ລາວ-ໄທ ເຈລະ­ຈາ​ທຸ­ລະ​ກິດ​ການ​ຄ້າກຽມ​ຈັດ​ງານ​ວາງ­ສະ­ແດງ

ແນ­ໃສ່​ນຳ​ສະ­ເໜີ​ຄວາມ​ຄິດ​ສ້າງ­ສັນໃນ​ການ​ຜະ­ລິດ ແລະ​ການ​ອອກ​ແບບ​ຂອງສິນ­ຄ້າ​ກຸ່ມ​ເຄື່ອງ­ໃຊ້​ໄຟ­ຟ້າ, ອຸ­ປະ­ກອນ​ອີ​ເລັກ​ໂທຣ​ນິກ​ທັງ​ອຸ­ປະ­ກອນ​ເຄື່ອງ­ໃຊ້​ໄຟ­ຟ້າ​ພາຍ​ໃນ​ເຮືອນ​ສິນ­ຄ້າ​ກຸ່ມ​ໄອ​ທີ​ອຸ­ປະ­ກອນ ແລະ​ຊິ້ນ​ສ່ວນ​ທີ່​ໃຊ້​ໃນ​ໂຮງ­ງານ​ອຸດ​ສາ​ຫະກຳ​ລວມ​ເຖິງ​ເຕັກ​ໂນ​ໂລ​ຊີ ແລະ​ຄວາມ​ຄິດ​ສ້າງ­ສັນ​ດ້ານ​ໂທລະ​ຄົມ​ໃນ​ວັນ​ທີ 13 ມີ­ນາ 2017 ທີ່​ໂຮງ­ແຮມ​ຄຣາວ​ພາ​ຊາ ນະ­ຄອນ­ຫຼວງ​ວຽງ​ຈັນ ກົມ​ສົ່ງ­ເສີມ​ການ​ຄ້າ​ລະ­ຫວ່າງປະ­ເທດ ຮ່ວມ​ກັບ​ສະ­ພາ​ການ​ຄ້າ​ອຸດ­ສາ­ຫະ­ກຳ​ແຫ່ງ​ປະ­ເທດ​ໄທໄດ້​ຈັດ​ກອງ​ປະ­ຊຸມ​ເຈລະ­ຈາ​ທຸ­ລະ​ກິດ​ການຄ້າ​ລະ­ຫວ່າງ​ລາວ-ໄທ ໂດຍ​ມີ​ບໍ­ລິ­ສັດ ຈາກ ສປປ ລາວ ເຂົ້າ​ຮ່ວມ​ປະ­ມານ 30 ກວ່າ​ບໍ­ລິ­ສັດ, ທັງ​ນີ້ ກໍ​ເພື່ອ​ກຽມ​ຈັດ​ງານວາງ­ສະ­ແດງ​ສິນ­ຄ້າ​ປັບ​ອາ­ກາດ​ເຄື່ອງ​ທຳຄວາມ​ເຢັນ ແລະ​ງານ​ສະ­ແດງ​ສິນ­ຄ້າເຄື່ອງ­ໃຊ້​ໄຟ­ຟ້າ​ອີ​ເລັກ​ໂທຣ​ນິກ ຊຶ່ງ​ຈະ​ຈັດ ຂຶ້ນ​ໃນ​ທ້າຍ​ປີ​ນີ້.

ທ່ານ ສັນ­ທະ​ພັດ ປັນ­ຈະ­ມາ​ນົນ ຜູ້­ອຳ­ນວຍ­ການ​ກຸ່ມ​ສິນ­ຄ້າ​ອຸດ­ສາ­ຫະ­ກຳ ກົມ​ສົ່ງ­ເສີມ​ການ​ຄ້າ​ລະ­ຫວ່າງ​ປະ­ເທດ ກ່າວ​ວ່າ: ງານ​ສະ­ແດງ​ສິນ­ຄ້າ​ປັບ​ອາ­ກາດ 2017 (Bangkok RHVAC 2017) ແລະ​ງານ​ສະ­ແດງ​ສິນ­ຄ້າ​ເຄື່ອງ­ໃຊ້​ໄຟ­ຟ້າ ອີ​ເລັກ​ໂທຣ​ນິກ 2017 (Bangkok E&E 2017) ມີ​ການ​ເຕີບ​ໂຕ​ຢ່າງ​ຕໍ່​ເນື່ອງ ໂດຍ​ພື້ນ­ຖານ​ການ​ຈັດ​ສະ­ແດງ​ໃນ​ປີ​ນີ້​ໄດ້ ຂະ­ຫຍາຍ​ເປັນ 23 ພັນ­ຕາ​ລາງ​ແມັດ  ທັງໄດ້​ຮັບ​ການ​ຍອມ­ຮັບ​ໃນ​ຖະ​ນະ​ງານ​ສະ­ແດງ​ສິນ­ຄ້າ​ຍິ່ງ​ໃຫຍ່​ຕິດ​ອັນ​ດັບ 1 ໃນ 5 ຂອງ​ໂລກ​ໃນ​ອຸດ­ສາ­ຫະ­ກຳ​ນີ້ ໂດຍ​ງານຈະ​ຈັດ​ຂຶ້ນ​ພາຍ​ໃຕ້​ແນວ​ຄິດ​ນະ​ວະ­ຕະ​ກຳ ເພື່ອ​ຄວາມ​ຍືນ​ຍົງ​ສູ່​ອະ­ນາ­ຄົດ Eco Innovation for a Sustainable Future) ເປັນ​ງານ​ສະ­ແດງ​ສິນ­ຄ້າ​ຄົບ​ວົງ ຈອນ​ເຊັ່ນ: ຊິ້ນ​ສ່ວນ​ທີ່​ເຮັດ​ຈາກ​ພລາ​ສ ສະ​ຕິກ, ເຫຼັກ, ຢາງ​ມໍ​ເຕີ ຄອມ​ເພດ​ສ​ເຊີ ຄອຍ ມີ​ທັງ​ຮຸ່ນ​ນ້ອຍ​ຮຸ່ນ​ໃຫຍ່ ແລະ​ແບບຕັ້ງ​ຫຼື ແຂວນ​ລວມ​ໄປ​ເຖິງ​ສິນ­ຄ້າ​ຄວາມ ຄິດ​ສ້າງ­ສັນ.

ສິນ­ຄ້າ​ປັບ​ອາ­ກາດ  ແລະ​ເຄື່ອງ­ໃຊ້​ໄຟຟ້າ​ອີ​ເລັກ​ໂທຣ​ນິກ​ເປັນ​ຜະ­ລິດ​ຕະ​ພັນ​ອຸດ ສາ​ຫະ​ກຳ ໂດຍ​ປະ­ເທດ​ໄທ​ເປັນ​ຖານ​ການ ຜະ­ລິດ​ສິນ­ຄ້າ​ທີ່​ສຳ­ຄັນ​ແຫ່ງ​ໜຶ່ງ​ຂອງ ໂລກ​ປະ­ຈຸ​ບັນ​ໄທ​ເປັນ​ຜູ້​ຜະ­ລິດ Hard Disk Drive ອັນ​ດັບ​ໜຶ່ງ​ຂອງ​ໂລກ​ເປັນຜູ້​ຜະ­ລິດ​ເຄື່ອງ​ປັບ​ອາ­ກາດ​ອັນ​ດັບ 2 ແລະ ຕູ້­ເຢັນ​ອັນ​ດັບ 4 ຂອງ​ໂລກ ນອກ​ນີ້​ຍັງ​ມີ ສິນ­ຄ້າ​ຫຼາຍ​ປະ­ເພດ​ລວມ​ເຖິງ​ແບນ​ດັງໆ ມາ​ລົງ­ທຶນ​ເປີດ​ໂຮງ­ງານ​ຜະ­ລິດ​ສິນ­ຄ້າ ໃນ​ປະ­ເທດ​ມາ​ເປັນ​ເວ­ລາ​ດົນ​ນານ​ຈຸດ ແຂງ​ຂອງ​ອຸດ­ສາ­ຫະ­ກຳ​ຄື ປະ­ເທດ​ໄທ​ມີ ສິນ­ຄ້າ​ຕ່ອງ​ໂສ້​ທີ່​ຄົບ​ວົງ​ຈອນ ໂດຍ​ຄາດ ວ່າ­ການ​ຮ່ວມ​ມື​ກັບ​ເອີ​ຣົບ​ຈະ​ຊ່ວຍ​ນຳ ສິນ­ຄ້າ ເຕັກ​ໂນ​ໂລ​ຊີ​ລະ­ດັບ​ສູງ​ມາ​ຈັດ​ສະແດງ​ໃນ​ງານ, ດັ່ງ­ນັ້ນ ງານ​ສະ­ແດງ ສິນ­ຄ້າ 2 ງານ​ນີ້​ຈະ​ເປັນ​ສູນ​ລວມ​ຂອງ ສິນ­ຄ້າ​ໄຟ­ຟ້າ​ອີ​ເລັກ​ໂທຣ​ນິກ One stop ຢ່າງ​ສົມ­ບູນ​ແບບ​ທີ່​ເປີດ​ໂອ­ກາດ​ໃຫ້​ກັບ ຜູ້​ຊື້​ໄດ້​ພົບ​ຜູ້​ປະ­ກອບ​ການ​ທີ່​ຜະ­ລິດ​ສິນຄ້າ​ຄົບ​ທຸກ​ປະ­ເພດ​ຕະ­ຫຼອດ​ທັງ​ພໍ່­ຄ້າ​ຄົນ ກາງ​ອື່ນໆ.

ໂອ­ກາດ​ດັ່ງ­ກ່າວ ທ່ານ ສາ­ໂລດ ນິ່ມແກ້ວ ຜູ້​ແທນ​ກຸ່ມ​ອຸດ­ສາ­ຫະ­ກຳ​ເຄື່ອງ​ປັບ ອາ­ກາດ ແລະ​ເຄື່ອງ​ເຢັນ​ໄດ້​ກ່າວ​ວ່າ: ອຸດສາ​ຫະ​ກຳ​ເຄື່ອງ​ປັບ​ອາ­ກາດ​ຂອງ​ໄທ​ມີ ການ​ເຕີບ​ໂຕ​ຕໍ່​ເນື່ອງ​ເພາະ​ຫົວ­ໃຈ​ຫຼັກ​ມາຈາກ​ຊິ້ນ​ສ່ວນ​ສຳ­ຄັນ​ທີ່​ໃຊ້​ປະ­ກອບ​ໃນ ເຄື່ອງ​ປັບ​ອາ­ກາດ​ສາ­ມາດ​ຜະ­ລິດ​ໃນ​ປະ ເທດ​ໄທ​ໄດ້​ເກືອບ 100% ໂດຍ​ບໍ່​ຕ້ອງເພີ່ງ​ພາ​ການ​ນຳ​ເຂົ້າ ໂດຍ​ສະ­ເພາະ​ການຜະ­ລິດ​ຄອມ​ເພຣ​ສ​ເຊີ້ ມໍ​ເຕີ້ ແລະ​ຊິ້ນ​ສ່ວນອື່ນໆ​ອີກ​ທັງ​ທຶນ​ຕ່າງ​ຊາດ​ທີ່​ເຂົ້າ​ມາ​ລົງ­ທຶນ​ເລັ່ງ​ເຫັນ​ໂອ­ກາດ​ໃນ​ການ​ໃຊ້​ໄທ​ເປັນ ຖານ​ໃນ​ການ​ສົ່ງ​ອອກ​ໄປ​ຍັງ​ຕະ­ຫຼາດ ໂລກ​ຈຶ່ງ​ພັດ­ທະ­ນາ ແລະ​ຖ່າຍ​ທອດ​ເຕັກໂນ​ໂລ​ຊີ​ການ​ຜະ­ລິດ​ຢ່າງ​ຕໍ່​ເນື່ອງ​ເຮັດ​ໃຫ້​ໄປ​ກາຍ­ເປັນ​ແຫຼ່ງ​ຜະ­ລິດ​ສຳ­ຄັນ​ທັງ​ພາຍ​ໃຕ້​ສິນ­ຄ້າ​ໄທ​ສິນ­ຄ້າ​ຕ່າງ​ຊາດ ແລະ​ການຜະ­ລິດ​ໃນ​ລັກ­ສະ­ນະ​ຮັບ­ຈ້າງ​ຜະ­ລິດ ຫຼື ໂອອີ​ເອັມ.

ສຳ­ລັບ​ງານ​ສະ­ແດງ​ສິນ­ຄ້າ​ປັບ​ອາ ກາດ ແລະ​ງານ​ສະ­ແດງ​ສິນ­ຄ້າ​ເຄື່ອງ­ໃຊ້ ໄຟ­ຟ້າ​ອີ​ເລັກ​ໂທຣ​ນິກ​ແມ່ນ​ຈະ​ໄດ້​ຈັດ​ຂຶ້ນ ໃນ​ລະ­ຫວ່າງ​ວັນ​ທີ 7-10 ກັນ­ຍາ 2017 ທີ່​ສູນ​ການ­ສະ­ແດງ​ໄບ​ເທັກ​ບາງ​ນາ​ປະເທດ​ໄທ, ໂດຍ​ມີ​ຈຸດ­ປະ­ສົງ​ເພື່ອ​ຈັບ​ຄູ່​ທາງທຸ­ລະ​ກິດ​ຜູ້​ຜະ­ລິດ​ມີ​ໂອ­ກາດ​ໄດ້​ຂະ­ຫຍາຍ ຕະ­ຫຼາດ​ສົ່ງ​ອອກ​ຫຼາຍ​ຂຶ້ນ​ໄດ້​ຮັບ​ຮູ້​ເຕັກໂນ​ໂລ​ຊີ​ໃໝ່ໆ​ໃນ​ງານ ເພື່ອ​ມາ​ພັດ­ທະ­ນາສິນ­ຄ້າ​ຂອງ​ຕົນ​ເອງ ໂດຍ​ຄາດ​ວ່າ​ຈະ​ມີນັກ­ທຸ­ລະ­ກິດ ແລະ​ຜູ້​ຊື້​ເຂົ້າ​ຮ່ວມ​ພັນ​ກວ່າຄົນ.

ຂ່າວ: ກິ່ງ​ລັດ­ຕະ­ນະ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.