ລັດ­ຖະ­ມົນ­ຕີ​ປ້ອງ​ກັນປະ­ເທດ​ອາ​ຊຽນ ຮັບ­ຮອງ​ຫຼາຍ​ບັນ­ຫາ​

ລັດ­ຖະ­ມົນ­ຕີປ້ອງກັນປະ­ເທດອາຊຽນ ໄດ້ເປັນເອ­ກະພາບຮັບ­ຮອງເອົາຫຼາຍບັນ­ຫາສຳ­ຄັນຮ່ວມກັນເປັນ­ຕົ້ນແມ່ນຂໍ້ກຳ­ນົດ ວ່າດ້ວຍກອງກຳ­ລັງກຽມພ້ອມຂອງອາຊຽນເພື່ອຊ່ວຍ­ເຫຼືອດ້ານມະ­ນຸດ­ສະ­ທຳ ແລະ ບັນ­ເທົາທຸກໄພ­ພິ­ບັດ, ສູນແພດທະ­ຫານອາຊຽນ ແລະ ເອ­ກະສານແນວຄວາມຄິດກ່ຽວກັບການສ້າງຕັ້ງໜ່ວຍງານຊ່ຽວ­ຊານທາງດ້ານຄວາມໝັ້ນ­ຄົງທາງອິນເຕີເນັດ ແລະ ອື່ນໆ.

ວັນທີ 25 ພຶດ­ສະ­ພາທີ່ນະ­ຄອນຫຼວງວຽງຈັນ ໄດ້ມີກອງປະ­ຊຸມລັດຖະມົນ­ຕີປ້ອງກັນປະ­ເທດອາຊຽນ ຄັ້ງທີ 10 ໂດຍການເປັນປະ­ທານຂອງທ່ານ ພົນໂທ ຈັນສະ­ໝອນ ຈັນຍາລາດ ລັດ­ຖະ­ມົນ­ຕີກະ­ຊວງປ້ອງກັນປະ­ເທດແຫ່ງ ສປປ ລາວ, ພ້ອນນີ້ ກໍມີບັນ­ດາລັດ­ຖະ­ມົນ­ຕີປ້ອງກັນປະ­ເທດອາຊຽນ, ຫົວ­ໜ້າເຈົ້າໜ້າ­ທີ່ອາ­ວຸ­ໂສ ແລະ ເຈົ້າໜ້າ­ທີ່ກ່ຽວ­ຂ້ອງທຸກຝ່າຍເຂົ້າຮ່ວມ.

ທ່ານ ພົນໂທ ຈັນສະ­ໝອນ ຈັນຍາລາດ ກ່າວວ່າ: ກອງປະ­ຊຸມນີ້ແມ່ນໄດ້ຮັບຟັງການລາຍງານສະ­ພາບການ ແລະ ທົບທວນບາງບັນ­ຫາທີ່ພົ້ນເດັ່ນໃນອາຊຽນ, ການແລກ­ປ່ຽນສະ­ພາບການໃນພາກພື້ນ ແລະ ສາ­ກົນ, ພິ­ຈາ­ລະ­ນາຮັບ ຮອງເອົາບັນ­ດາເອ­ກະ­ສານທີ່ສຳ­ຄັນທີ່ບັນ­ດາປະ­ເທດສະ­ມາ­ຊິກອາຊຽນໄດ້ສະເໜີ ແລະ ປຶກ­ສາຫາ­ລືກັນໃນກອງປະ­ຊຸມເຈົ້າໜ້າ­ທີ່ອາ­ວຸ­ໂສປ້ອງກັນປະ­ເທດອາຊຽນເອ­ກະ­ສານດັ່ງ­ກ່າວ ລ້ວນແຕ່ເປັນການກຳ­ນົດທິດທາງ ແລະ ການຮ່ວມມື ໃນຂອບເຂດ ADMM ຊຶ່ງເປັນພື້ນຖານໃຫ້ແກ່ການສົ່ງ­ເສີມ ແລະ ການຮັດແໜ້ນການພົວ­ພັນຮ່ວມມືວຽກງານປ້ອງກັນປະ­ເທດອາຊຽນ ໂດຍເອ­ກະ­ສານດັ່ງກ່າວໄດ້ສ້າງຂຶ້ນບົນພື້ນ­ຖານຖະ­ແຫຼງການຮ່ວມ ແລະແຜນ­ການ 3 ປີ ຂອງກອງປະ­ຊຸມລັດ­ຖະ­ມົນ­ຕີປ້ອງກັນປະເທດອາຊຽນ ນັບແຕ່ປີ 2014-2016, ສອດ­ຄ່ອງກັບທິດທາງແຜນແມ່ບົດຂອງປະ­ຊາຄົມການ­ເມືອງ-ຄວາມໝັ້ນ­ຄົງອາຊຽນ ເພື່ອຊຸກ­ຍູ້ ແລະສົ່ງ­ເສີມການຮ່ວມມືຢ່າງໃກ້­ຊິດໃນວຽກງານປ້ອງກັນຊາດອາຊຽນ.

ກອງປະ­ຊຸມດັ່ງ­ກ່າວ ຍັງໄດ້ຮັບ­ຮອງເອົາເອ­ກະ­ສານສຳ­ຄັນເປັນ­ຕົ້ນຂໍ້ກຳນົດ ວ່າດ້ວຍກອງກຳ­ລັງກຽມ­ພ້ອມຂອງອາຊຽນ ເພື່ອການຊ່ວຍ­ເຫຼືອດ້ານມະ­ນຸດສະທຳ ແລະບັນ­ເທົາທຸກໄພ­ພິ­ບັດ, ສູນແພດທະ­ຫານອາຊຽນ ແລະ ເອ­ກະ­ສານແນວຄິດກ່ຽວກັບການສ້າງ­ຕັ້ງໜ່ວຍງານຜູ້ຊ່ຽວ­ຊານທາງດ້ານຄວາມໝັ້ນຄົງທາງອິນເຕີເນັດ.

ນອກນັ້ນ ຍັງໄດ້ຮັບ­ຮອງເອົາບົດຖະ­ແຫຼງ­ການຮ່ວມຂອງກອງປະ­ຊຸມລັດ­ຖະ­ມົນ­ຕີປ້ອງກັນປະ­ເທດອາຊຽນຄັ້ງທີ 10 ວ່າດ້ວຍການສົ່ງ­ເສີມການຮ່ວມມືວຽກງານປ້ອງກັນປະ­ເທດ ເພື່ອຄວາມເຂັ້ມແຂງຂອງປະ­ຊາຄົມອາຊຽນ ແລະ ບັນຫາທີ່ໄດ້ຕົກ­ລົງກັນນັ້ນລ້ວນແຕ່ເປັນພື້ນຖານທີ່ສຳ­ຄັນໃຫ້ແກ່ການຮ່ວມມືວຽກງານປ້ອງກັນຊາດ, ຄວາມໝັ້ນ­ຄົງໃນຕໍ່ໜ້າ ເພື່ອປະ­ກອບ­ສ່ວນເຂົ້າໃນການສ້າງປະ­ຊາຄົມອາຊຽນ ໂດຍສະ­ເພາະການ­ຈັດ­ຕັ້ງຜັນຂະ­ຫຍາຍແຜນງານຂອງປະ­ຊາຄົມການ­ເມືອງ ແລະ ຄວາມໝັ້ນ­ຄົງ ຂອງອາຊຽນແຕ່ນີ້ຮອດປີ  2025.

ຂ່າວ: ນສພ ເສດຖະກິດ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.