ວິທີການປູກມັນຝຣັ່ງທີ່ເໝາະສົມ

     ການ​ກຽມ​ດິນ: ຫາກ​ດິນ​ທີ່ ປູກ​ມັນ​ຕິດ­ຕໍ່​ກັນ​ຫຼາຍ​ປີ​ຄວນ​ປັບປຸງ​ດິນ ເພື່ອ​ຮັກ­ສາ​ຜົນ​ຂອງ​ການຜະ­ລິດ​ໃນ​ໄລ­ຍະ​ຍາວ​ດ້ວຍ​ການໃສ່​ຝຸ່ນ​ຄອກ, ຝຸ່ນ​ໝັກ​ເປືອກ​ມັນ​ທີ່ຄ້າງ​ປີທີ່​ຫາ​ໄດ້​ໃນ​ທ້ອງ­ຖິ່ນ ຫຼື ປູກພືດ​ຕະ­ກູນ​ຖົ່ວ​ຊະ­ນິດ​ຕ່າງໆ​ໝູນວຽນ​ບຳ​ລູງ​ດິນ​ທີ່​ເປັນ​ພື້ນ​ທີ່​ຫຍ້າຄາ, ຕ້ອງ​ໃຊ້​ໄຟ​ຈູດ ແລະ​ໃຊ້​ຢາ​ຕາແລນ​ສິດ​ກຳ­ຈັດ​ເສຍ​ກ່ອນ​ຈິ່ງ​ໄຖ ໂດຍ​ການ​ໄຖ​ຄັ້ງ​ທຳ​ອິດ​ໄຖ​ກົບ​ວັດຈະ​ພືດ​ກ່ອນ​ໃຫ້​ເລິກ​ປະ­ມານ 20Œ-30 ຊັງ​ຕີ​ແມັດ ແລ້ວ​ຖິ້ມ​ໄວ້​ປະມານ 20-Œ30 ວັນ​ຫຼັງ​ຈາ​ນັ້ນ​ກໍ່​ໄຖ ອີກ 1Œ2 ຄັ້ງ​ຕາມ​ຄວາມ​ເໝາະ​ສົມ ແລ້ວ​ຟ້າວ​ປູກ​ໃນ​ຂະ­ນະ​ທີ່​ດິນ​ຍັງ ຄວາມ​ສຸ່ມ.

     ການ​ຕຽມ​ທ່ອນ​ພັນ: ໃຊ້​ທ່ອນພັນ​ມັນ​ທີ່​ສົດ​ອາ­ຍຸ 10Œ-12 ເດືອນ ຕັດ​ຖິ້ມ​ໄວ້​ບໍ່​ໃຫ້​ເກີນ 15 ວັນ​ໂດຍ ຕັດ​ໃຫ້​ມີ​ຄວາມ​ຍາວ​ປະ­ມານ 20 ຊັງ​ຕີ​ແມັດ ມີ​ຕາ​ບໍ່​ໃຫ້​ນ້ອຍ​ກວ່າ 5 ຕາ ເພື່ອ​ປ້ອງ​ກັນ​ແມງ­ໄມ້​ຈູ່ມ ທ່ອນ​ມັນ​ໃສ່​ຍາ​ແຄບ​ແທນ 1,6 ຂີດ (160 ກຣາມ) ປະ­ສົມ​ໃສ່​ກັບ ມາ­ລາ​ໄທ​ອອນ 20 ຊີໆໃນນ້ຳ 20 ລິດ​ປະ­ມານ 5 ນາ­ທີ​ກ່ອນ​ປູກ.

ການ​ປູກ: ຕ້ອງ​ປູກ​ເປັນ​ແຖວ​ຊື່ ເພື່ອ​ສະ­ດວກ​ໃນ​ການ​ບຳ­ລຸງ​ຮັກ ສາ ແລະ​ການ​ກຳ­ຈັດ​ສັດ­ຕູ​ພືດ​ໂດຍ ໃຊ້​ໄລ­ຍະ​ຫ່າງ​ຂອງ​ແຖວ 1,20 ແມັດ, ໄລ­ຍະ​ຫ່າງ​ຂອງ​ຕົ້ນ​ປະ­ມານ 80 ຊັງ​ຕີ​ແມັດ ແລະ​ປັກ​ທ່ອນ​ມັນ ໃຫ້​ຊື່​ເລິກ​ລົງ​ດິນ 10 ຊັງ​ຕີ​ແມັດ.

ສີດ​ຢາ​ກັນ​ສັດ­ຕູ​ພືດ: ສຳ­ລັບ​ການ​ປູກ​ມັນ​ຝຣັ່ງ​ໃນ​ລະ­ດູ­ຝົນ​ດິນ ກໍ​ຈະ​ສຸ່ມ​ຄວນ​ສີດ​ຢາ​ກັນ​ສັດ­ຕູ​ພືດ ດ້ວຍ​ຢາ​ໄຕ​ຮອນ (ຄາ​ແມັກ) ຫຼັງຈາກ​ການ​ປູກ​ບໍ່​ໃຫ້​ເກີນ 3 ວັນ ຫຼື ກ່ອນ​ຕົ້ນ​ມັນ​ອອກ​ໜໍ່​ຫາກ​ສີດ​ຫຼັງຕົ້ນ​ມັນ​ອອກ​ໜໍ່​ຈະ​ເຮັດ​ໃຫ້​ມັນ​ເສຍ​ຫາຍ​ໄດ້ ໃຊ້​ຢາ​ໃນ​ອັດ­ຕາ 60 ຂີດ (600 ກຣາມ) ປະ­ສົມ​ນ້ຳ 200 ລິດ​ສີດ​ໄດ້​ປະ­ມານ 1 ໄລ່​ເຄິ່ງ.

ການ​ກຳ­ຈັດ​ສັດ­ຕູ​ພືດ ແລະການ​ໃສ່​ຝຸ່ນ: ກຳ­ຈັດ​ສັດ­ຕູ​ພືດ​ຄັ້ງ​ທີ 1 ປະ­ມານ 30-Œ45 ວັນ ຫຼັງ​ຈາກ ການ​ປູກ​ໂດຍ​ໃຊ້​ລົດ​ໄຖ​ນ້ອຍ​ເດີນ ຕາມ ຫຼື ຈານ​ພວນ​ກຳ­ຈັດ​ສັດ­ຕູ​ພືດຕິດ​ທ້າຍ​ລົດ​ແທກ​ເຕີ້ ພ້ອມ​ທັງ​ໃສ່ປຸຍ 15-Œ15-Œ15 ອັດ­ຕາ 25Œ-50 ກິ​ໂລ​ຕໍ່​ໄລ່​ຫ່າງ​ຈາກ​ຕົ້ນ​ມັນ 1 ຄືບ (20 ຊັງ​ຕີ​ແມັດ) ຈາກ​ນັ້ນ​ໃຊ້​ຈົກ ກຳ­ຈັດ​ພືດ​ທີ່​ຍັງ​ເຫຼືອ​ພ້ອມ​ກັບ​ການ ໃສ່​ຝຸ່ນ​ໄປ​ນຳ​ຫຼື​ໃສ່​ຝຸ່ນ​ດ້ວຍ​ການຂຸດ​ຂຸມ​ຫ່າງ​ໂຄນ​ຕົ້ນ 1 ຄືບ​ແລ້ວ ຖົມ​ດິນ​ນຳ​ກໍ່​ໄດ້​ຂໍ້​ສຳ­ຄັນ​ຄວນ​ໃສ່ຝຸ່ນ​ຂະ­ນະ​ດິນ​ມີ​ຄວາມ​ສຸ່ມ​ຢູ່­ກຳ ຈັດ​ສັດ­ຕູ​ພືດ​ຄັ້ງ​ທີ 2 ປະ­ມານ 60Œ70 ວັນ​ຫຼັງ​ການ​ປູກ​ໂດຍ​ປະ ຕິ​ບັດ​ເຊັ່ນ​ດຽວ​ກັນ​ກັບ​ເທື່ອ​ທຳ​ອິດກຳ­ຈັດ​ພືດ​ຄັ້ງ​ທີ 3 ດ້ວຍ​ຄວາມຈຳ­ເປັນ​ໂດຍ​ໃຊ້​ຈົກ​ຖາກ ຫຼື ສີດ​ຢາຜົ່ນ​ດ້ວຍ​ຢາ​ມ໋ອກ​ໂຊນ ຕ້ອງ​ໃຊ້ ຝາ​ປົກ​ຫົວ​ສີດ​ເພື່ອ​ບໍ່​ໃຫ້​ຖືກ​ລຳຕົ້ນ​ມັນ.

ລະ­ດູ​ການ​ເກັບ​ກ່ຽວ​ມັນ​ຝຣັ່ງ: ວິ­ທີ​ການ​ເກັບ​ກ່ຽວ​ມັນ​ໃນ​ຊ່ວງ​ທີ່ເໝາະ​ສົມ​ຄື​ປະ­ມານ 10-Œ12 ເດືອນ​ພ້ອມ​ທັງ​ວາງ​ແຜນ­ການຕຽມ​ທ່ອນ​ພັນ​ມັນ​ຝຣັ່ງ ເພື່ອ​ການປູກ​ໃນ​ໄລ­ຍະ​ຕໍ່​ໄປ​ສ່ວນ​ຕົ້ນ​ມັນ ຝຣັ່ງ​ທີ່​ບໍ່​ໄດ້​ໃຊ້​ເຊັ່ນ: ໃບ່, ງ່າ, ກ້ານ ແລະ​ລຳ­ຕົ້ນ​ຄວນ​ຖິ້ມ​ໄວ້​ເພື່ອ​ໃຫ້​ເປັນ​ຝຸ່ນ​ພືດ​ສົດ​ໃນ​ດິນ​ຕໍ່​ໄປ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.