ວານິພອນ ພູມີໄຊ ຄອງຕຳແໜ່ງນາງສາວນະຄອນຫລວງ 2017

ນາງ ວານິພອນ ພູມີໄຊ ໝາຍເລກ MVT 10, ນອກຈາກຈະຄວ້າລາງວັນພິເສດເຖິງ 4 ລາງວັນຄື: ລາງວັນສາວຜິວງາມ, ລາງວັນຊ່າງພາບ, ລາງວັນໜ້າໃສ ແລະລາງວັນສາວທັນສະໄໝ ແລ້ວຍັງໄດ້ຄອງມຸງກຸດອັນຊົງຄຸນຄ່ານາງສາວນະຄອນຫຼວງວຽງຈັນ ປະຈໍາປີ 2017, ເພື່ອເປັນຕົວແທນໃຫ້ນາງສັງຂານຂອງນະຄອນຫຼວງວຽງຈັນປະຈໍາປີນີ້.

ພາຍຫຼັງທີ່ໂຄງການປະກວດນາງສາວ ນະຄອນຫຼວງປະຈໍາປີ 2017 ໄດ້ເລີ່ມຄັດເລືອກໃນແຕ່ລະເມືອງ ແລະຄັດເອົາ 20 ຄົນ ໃນວັນທີ 3 ມີນາ 2017 ເພື່ອເຂົ້າຮ່ວມກິດຈະກໍາຕ່າງໆ ຈົນຮອດວັນທີ 8 ເມສາ ທີ່ໂຮງແຮມແລນມາກ ແມ່ ຂອງ ຣີເວີໄຊ ກໍໄດ້ຈັດຮອບຊີງຊະນະ ເລີດຈາກການຄັດເອົາ 20 ໃຫ້ເຫຼືອ 10 ຄົນ ແລະ 7 ຄົນສຸດທ້າຍທີ່ຜ່ານຮອບ ຕອບຄໍາຖາມຂອງຄະນະກໍາມະການເພື່ອ ວັດຄວາມຮູ້ຄວາມສາມາດ, ໄຫວພິກ ແລະຜູ້ທີ່ຊະນະໃຈກໍາມະການ ພ້ອມຄວ້າ ມຸງກຸດນາງສາວນະຄອນຫຼວງປະຈໍາປີ ນີ້ ໂດຍແມ່ນນາງ ວານິພອນ ພູມີໄຊ ໝາຍເລກ MVT 10, ທີ່ໄດ້ຮັບມຸງກຸດມູນຄ່າ 35 ລ້ານກີບ, ເງິນສົດ 20 ລ້ານກີບ ພ້ອມສາຍສະພາຍ, ຄໍາໜັກ 1 ບາດ, ປະ ກັນໄພ, ຊຸດລາຕີໄໝ 1 ຊຸດ, ແຕ່ງໜ້າຟຣີ 6 ເດືອນ, ດື່ມນົມຟຣີ 1 ປີ, ບັດເບິ່ງຮູບ ເງົາສະມາຊິກຟິດນິດ 1 ປີ.

ສ່ວນຮອງອັນດັບ 1 ໄດ້ແກ່ໝາຍ ເລກ MVT 04 ນາງ ຫຍິງງາມ ໜໍ່ຄໍາ, ໄດ້ຮັບເງິນ 10 ລ້ານກີບ, ຮອງອັນດັບ 2 MVT 19 ນາງ ສຸດາ ວັນທອງທິບ, ໄດ້ຮັບເງິນ 5 ລ້ານກີບ ແລະຮອງອັນ ດັບ 3 ຈໍານວນ 4 ຄົນ ໄດ້ແກ່ MVT 02 ນາງ ພຸດທະວິນັນ ຫຼວງລາດ, MVT 06 ນາງ ມະນິດາ ເອ້ກັນຫາ, MVT12 ນາງ ສຸນິຕາ ໄຊຊະນະ ແລະ MVT 20 ນາງ ທິດາກອນ ເນົາວະລາດ ໄດ້ຮັບເງິນສົດຄົນລະ 3 ລ້ານກີບ ພ້ອມຂອງລາງວັນອື່ນໆ. ນອກນັ້ນ ຍັງມີລາງວັນຂວັນ ໃຈມະຫະຊົນ ໄດ້ແກ່ໝາຍເລກ 19, ລາງວັນສາວໜ້າອ່ອນກວ່າໄວ ໝາຍເລກ 02, ລາງວັນສຸຂະພາບດີ ໝາຍເລກ 04 ແລະລາງວັນຂວັນໃຈມິດຕະພາບເປັນຂອງໝາຍເລກ 05.

ໃຫ້ກຽດເຂົ້າຮ່ວມງານປະກວດຄັ້ງນີ້ ມີທ່ານ ນາງຄໍາໄພ ລັດສະໜີ ປະທານ ສະຫະພັນແມ່ຍິງ ນະຄອນຫຼວງວຽງຈັນ, ທ່ານ ສົມພູ ແກ້ວປັນຍາ ຫົວໜ້າພະແນກ ສຶກສາ ທິການ ແລະກິລາ, ທ່ານ ຄໍາປະ ດິດ ເຂັມມານິດ ຫົວໜ້າພະແນກຖະແຫຼງຂ່າວ ແລະວັດທະນະທໍາ, ທ່ານ ນາງ ວາດສະໜາ ຄຸດໄພທູນ ພັນລະຍາເຈົ້າຄອງນະຄອນຫຼວງວຽງຈັນ, ພ້ອມ ດ້ວຍພາກສ່ວນກ່ຽວຂ້ອງເຂົ້າຮ່ວມ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.