ລັດ​ຄາດ​ຄະ­ເນ​ເກັບ​ລາຍ​ຮັບ​ປີ​ນີ້​ໄວ້​ເກືອບ 23 ພັນ​ຕື້​ກີບ

ແຜນ​ຄາດ​ຄະ­ເນ​ຈັດ​ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ​ໝົດ​ປີ 2017 (ຍັງ​ເຫຼືອ​ອີກ 9 ເດືອນ) ລັດ​ຈະ​ສຸມ​ໃສ່​ທຸກ​ຄວາມ​ສາ­ມາດ ແລະ​ສູ້​ຊົນ​ຈັດ​ເກັບ​ລາຍ​ຮັບ​ໃຫ້​ໄດ້​ຫຼາຍ​ຂຶ້ນ​ໂດຍ​ກຳ­ນົດ ໄວ້​ຢ່າງ​ຕ່ຳ 95% ຂອງ​ແຜນ­ການ ຫຼື ເທົ່າ​ກັບ​ເກືອບ 23 ພັນ​ຕື້​ກີບ ແລະ​ຈະ​ບໍ່​ສະ­ເໜີ​ດັດ ແກ້​ແຜນ​ງົບ­ປະ­ມານ ສ່ວນ​ລາຍ​ຈ່າຍ​ທັງ​ໝົດ​ຄາດ​ປະ ຕິ​ບັດ​ໄດ້ 31.402 ຕື້​ກີບ.

ທ່ານ ສົມ​ດີ ດວງ​ດີ ຮອງ​ນາ­ຍົກ­ລັດ­ຖະ­ມົນ­ຕີ, ລັດ­ຖະ­ມົນ­ຕີ​ກະ­ຊວງ​ການ​ເງິນ ລາຍ​ງານ​ຕໍ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 3 ຂອງ​ສະ­ພາ​ແຫ່ງ​ຊາດ​ຊຸດ​ທີ 8 ຄັ້ງ​ວັນ​ທີ 25 ເມ­ສາ 2017 ທີ່​ສະ­ພາ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ​ຮູ້​ວ່າ: ແຜນ​ຄາດ​ຄະ­ເນ​ໝົດ​ປີ 2017 ເຫັນ​ວ່າ­ການ​ຈັດ​ເກັບ​ລາຍ​ຮັບ​ງົບ­ປະ­ມານ​ແມ່ນ​ຍັງ​ມີ​ສິ່ງ​ທ້າ​ທາຍ ຊຶ່ງ​ລັດ­ຖະ­ບານ​ຈະ​ໄດ້​ເພີ່ມ​ທະ­ວີ​ຄວາມ​ເຂັ້ມ​ງວດ​ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ງົບ­ປະ­ມານ​ແຫ່ງ​ລັດ​ທັງ​ໃນ​ດ້ານ​ລາຍ​ຮັບ ແລະ​ລາຍ​ຈ່າຍ​ຂຶ້ນ​ກວ່າ​ເກົ່າ ຊຶ່ງ​ຕາມ​ການ​ຄົ້ນ­ຄວ້າ​ຕີ​ລາ­ຄາ​ເຫັນ​ວ່າ​ຈະ​ສາ­ມາດ​ຈັດ​ເກັບ​ໄດ້​ຢ່າງ​ຕ່ຳ​ບໍ່​ໃຫ້​ຫຼຸດ 95% ຂອງ​ແຜນ­ການ.

ສຳ­ລັບ​ແຜນ​ດ້ານ​ລາຍ​ຮັບ​ຄາດ​ຄະເນ​ຈະ​ປະ­ຕິ­ບັດ​ໄດ້ 22.942 ຕື້​ກີບ ເທົ່າ​ກັບ 96,30% ຂອງ​ແຜນ­ການ​ປີ, ໃນ​ນັ້ນ ລາຍ​ຮັບ​ພາຍ​ໃນ 20.424 ຕື້​ກີບ, ແບ່ງ​ເປັນ​ແຕ່​ລະ​ຂະ­ແໜງ­ການ​ຄື: ລາຍ​ຮັບ​ສ່ວຍ​ສາ​ອາ­ກອນ 10.250 ຕື້​ກີບ, ພາ­ສີ 6.408 ຕື້​ກີບ, ວິ​ສາ​ຫະ​ກິດ​ລັດ​ລົງ­ທຶນ 1.396 ຕື້​ກີບ, ຄຸ້ມ​ຄອງ​ຊັບ​ສິນ​ຂອງ​ລັດ 2.441 ຕື້​ກີບ ແລະ​ລາຍ​ຮັບ​ອື່ນໆ 34 ຕື້​ກີບ, ດ້ານ​ລາຍ​ຈ່າຍ​ທັງ​ໝົດ​ຄາດ​ຄະ ເນ​ປະ­ຕິ­ບັດ​ໄດ້ 32.402 ຕື້​ກີບ ເທົ່າ​ກັບ 100% ຂອງ​ແຜນ­ການ​ປີ, ໃນ​ນີ້ ເງິນ­ເດືອນ ແລະ​ເງິນ​ອຸດ­ໜຸນ 10.500 ຕື້​ກີບ, ເງີນ​ນະ­ໂຍ­ບາຍ ແລະ​ເງິນ​ຊ່ວຍ​ໜູນ 1.700 ຕື້​ກີບ, ເງິນ​ບໍ­ລິ­ຫານ ແລະ​ຊື້​ໃໝ່ 2.800 ຕື້​ກີບ, ເງິນ​ລົງ­ທຶນ​ພາຍ​ໃນ 5.463 ຕື້​ກີບ, ເງິນ​ລົງ­ທຶນ​ຕ່າງ­ປະ­ເທດ 8.078 ຕື້​ກີບ.

ທ່ານ ສົມ​ດີ ດວງ​ດີ ກ່າວ​ຕື່ມ​ວ່າ: ແນວ­ໃດ​ກໍ່​ຕາມ ຈາກ​ແຜນ​ຄາດ​ຄະ­ເນ​ລາຍ​ຮັບ​ໝົດ​ປີ 2017 ທັງ​ໝົດ​ຈະ​ສາ­ມາດ​ຈັດ ເກັບ​ໄດ້​ພຽງ 96% ຂອງ​ແຜນ­ການ​ປີ, ໃນ​ນີ້ ລາຍ​ຮັບ​ພາຍ​ໃນ ຈະ​ໄດ້​ປະ­ມານ 95% ຂອງ​ແຜນ­ການ​ປີ, ຊຶ່ງ​ເຮັດ​ໃຫ້​ຕົວ ເລກ​ທີ່​ຈະ​ບໍ່​ສາ­ມາດ​ຈັດ​ເກັບ​ໄດ້​ປະ­ມານ 885 ຕື້​ກີບ, ສະ­ນັ້ນ ເພື່ອ​ຮັບ­ປະ­ກັນ​ບໍ່​ໃຫ້​ມີ​ການ​ຂາດ​ດຸນ​ເພີ່ມ ແລະ​ທັງ​ເປັນ​ການ​ຮັກ­ສາ​ສະ­ຖຽນ​ລະ​ພາບ​ທາງ​ດ້ານ ການ​ເງິນ​ໂດຍ​ລວມ​ຂອງ​ປະ­ເທດ ແມ່ນ​ຈະ​ໄດ້​ມີ​ການ​ຄົ້ນ­ຄວ້າ​ດຳ­ເນີນ​ມາດ​ຕະ­ການ​ທາງ​ດ້ານ​ລາຍ​ຈ່າຍ​ຈຳ­ນວນ​ໜຶ່ງ​ທີ່​ເຫັນ​ວ່າ​ຈະ​ສາ­ມາດ​ໂຈະ ຫຼື ເລື່ອນ​ໄປ​ກ່ອນ, ນອກ​ນັ້ນ​ກໍ​ຈະ​ໄດ້​ປະ­ຕິ­ບັດ​ກົນ​ໄກ ຕິດ­ຕາມ​ການ​ອະ­ນຸ­ມັດ​ເງິນ​ຕົວ​ຈິງ​ໃຫ້​ມີ​ຄວາມ​ຮັດ­ກຸມ ຖ້າ​ບໍ່​ມີ​ຄວາມ​ຈຳ­ເປັນ​ແມ່ນ​ຈະ​ບໍ່​ທັນ​ອະ­ນຸ­ມັດ​ເຊັ່ນ: ບັນ­ດາ​ແຜນ​ງານ, ກິດ­ຈະ­ກຳ​ທີ່​ບໍ່​ທັນ​ໄດ້​ປະ­ຕິ­ບັດ ແລະ​ອື່ນໆ ທັງ​ນີ້ ກໍ່​ເພື່ອ​ໃຫ້​ສາ­ມາດ​ປະ­ຕິ­ບັດ​ລາຍຈ່າຍ​ໄດ້​ຕາມ​ຄວາມ​ອາດ​ສາ­ມາດ​ໃນ ການ​ຈັດ​ເກັບ​ລາຍ​ຮັບ​ຕົວ​ຈິງ.

ດ້ານ​ການ​ດຸນ​ດ່ຽງ ອີງ­ໃສ່​ການ​ຄາດ ຄະ­ເນ​ຈັດ​ຕັ້ງ​ປະ­ຕິ­ບັດ​ລາຍ​ຮັບ-ລາຍ​ຈ່າຍ​ໝົດ​ປີ 2017 ເຫັນ​ວ່າ ຈະ​ມີ​ການ​ຂາດ​ດຸນ ຈຳ­ນວນ 9.346 ຕື້​ກີບ, ລວມ​ການ​ຊຳ­ລະ​ຕົ້ນ​ທຶນ​ເງິນ​ກູ້​ຢືມ​ຕ່າງ­ປະ­ເທດ, ລາຍ​ຈ່າຍ​ຊຳ­ລະ​ພັນ­ທະ­ບັດ​ຄັງ​ເງິນ ແລະ​ຕົ້ນ​ທຶນ​ພັນ­ທະ­ບັດ ຈຳ­ນວນ 6.591 ຕື້​ກີບ, ເປັນ​ທັງ​ໝົດ 15.937 ຕື້​ກີບ ຊຶ່ງ​ລັດ­ຖະ­ບານ​ຈະ​ໄດ້​ສຸມ​ໃສ່​ການ​ລະ­ດົມ​ແຫຼ່ງ​ດຸນ​ດ່ຽງ ໃຫ້​ໄດ້​ຕາມ​ແຜນ­ການ​ທີ່​ສະ­ພາ​ແຫ່ງ​ຊາດ​ໄດ້​ຮັບ­ຮອງ.

ຢ່າງ­ໃດ​ກໍ​ຕາມ ຜ່ານ​ການ­ຈັດ­ຕັ້ງ​ປະ ຕິ​ບັດ​ແຜນ​ງົບ­ປະ­ມານ​ແຫ່ງ​ລັດ ໃນ​ງວດ ທີ 1 ປະ­ຈຳ​ປີ 2017 ຮອດ​ວັນ​ທີ 31 ມີ­ນາ 2017 ດ້ານ​ລາຍ​ຮັບ​ສາ­ມາດ​ຈັດ​ຕັ້ງ ປະ­ຕິ­ບັດ​ໄດ້​ທັງ​ໝົດ 4.621,58 ຕື້​ກີບ ເທົ່າ​ກັບ 77,89% ຂອງ​ແຜນ­ການ​ງວດ ທີ1 ຫຼື ເທົ່າ​ກັບ 19,30% ຂອງ​ແຜນ ການ​ປີ, ທຽບ­ໃສ່​ໄລ­ຍະ​ດຽວ​ກັນ​ຂອງ​ສົກ​ປີ­ຜ່ານ­ມາ ເພີ່ມ​ຂຶ້ນ 1,57%. ໃນ​ນັ້ນ ລາຍ ຮັບ​ພາຍ​ໃນ 4.183,37 ຕື້​ກີບ ເທົ່າ​ກັບ 77,78% ຂອງ​ແຜນ­ການ​ງວດ​ທີ1, ໃນ​ນີ້​ສູນ​ກາງ​ປະ­ຕິ­ບັດ​ໄດ້ 3.346,25 ຕື້ ກີບ, ທ້ອງ­ຖິ່ນ ປະ­ຕິ­ບັດ​ໄດ້ 837,11 ຕື້​ກີບ ທັງ​ໝົດ​ນີ້​ແບ່ງ​ເປັນ​ແຕ່​ລະ​ຂະ­ແໜງ­ການ​ຄື: ສ່ວຍ​ສາ​ອາ­ກອນ 1.826,12 ຕື້​ກີບ, ພາ­ສີ 1.585,99 ຕື້​ກີບ, ວິ​ສາ​ຫະ​ກິດ​ລັດ​ລົງ­ທຶນ 271,64 ຕື້​ກີບ, ຄຸ້ມ​ຄອງ ຊັບ​ສິນ​ຂອງ​ລັດ 457,87 ຕື້​ກີບ, ລາຍ​ຮັບ​ອື່ນໆ 41,83 ຕື້​ກີບ.

ສ່ວນ​ດ້ານ​ລາຍ​ຈ່າຍ​ທັງ​ໝົດ​ປະ­ຕິ­ບັດ ໄດ້ ຈຳ­ນວນ 5.579,32 ຕື້​ກີບ, ເທົ່າ​ກັບ 75,69% ຂອງ​ແຜນ­ການ​ງວດ 1 ຫຼື ເທົ່າ​ກັບ 17,22% ຂອງ​ແຜນ­ການ​ປີ, ທຽບ­ໃສ່​ໄລ­ຍະ​ດຽວ​ກັນ​ຂອງ​ສົກ​ປີ­ຜ່ານ­ມາ ເພີ່ມ​ຂຶ້ນ 24,93%, ໃນ​ນີ້​ສູນ​ກາງ ປະ­ຕິ­ບັດ​ໄດ້ 3.669 ຕື້​ກີບ, ທ້ອງ­ຖິ່ນ​ປະ­ຕິ­ບັດ​ໄດ້ 1.910 ຕື້​ກີບ, ໂດຍ​ລາຍ​ຈ່າຍ​ທີ່​ສຳ­ຄັນ​ປະ­ກອບ​ມີ: ເງິນ­ເດືອນ ແລະ​ເງິນ​ອຸດ​ໜູນ 2.566,77 ຕື້​ກີບ, ເງິນ​ນະ­ໂຍ­ບາຍ ແລະ​ເງິນ​ຊ່ວຍ​ໜູນ 291.66 ຕື້​ກີບ, ເງິນ​ບໍ­ລິ­ຫານ ແລະ​ຊື້​ໃໝ່ 182.47 ຕື້​ກີບ, ເງິນ​ລົງ­ທຶນ​ພາຍ​ໃນ 351.44 ຕື້​ກີບ, ເງິນ​ລົງ­ທຶນ​ຕ່າງ­ປະ­ເທດ 999.44 ຕື້​ກີບ, ຈາກ​ການ​ປະ­ຕິ­ບັດ​ລາຍ​ຮັບ-ລາຍ​ຈ່າຍ​ຂ້າງ​ເທິງ​ເຮັດ​ໃຫ້ ມີ​ການ​ຂາດ​ດຸນ​ໃນ​ງວດ​ທີ 1 ຈຳ­ນວນ 957,7 ຕື້​ກີບ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.