ລາຄາ​ເຮືອນ​ຢູ່​ຈີນ​ເພີ່ມ​ຂຶ້ນ​ບໍ່​ຢຸດ

ລາຄາ​ເຮືອນ​ຢູ່​ໃນ​ສປ ຈີນ​ເພີ່ມ​ຂຶ້ນ​ໃນ​ເດືອນ​ກຸມພາ​ທີ່​ຜ່ານ​ມາ ​ເຖິງ​ແມ່ນ​ວ່າ​ຈະ​ມີ​ຂໍ້​ຈຳກັດ​ໃນ​ການ​ເຮັດ​ທຸລະ​ກຳ​ກ່ຽວ​ກັບ​ອະສັງຫາລິ​ມັບ​ຊັບ​ຈາກ​ໜ່ວຍ​ງານ​ທ້ອງຖິ່ນ​ເພີ່ມ​ຂຶ້ນ​ຫຼາຍ​ກໍ​ຕາມ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ ສຳນັກງານ​ສະຖິຕິ​ແຫ່ງ​ຊາດ​ລາຍ​ງານ​ວ່າ ລາຄາ​ເຮືອນ​ໃໝ່ ຍົກ​ເວັ້ນ​ເຮືອນ​ທີ່​​ໄດ້ຮັບ​ເງິນ​ອູດ​ໜູນ​ຈາກ​ລັດຖະບານ​ເພີ່ມ​ຂຶ້ນ​ໃນ 56 ​ເມືອງ​ຈາກ​ທັງ​ໝົດ 70 ​ເມືອງ ​ໃນ​ເດືອນ​ກຸມພາ​ທີ່​ຜ່າ​ນມາ ຊຶ່ງ​ສູງ​ຂຶ້ນ​ຫຼາຍ​​ເມື່ອ​ທຽບ​ກັບ​ຕົວ​ເລກ 45 ​ເມືອງ​ໃນ​ເດືອນ​ມັງກອນ ​ແລະ ຖື​ວ່າ​ສູງ​ຂຶ້ນ​ຈາກ​ປີ​ກ່ອນ.​ເມືອງ​ໃຫຍ່​ໃນ​ຈີນ​ມີ​ລາຄາ​ເຮືອນ​ເພີ່ມ​ຂຶ້ນ​ມາ​ຕະຫຼອດ​ຕັ້ງ​ແຕ່​ປີ​ກ່ອນ​ເຊັ່ນ​ນະຄອນຫຼວງ​ປັກ​ກິ່​ງ ລາຄາ​ເຮືອນ​ໃໝ່​ໃນ​ເດືອນ​ກຸມພາ​ເພີ່ມ​ຂຶ້ນ​ຫຼາຍ​ກວ່າ 24% ​ເມື່ອ​ທຽບ​ກັບ​ເດືອນ​ດຽວ​ກັນ​ຂອງ​ປີ 2016 ສ່ວນ​ຊຽງ​ໄຮ້​ລາຄາ​ເຮືອນ​ເພີ່ມ​ຂຶ້ນ 25% ຂະນະທີ່​ເມືອງ​ເສິ່ນ​ເຈິ້ນ​ເພີ່ມ​ຂຶ້ນ 14%.

ທ່ານ ​ເຈີ​ຍ ຕ້ານ ນັກ​ວິ​ເຄາະ​ຈາກ​ທະນາຄານ​ສື່ສານ​ທີ່ມີ​ຖານ​ບໍລິສັດ​ຕັ້ງຢູ່​ຊຽງ​ໄຮ້​ກ່າວ​ວ່າ ລັດຖະບານ​ຕ້ອງການ​ທີ່​ຈະ​ຕ້ານ​ບໍ່​ໃຫ້​ລາຄາ​ເຮືອນ​ນັ້ນ​ສູງ​ໄປ​ຫຼາຍ​ກວ່າ​ນີ້ ​ແລະ ຕ້ອງການ​ໃຫ້​ມີ​ການ​ພັດທະນາ​ທາງ​ເສດຖະກິດ​ທີ່​ຄົງ​ທີ່​ໃນຕໍ່ໜ້າ, ​ໂດຍ​ທ່ານ ​ເຈີ​ຍກ່າວ​ຕື່ມ​ວ່າ ຖ້າ​ຫາກ​ມີ​ການ​ປັບ​ລາຄາ​ສິນຄ້າ​ອຸປະ​ໂພ​ກບໍລິ​ໂພ​ກ​ໃຫ້​ສູງ​ຂຶ້ນ ລາ​ຄາ​ເຮືອນ​ກໍ​ຈະ​ສູງ​ໄປ​ນຳ ​ແລະ ລັດຖະບານ​ບໍ່​ຕ້ອງການ​ໃຫ້​ລາຄາ​ດັ່ງກ່າວ​ສູງ​ຂຶ້ນ​ໄປ​ເລື້ອຍໆ​ຈົນ​ກາຍ​ເປັນ​ພາວະ​ຟອງ​ສະບູ​ໃນ​ອະ​ນະ​ຄົດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.