້ານທາດຫຼວງກາງ, ພ້ອມຂອງກາງລົດຈັກ ຄັນດັ່ງກ່າວ ນຳສົ່ງໃຫ້ ປກສ ເມືອງສືບສວນຂະຫຍາຍຜົນ.

ເຈົ້າໜ້າທີ່ ໜ່ວຍງານສອບສວນຄະດີອາຍາ ປກສ ເມືອງໄຊເຊດຖາ ເປີດເຜີຍໃນຮູ້ວ່າ: ໃນວັນທີ 10 ມີນາ 2017 ເວລາ 3:00 ໂມງ ປກສ ບ້ານ ທາດຫຼວງກາງ ໄດ້ອອກລາດຕະເວນພາຍໃນເດີນພະທາດຫຼວງ ພົບທ້າວ ສຸກັນ (ຮູ້ຊື່ຕາມພາຍຫຼັງ) ອາຍຸ 26 ປີ ຢູ່ບ້ານ ໂພນສົມບູນ ເມືອງສີໂຄດ ຕະບອງ ນະຄອນຫຼວງວຽງຈັນ ນອນຫຼັບຢູ່ຕັ່ງ ແລະ ມີລົດຈັກ ເວບ 100 ຂຽວດຳຈອດໄວທາງຂ້າງ. ຈາກນັ້ນ, ຈຶ່ງໄດ້ນຳຕົວຜູ້ກ່ຽວມາຫ້ອງການ ບ້ານປົກຄອງບ້ານ, ຜ່ານການກວດເອກະສານລົດໃນເບື້ອງຕົນພົບວ່າ ລົດຄັນດັ່ງກ່າວແມ່ນລົດຂອງນາງ ມະນີສຸກ ທີ່ໄດ້ເຂົ້າແຈ້ງຄວາມໃນວັນທີ 9 ມີນາ 2017 ທີ່ຜ່ານມາ. ສະນັ້ນ, ຈຶ່ງນຳຕົວຜູ້ກ່ຽວສົ່ງໃຫ້ກອງບັນຊາການ ປກສ ເມືອງໄຊເຊດຖາ ນະຄອນຫຼວງວຽງຈັນ ທຳການສືບສວນ-ສອບສວນ ຂະຫຍາຍຜົນ ເພື່ອດຳເນີນຄະດີຕາມຂັ້ນຕອນຂອງກົດໝາຍ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.