ລາວ​ລີກອາ­ທິດ​ທຳ​ອິດ​ເຕະ 3 ຄູ່ ມີ 10 ປະ­ຕູ

6 ທີມ​ຖອນ​ຕົວ​ອອກ​ຈາກ​ການ​ແຂ່ງ­ຂັນ ລາວ​ພຣີ​ເມຍ​ລີກ 2017 ເຮັດ​ໃຫ້​ປີ​ນີ້​ມີ​ພຽງ 8 ທີມ​ເທົ່າ​ນັ້ນ, ແຕ່​ຜ່ານ​ໄປ 1 ອາ­ທິດ​ກໍ່​ເຫັນ​ວ່າ­ການ​ລຸ້ນ​ແຊັມ​ຍາກ​ຈະ​ຄາດ​ຫວັງ​ໄດ​ເມື່ອ​ຜົນ​ການ​ແຂ່ງ­ຂັນ 3 ຄູ່​ທຳ​ອິດ​ມີ​ປະ­ຕູ​ເກີດ​ຂຶ້ນ​ເຖິງ 10 ປະ­ຕູ ໜ້ອຍ​ກວ່າ​ລະ­ດູ​ການ 2016 ທີ່​ຍິງ​ໄດ້ 13 ປະ­ຕູ ຈາກ 7 ຄູ່, ຂະ­ນະ​ທີ່​ທີມ​ເຕັງ 1 ຢ່າງ ລາວ​ໂຕ​ໂຢ​ຕ້າ ງານ​ເຂົ້າ​ຕັ້ງ­ແຕ່​ຫົວ­ທີ​ດ້ວຍ​ການ​ບຸກ​ໄປ​ເສຍ​ໃຫ້ ມຊ ເອ​ັຟ​ຊີ   0 – 2 ລຸ້ນ​ແຊັມ​ສະ­ໄໝ​ທີ 2 ລຳ­ບາກ ເພາະ​ຜົນ­ງານ​ຂອງ​ຄູ່​ແຂ່ງ​ມາ​ດີ​ເກີນ​ຄາດ ໂດຍ​ສະ­ເພາະ ປກສ ທີ່​ຖະ​ຫຼົ່ມ ໄອ​ດີ​ຊີ ຈຳ­ປາ​ສັກ 7 – 1 ເຊັ່ນ​ດຽວ​ກັບ ສະ­ຫວັນ ຢູ​ໄນ​ເຕັດ ເກັບ 3 ແຕ້ມ​ແຮກ​ໝານ​ໄດ້​ສຳ­ເລັດ.

ການ​ແຂ່ງ­ຂັນ​ບານ­ເຕະລາວ​ພຣີ​ເມຍ​ລີກ ລະ­ດູ​ການ 2017 ເປີດ​ສາກ​ຂຶ້ນ​ຢ່າງ​ເປັນ​ທາງ​ການ​ເມື່ອ​ວັນ​ທີ 1 ເມ­ສາທີ່​ຜ່ານ​ມາ ເຊິ່ງ​ເປັນ​ການ​ແຂ່ງ­ຂັນ​ອາ­ທິດ​ທຳ​ອິດ​ຂອງ​ລະ­ດູ​ການ​ນີ້ ໂດຍ​ມີ​ການ​ແຂ່ງ­ຂັນ 3 ຄູ່ ເຊິ່ງ​ປະ­ກົດ​ວ່າ​ຄູ່​ທຳ​ອິດ ມຊ ເອ​ັຟ​ຊີ ຮັກ­ສາ​ສະ­ຖິ­ຕິ​ບໍ່​ເສຍ​ໃນ​ບ້ານ​ໃຫ້​ກັບ ລາວ​ໂຕ​ໂຢ​ຕ້າ ໄວ້​ຕໍ່​ໄປ​ຫຼັງ​ເອົາ​ຊະ­ນະ​ໄປ​ຂາດ​ລອຍ 2 – 0; ສະ­ຫວັນ ຢູ​ໄນ​ເຕັດ ທີ່​ເປັນ​ອີກ 1 ຕົວ​ເຕັງ​ກໍ່​ບຸກ​ໄປ​ຊະ­ນະ ດີ​ເຄ ເອ​ັຟ​ຊີ 1 – 0 ແລະ ປກສ ເອ​ັຟ​ຊີ ມາ​ດີ​ສຸດ​ໃນ​ນັດ​ທຳ​ອິດ​ດ້ວຍ​ການ​ໄລ່​ຖະ​ຫຼົ່ມ ໄອ​ດີ​ຊີ ຈຳ­ປາ​ສັກ 7 – 1.

ຈາກ​ຜົນ​ດັ່ງ­ກ່າວ​ສົ່ງ​ຜົນ​ໃຫ້­ການ​ແຂ່ງ­ຂັນ​ບານ­ເຕະ ລາວ​ລີກ 2017 ທີ່​ລົງ​ແຂ່ງ­ຂັນ 3 ຄູ່​ໃນ​ອາ­ທິດ​ທຳ​ອິດ​ມີ​ປະ­ຕູ​ເກີດ​ຂຶ້ນ​ເຖິງ 10 ປະ­ຕູ ເຊິ່ງ​ຖື​ວ່າ​ມີ​ປະ­ຕູ​ເກີດ​ຂຶ້ນ​ຫຼາຍ​ຖ້າ​ທຽບ­ໃສ່ ລາວ​ພຣີ​ເມຍ​ລີກ 2016 ໃນ​ອາ­ທິດ​ທຳ​ອິດ​ທີ່​ມີ​ການ​ແຂ່ງ­ຂັນ​ເຖິງ 7 ຄູ່ ແຕ່​ມີ​ປະ­ຕູ​ເກີດ​ຂຶ້ນ​ພຽງ 13 ປະ­ຕູ. ໃນ​ນັ້ນ, ນັດ​ທີ່​ມີ​ປະ­ຕູ​ເກີດ​ຂຶ້ນ​ຫຼາຍ​ທີ່​ສຸດ​ໃນ​ອາ­ທິດ​ທຳ​ອິດ​ຂອງ​ລະ­ດູ​ການ 2016 ຄື​ນັດ​ທີ່ ເອ​ັ​ສຣາ ບຸກ​ສະ­ເໝີ ວີ​ເອ​ັ​ສວີ ຢູ​ໄນ​ເຕັດ 2 – 2; ສ່ວນ​ປີ​ນີ້​ນັດ​ທີ່​ມີ​ປະ­ຕູ​ເກີດ​ຂຶ້ນ​ຫຼາຍ​ທີ່​ສຸດ​ໃນ​ອາ­ທິດ​ທຳ​ອິດ​ແມ່ນ ປກສ ເປີດ​ບ້ານ​ຖະ​ຫຼົ່ມ ໄອ​ດີ​ຊີ ຈຳ­ປາ​ສັກ 7 – 1.

ຂະ­ນະ​ທີ່ ລາວ​ໂຕ​ໂຢ​ຕ້າ ຮອງ​ແຊັມ​ເກົ່າ ແລະ ເປັນ​ເຕັງ​ແຊັມ​ປີ​ນີ້​ຈົບ​ດ້ວຍ​ການ​ບຸກ​ໄປ​ເສຍ​ໃຫ້​ກັບ ມຊ ເອ​ັຟ​ຊີ 0 – 2 ໃນ​ນັດ​ທຳ​ອິດ​ໄປ​ແບບ​ບໍ່​ຢາກ​ເຊື່ອ​ສາຍ­ຕາ ແລະ ເຮັດ​ໃຫ້­ການ​ລຸ້ນ​ແຊັມ​ປີ​ນີ້​ບໍ່​ແມ່ນ​ເລື່ອງ​ງ່າຍ​ອີກ​ແລ້ວ ເພາະ​ນອກ­ຈາກ​ຈະ​ຕ້ອງ​ລ້າງ​ແຄ້ນ ມຊ ເອ​ັຟ​ຊີ ໃຫ້​ໄດ້​ໃນ​ຮອບ​ຂາ​ກັບ​ແລ້ວ​ຍັງ​ມີ ປກສ ເອ​ັຟ​ຊີ ທີ່​ປີ​ນີ້​ມາ​ດີ​ເກີນ​ຄາດ ເຊິ່ງ​ນັດ​ທຳ​ອິດ​ຖະ​ຫຼົ່ມ ໄອ​ດີ​ຊີ ຈຳ­ປາ​ສັກ ໄປ​ແບບ​ໝົດ​ສະ­ພາບ 7 – 1 ດ້ວຍ​ຮູບ​ເກມ ແລະ ນັກ​ເຕະ​ທີ່​ສົມ­ບູນ​ແບບ​ທີ່​ສຸດ​ເທົ່າ​ທີ່​ເຄີຍ​ເຫັນ​ມາ ເຊິ່ງ​ສະ­ແດງ​ໃຫ້​ເຫັນ​ວ່າ ປກສ ມີ​ການ​ພັດ­ທະ­ນາ​ຈາກ​ປີ​ທີ່​ຜ່ານ​ມາ​ຫຼາຍ​ເທົ່າ ແລະ ປີ​ນີ້​ຕັ້ງ​ເປົ້າ​ຕິດ 1 ໃນ 3 ເຖິງ​ຈະ​ບໍ່​ມີ​ນັກ​ເຕະ​ຕ່າງ​ຊາດ​ກໍ່​ຕາມ.

ນອກ​ນັ້ນ, ຄູ່​ແຂ່ງ​ທີ່ ລາວ​ໂຕ​ໂຢ​ຕ້າ ເອ​ັຟ​ຊີ ເຊື່ອ​ວ່າ​ເປັນ​ຄູ່​ປັບ​ທີ່​ໜ້າ​ຢ້ານ​ຢ່າງ ສະ­ຫວັນ ຢູ​ໄນ​ເຕັດ ກໍ່​ສາ­ມາດ​ເກັບ​ໄຊ­ຊະ­ນະ​ນັດ​ທຳ​ອິດ​ໄດ້​ສຳ­ເລັດ​ດ້ວຍ​ການ​ບຸກ​ຊະ­ນະ ດີ​ເຄ ເອ​ັຟ​ຊີ ເຖິງ​ຖິ່ນ 1 – 0 ໂດຍ​ນັດ​ດັ່ງ­ກ່າວ ສະ­ຫວັນ ຢູ​ໄນ​ເຕັດ ຫຼິ້ນ​ໄດ້​ຢ່າງ​ໂດດ​ເດັ່ນ ແລະ ຄອງ​ເກມ​ໄດ້​ເໜືອກ​ວ່າ ລວມ​ເຖິງ​ມີ​ໂອ­ກາດ​ຍິງ​ຫຼາຍ​ຄັ້ງ ເຊິ່ງ​ຈາກ​ຮູບ​ເກມ ແລະ ນັກ​ເຕະ​ຊາວ​ຕ່າງ​ຊາດ​ທີ່​ມີ​ຄຸນ​ນະ​ພາບ​ຂອງ ສະ­ຫວັນ ຢູ​ໄນ​ເຕັດ ລວມ​ເຖິງ​ມ້າ​ມືດ​ຢ່າງ ວຽງ​ຈັນ ຢູ​ໄນ​ເຕັດ ( VIENTIANE UNITED ) ທີ່​ປີ​ນີ້​ໃຊ້​ບໍ­ລິ­ການ​ຂອງ​ນັກ​ເຕະ ໄຟ­ຟ້າ​ລາວ ແລະ ລ້ານ​ຊ້າງ ຢູ​ໄນ​ເຕັດ ຈຳ­ນວນ​ໜຶ່ງ ເຮັດ​ໃຫ້ ລາວ​ໂຕ​ໂຢ​ຕ້າ ຍັງ​ມີ​ວຽກ​ໜັກ​ລໍ­ຖ້າ ແລະ ອີກ​ຢ່າງ​ກໍ່​ຕ້ອງ​ແຂ່ງ­ຂັນ​ກັບ​ເວ­ລາ​ອີກ​ດ້ວຍ ເພາະ​ປີ​ນີ້​ມີ​ການ​ແຂ່ງ­ຂັນ​ພຽງ 14 ນັດ ເທົ່າ​ນັ້ນ.

ຄວາມ​ຈຳ­ເປັນ​ອີກ​ຢ່າງ​ໜຶ່ງ​ຂອງ ລາວ​ໂຕ​ໂຢ​ຕ້າ ເອ​ັຟ​ຊີ ຊຸດ​ນີ້​ກໍ່​ຄື​ເວ­ລາ​ສຳ­ລັບ​ນັກ​ເຕະ​ໜ້າ​ໃໝ່​ເພື່ອ​ເກັບ​ກ່ຽວ​ປະ­ສົບ​ການ ແລະ ປັບ​ຕົວ​ເຂົ້າ​ກັບ​ນັກ​ເຕະ​ຊຸດ​ເກົ່າ​ໃຫ້​ໄດ້​ໄວ​ທີ່​ສຸດ ເນື່ອງ​ຈາກ​ລະ­ດູ​ການ​ນີ້​ນັກ​ເຕະ​ເກົ່າ​ທີ່​ເຄີຍ​ໃຊ້​ໃນ​ລະ­ດູ​ການ 2016 ຈຳ­ນວນ 7 ຄົນ ຖືກ ເອ​ເອ​ັຟ​ຊີ ສັ່ງ​ຫ້າມ​ຫຍຸ້ງ​ກ່ຽວ​ກັບ​ວົງ​ການ​ບານ­ເຕະ​ຕະ­ຫຼອດ​ຊີ­ວິດ​ຫຼັງ​ມີ​ສ່ວນ​ພົວ­ພັນ​ກັບ​ຄະ­ດີ​ລົ້ມ​ບານ ເຮັດ​ໃຫ້​ປີ​ນີ້​ຈຳ​ຕ້ອງ​ໃຊ້​ນັກ​ເຕະ​ໃໝ່ ຢູ່ 17 ແລະ ຢູ 19 ລວມ​ເຖິງ​ນັກ​ເຕະ​ໃໝ່​ມາ​ເສີມ​ທີມ​ຈົນ​ເຮັດ​ໃຫ້​ເລື່ອງ​ຄວາມ​ເຂົ້າ­ໃຈ ແລະ ຄວາມ​ແຂ່ງ​ແກ່ນ​ຂອງ ລາວ​ໂຕ​ໂຢ​ຕ້າ ຊຸດ​ປີ​ກາຍ​ຫຼຸດ​ລົງ​ໄປ​ຫຼາຍ ເຊິ່ງ​ມັນ​ສະ­ແດງ​ອອກ​ໃນ​ນັດ​ທີ່​ເສຍ​ໃຫ້​ກັບ ມຊ ເອ​ັຟ​ຊີ 0 – 2 ເຊິ່ງ​ຮອງ​ແຊັມ​ເກົ່າ​ຂາດ ຄວາມ​ແຂງ​ແກ່ນ​ໃນ​ແດນ​ຫຼັງ, ການ​ປັ້ນ​ເກມ​ຂອງ​ແດນ​ຫຼັງ​ກໍ່​ບໍ່​ຕໍ່​ເນື່ອງ ແລະ ກອງ​ໜ້າ​ກໍ່​ຍັງ​ບໍ່​ຄົມ​ຈົນ​ໃນ​ທີ່​ສຸດ​ກໍ່​ເປັນ​ຝ່າຍ​ເສຍ.

ສຳ­ລັບລາວ​ໂຕ​ໂຢ​ຕ້າ ນັບ​ຕັ້ງ­ແຕ່​ເຂົ້າ​ຮ່ວມລາວ​ພຣີ​ເມຍ​ລີກ ຄັ້ງ​ທຳ​ອິດ​ເມື່ອ​ປີ 2014 ບໍ່​ເຄີຍ​ຕົກ​ຈາກ​ອັນ​ດັບ 2 ຂອງ​ຕາ­ຕະ­ລາງ​ຈັກ​ຄັ້ງ ໂດຍ​ປີ​ທຳ​ອິດ​ຍາດ​ໄດ້​ຮອງ​ແຊັມ; ປີ 2015 ສາ­ມາດ​ຄວ້າ​ແຊັມ​ໄດ້​ສຳ­ເລັດ ແລະ ປີ 2016 ຄວ້າ​ຮອງ​ແຊັມ ໂດຍ​ປີ​ນີ້​ຖືກ​ຍົກ​ໃຫ້​ເປັນ​ເຕັງ​ແຊັມ​ຫຼັງ​ຈາກ​ທີ່​ຄູ່​ແຂ່ງ​ຕະ­ຫຼອດ​ການ​ຢ່າງ ລ້ານ​ຊ້າງ ຢູ​ໄນ​ເຕັດ ຖອນ​ຕົວ, ແຕ່​ວ່າ​ນັດ​ທຳ​ອິດ​ກັບ​ງານ​ເຂົ້າ​ເຕັມໆ. ຢ່າງ­ໃດ​ກໍ່​ຕາມ, ຕ້ອງ​ລຸ້ນ​ຕໍ່​ໄປ​ວ່າ 13 ນັດ​ທີ່​ເຫຼືອ ລາວ​ໂຕ​ໂຢ​ຕ້າ ຈະ​ສາ­ມາດ​ເກັບ​ຄະ­ແນນ​ໄດ້​ຫຼາຍ​ປານ­ໃດ ແລະ ຈະ​ດີ​ພໍ​ກັບ​ຕຳ­ແໜ່ງ​ແຊັມ ຫຼື ບໍ່?, ຂະ­ນະ​ທີ່​ນັດ​ຕໍ່​ໄປ​ທີ່​ຈະ​ພົບ​ກັບ​ງານ​ໜັກ​ທີ່​ຈະ​ບຸກ​ໄປ​ຢາມ ປກສ ທີມ​ນຳ​ຕາ­ຕະ­ລາງ​ໃນ​ອາ­ທິດ​ທຳ​ອິດ​ໃນ​ວັນ​ທີ 8 ເມ­ສາ ນີ້ ເວ­ລາ 17:00 ໂມງ ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16.

 

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.