ລັດ­ຖະ­ບານແກ້​ໄຂ​ໜີ້​ສິນ​ໂຄງ­ການ ແລະ​ພັນ­ທະ­ບັດ​ໄດ້ 7 ຮ້ອຍ​ຕື້​ກີບ

ໃນ​ໄລ­ຍະ 6 ເດືອນ​ຜ່ານ​ມາ ຊຶ່ງ​ເປັນ​ໄລ­ຍະ​ເວ­ລາ​ທີ່​ປະ­ຕິ­ບັດ​ແຜນ 3 ເດືອນ​ຂ້າມ​ຜ່ານ​ທ້າຍ​ປີ 2016 ແລະ​ເລີ່ມ​ປີ​ງົບ­ປະ­ມານ 2017 ງວດ​ທີ 1 ຕາມ​ປີ​ປະ­ຕິ­ທິນ ລັດ­ຖະ­ບານ​ໄດ້​ປະ­ຕິ­ບັດ​ຫຼາຍ​ວຽກ​ງານ​ສຳ­ຄັນ ໂດຍ​ໄດ້​ຄຸ້ມ​ຄອງ​ເສດ­ຖະ­ກິດ​ມະ​ຫະ​ພາກ​ໃຫ້​ມີ​ສະ­ຖຽນ​ລະ​ພາບ ແລະ​ໝັ້ນ​ທ່ຽງ ຊຸກ­ຍູ້​ໃຫ້​ເສດ­ຖະ­ກິດ​ຂະ­ຫຍາຍ­ຕົວ​ບໍ່​ຫຼຸດ 7%, ປັບ­ປຸງ​ການ​ຄຸ້ມ​ຄອງ​ລະ­ບົບ​ການ​ເງິນŒງົບ­ປະ­ມານ​ໃຫ້​ເຂັ້ມ​ງວດ​ຂຶ້ນ, ທີ່​ພົ້ນ​ເດັ່ນ​ກວ່າ​ໝູ່​ແມ່ນ​ໄດ້​ອະ­ນຸ­ມັດ​ງົບ­ປະ­ມານ 4 ຮ້ອຍ​ຕື້​ກີບ ເພື່ອ​ແກ້​ໄຂ​ໜີ້​ສິນ​ໂຄງ­ການ​ການ​ລົງ­ທຶນ​ຂອງ​ລັດ ແລະ 3 ຮ້ອຍ​ຕື້​ກີບ ເພື່ອ​ແກ້​ໄຂ​ໜີ້​ພັນ­ທະ­ບັດ ເພື່ອ ສ້າງ​ເງື່ອນ­ໄຂ​ໃຫ້​ພາກ​ທຸ­ລະ​ກິດ​ສືບ­ຕໍ່ ເຄື່ອນ​ໄຫວ​ວຽກ​ງານ​ຂອງ​ຕົນ.

ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ລາຍ​ງານ​ຕໍ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 3 ຂອງ​ສະ­ພາ​ແຫ່ງ​ຊາດ ຊຸດ​ທີ 8 ໃນ​ວັນ​ທີ 25 ເມ­ສາ 2017 ທີ່​ສະ­ພາ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ​ຮູ້​ວ່າ: ການ­ຈັດ­ຕັ້ງ ປະ­ຕິ­ບັດ​ແຜນ​ວຽກ​ຈຸດ​ສຸມ​ໃນ​ໄລ­ຍະ 6 ເດືອນ​ຜ່ານ​ມາ, ລັດ­ຖະ­ບານ​ໄດ້​ຄຸ້ມ​ຄອງ​ເສດ­ຖະ­ກິດ​ມະ​ຫະ​ພາກ​ໃຫ້​ມີ​ສະ­ຖຽນ​ລະ ພາບ ແລະ​ໝັ້ນ​ທ່ຽງ ໂດຍ​ປັບ­ປຸງ​ນະ­ໂຍ­ບາຍ ແລະ​ນິ­ຕິ​ກຳ​ໃຫ້​ສອດ­ຄ່ອງ ແລະ​ກົມ­ກຽວ ເພື່ອ​ສ້າງ​ເງື່ອນ­ໄຂ​ອຳ­ນວຍ​ຊຸກ­ຍູ້ ໃຫ້​ເສດ­ຖະ­ກິດ​ຂະ­ຫຍາຍ­ຕົວ​ໃນ​ລະ­ດັບ​ບໍ່​ຫຼຸດ 7%, ໄດ້​ປັບ­ປຸງ​ການ​ຄຸ້ມ​ຄອງ​ລະ­ບົບ​ການ​ເງິນŒງົບ­ປະ­ມານ​ໃຫ້​ເຂັ້ມ​ງວດ
ຂຶ້ນ ເພື່ອ​ແກ້​ໄຂ​ສະ­ພາບ​ຄວາມ​ຫຍຸ້ງ­ຍາກ​ທາງ​ດ້ານ​ງົບ­ປະ­ມານ ໂດຍ​ຊຸກ­ຍູ້​ສົ່ງ­ເສີມ​ການ​ຫັນ​ກົນ​ໄກ​ການ​ເກັບ​ລາຍ​ຮັບ​ໃຫ້​ເຂົ້າ​ສູ່​ລະ­ບົບ​ທັນ​ສະ­ໄໝ ແລະ​ໂປ່ງ​ໃສ ພ້ອມ​ທັງ​ເຂັ້ມ​ງວດ​ການ​ຕິດ­ຕາມ​ກວດ­ກາ​ເກັບ ກຳ​ສຳ​ຫຼວດ​ຖານ​ລາຍ​ຮັບ ເພື່ອ​ກຳ​ຈັດ­ການ​ຮົ່ວ​ໄຫຼ​ຂອງ​ລາຍ​ຮັບ​ງົບ­ປະ­ມານ, ໄດ້​ເອົາ­ໃຈ­ໃສ່​ຄຸ້ມ​ຄອງ​ການ​ປະ­ຕິ­ບັດ​ແຜນ​ງົບ­ປະ­ມານ ແລະ​ແຜນ​ລາຍ​ຈ່າຍ​ໃຫ້​ມີ​ປະ​ສິດ­ທິ​ຜົນ ພ້ອມ​ທັງ​ມີ​ຄວາມ​ເຂັ້ມ​ງວດ​ຕໍ່​ການ​ປະ­ຕິ­ບັດ​ໂຄງ­ການ​ນອກ​ແຜນ, ຄຽງ​ຄູ່​ກັນ​ນັ້ນ​ກໍ​ໄດ້​ຈັດ​ຕັ້ງ​ປະ­ຕິ ບັດ​ນະ­ໂຍ­ບາຍ​ປະ­ຢັດ ແລະ​ຕ້ານ​ການ​ຟຸມ ເຟືອຍ​ໃຫ້​ເປັນ​ຮູບ​ປະ​ທຳ.

ນອກ​ນີ້ ຍັງ​ໄດ້​ຄຸ້ມ​ຄອງ​ເງິນ­ຕາ​ໃຫ້​ມີ ສະ­ຖຽນ​ລະ​ພາບ ສືບ­ຕໍ່​ປະ­ຕິ­ບັດ​ນະ­ໂຍ­ບາຍ​ດອກ​ເບ້ຍ​ຕາມ​ກົນ​ໄກ​ຕະ­ຫຼາດ​ທີ່​ມີ​ການ​ຄຸ້ມ​ຄອງ​ດັດ­ສົມ​ຂອງ​ລັດ, ກຳ­ນົດ​ອັດ­ຕາ​ດອກ​ເບ້ຍ​ເງິນ​ຝາກ ແລະ​ເງິນ​ກູ້​ຢ່າງ​ເໝາະ​ສົມ ເພື່ອ​ສ້າງ​ເງື່ອນ­ໄຂ​ໃຫ້ ພາກ​ທຸ­ລະ​ກິດ ກໍ​ຄື​ຜູ້​ປະ­ກອບ​ການ​ໃນ​ການ­ເຄື່ອນ­ໄຫວ​ຜະ­ລິດ​ທຸ­ລະ​ກິດ, ໄດ້​ອະ­ນຸ­ມັດ​ງົບ­ປະ­ມານ 4 ຮ້ອຍ​ຕື້​ກີບ ເພື່ອ​ແກ້​ໄຂ​ໜີ້​ສິນ​ໂຄງ­ການ​ການ​ລົງ­ທຶນ​ຂອງ​ລັດ ແລະ 3 ຮ້ອຍ​ຕື້​ກີບ ເພື່ອ​ແກ້​ໄຂ​ໜີ້​ພັນ­ທະ­ບັດ ເພື່ອ​ສ້າງ​ເງື່ອນ­ໄຂ​ໃຫ້​ພາກ​ທຸ­ລະ​ກິດ​ສືບ­ຕໍ່​ເຄື່ອນ​ໄຫວ​ວຽກ​ງານ​ຂອງ​ຕົນ, ການ​ແກ້​ໄຂ​ໜີ້​ສິນ​ດັ່ງ­ກ່າວ ເຖິງ​ຈະ​ບໍ່​ສາ­ມາດ ຕອບ​ສະ­ໜອງ​ໄດ້​ໝົດ​ຕາມ​ຄວາມ​ຕ້ອງ ການ​ທາງ​ດ້ານ​ທຶນ­ຮອນ​ຂອງ​ຜູ້​ປະ­ກອບ ການ​ທີ່​ໄດ້​ລົງ­ທຶນ​ໄປ​ແລ້ວ​ນັ້ນ​ກໍ​ຕາມ, ແຕ່​ກໍ່​ເປັນ​ສັນ­ຍານ​ທີ່​ດີ​ໃຫ້​ແກ່​ພາກ​ທຸ­ລະ​ກິດ​ທາງ​ດ້ານ​ກຳ­ລັງ​ໃຈ, ພ້ອມ​ນີ້ ລັດ­ຖະ­ບານ​ກໍ​ສືບ­ຕໍ່​ຄົ້ນ­ຄວ້າ ແລະ​ຈັດ​ຫາ​ແຫຼ່ງ​ງົບ­ປະ­ມານ ເພື່ອ​ສືບ­ຕໍ່​ແກ້​ໄຂ​ໜີ້​ສິນ​ຢ່າງ​ເອົາ​ຈິງ​ເອົາ​ຈັງ, ໄດ້​ທົບ​ທວນ ແລະ​ກວດ­ກາ​ຄືນ​ບັນ­ດາ​ໂຄງ­ການ​ສະ­ເໜີ​ລົງ­ທຶນ​ໃໝ່ ທີ່​ຕ້ອງ­ການ​ທຶນ​ກູ້​ຢືມ​ຈຳ­ນວນ​ຫຼາຍ ເພື່ອ​ເບິ່ງ​ຄວາມ​ສົມ​ເຫດ​ສົມ​ຜົນ ແລະ​ປະ​ສິດ­ທິ​ຜົນ ຂອງ​ໂຄງ­ການ.

ໄດ້​ກະ­ກຽມ​ດຳ­ເນີນ​ການ​ຄົ້ນ­ຄວ້າ​ເພື່ອປັບ­ປຸງ​ລັດ​ວິ​ສາ​ຫະ​ກິດ​ຈຳ­ນວນ​ໜຶ່ງ ຊຶ່ງ​ເປັນ​ລັດ​ວິ​ສາ​ຫະ​ກິດ​ຂະ­ໜາດ​ໃຫຍ່ ແລະ​ມີ​ລັກ­ສະ­ນະ​ຍຸດ​ທະ​ສາດ​ຄຽງ​ຄູ່​ກັນ​ນີ້ ກໍ​ສືບ­ຕໍ່​ກະ­ກຽມ​ປັບ­ປຸງ​ບັນ­ດາ​ວິ​ສາ​ຫະ​ກິດ​ທີ່​ດຳ­ເນີນ​ທຸ­ລະ​ກິດ​ຂາດ​ປະ​ສິດ­ທິ​ຜົນ​ເປັນ​ແຕ່​ລະ​ບໍ­ລິ­ສັດ​ໄປ​ຊຸກ­ຍູ້​ການ­ຈັດ­ຕັ້ງ​ປະ­ຕິ­ບັດ​ບັນ­ດາ​ໂຄງ­ການ​ລົງ­ທຶນ​ຂະ­ໜາດ​ໃຫ່​ຍ ຊຶ່ງ​ປະ­ກອບ­ສ່ວນ​ສູງ​ຕໍ່​ການ​ພັດ­ທະ­ນາ​ເຊັ່ນ: ໂຄງ­ການ​ທາງ​ລົດ­ໄຟ​ລາວŒຈີນ, ໂຄງ­ການ​ຂະ­ຫຍາຍ​ທາງ​ລົດ­ໄຟ​ລາວŒໄທ ແລະ​ໂຄງ­ການ​ອື່ນໆ, ເອົາ­ໃຈ­ໃສ່​ຕໍ່​ວຽກ​ງານ​ຂຸດ​ຄົ້ນ​ນຳ​ໃຊ້​ຊັບ­ພະ­ຍາ­ກອນ​ທຳ​ມະ​ຊາດ ແລະ​ປົກ​ປັກ​ຮັກ­ສາ​ສິ່ງ​ແວດ ລ້ອມ, ປັບ­ປຸງ​ກົນ​ໄກ​ບໍ­ລິ­ຫານ​ລັດ​ໃຫ້​ກະ­ທັດ​ຮັດ, ໜັກ​ແໜ້ນ ແລະ​ກົມ­ກຽວ​ກັນ​ຫຼາຍ​ຂຶ້ນ.

ຜ່ານ​ການ​ປະ­ຕິ­ບັດ​ວຽກ​ງານ​ຈຸດ​ສຸມ ທີ່​ກ່າວ​ມາ​ນັ້ນ, ລັດ­ຖະ­ບານ​ໄດ້​ຕີ​ລາ­ຄາ ແລະ​ຄິດ­ໄລ່​ການ​ເຕີບ​ໂຕ​ຂອງ​ເສດ­ຖະ­ກິດ​ແຫ່ງ​ຊາດ ຕາມ​ປີ​ປະ­ຕິ­ທິນ​ໝົດ​ປີ 2016 ເຫັນ​ວ່າ ລວມ​ຍອດ​ຜະ­ລິດ​ຕະ​ພັນ​ພາຍ​ໃນ (GDP) ບັນ­ລຸ​ໄດ້ 7,02% ຫຼື​ມີ​ມູນ​ຄ່າ 129.279 ຕື້​ກິບ, ສ່ວນ GDP ສະ­ເລ່ຍ​ຕໍ່​ຫົວ​ຄົນ ບັນ­ລຸ​ໄດ້ 2.408 ໂດ​ລາ​ສະ­ຫະ­ລັດ (ຈຳ­ນວນ​ພົນ­ລະ­ເມືອງ 6,6 ລ້ານ ຄົນ), ຄອບ­ຄົວ​ທຸກ​ຍາກ​ໄດ້​ຫຼຸດ​ລົງ​ຈາກ 6,59% ໃນ​ປີ 2015, ຍັງ​ເຫຼືອ 6,3% ໃນ​ປີ 2016 ຂອງ​ຄອບ­ຄົວ​ທັງ​ໝົດ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.