ວິທີກໍາຈັດຄາບຫີນປູນດ້ວຍຕົນເອງ

ໃຊ້ແປງຖູແຂ້ວ ແລະຢາຖູແຂ້ວທີ່ຖືກຕ້ອງ

ເຖິງແມ່ນວ່າໃນຕະຫຼາດຈະມີແປງຖູແຂ້ວຫຼາຍຊະນິດໃຫ້ເລືອກແຕ່ສະມາຄົມທັນຕະກໍາຂອງສະຫະລັດໄດ້ບອກອອກມາແລ້ວວ່າ ແປງຖູແຂ້ວທີ່ຂົນເຮັດຈາກໄນລອນ

ປາຍມົນອ່ອນນຸ່ມ ເປັນຕົວເລືອກທີ່ດີທີ່ສຸດ ຂົນແປງຖູແຂ້ວທີ່ແຂງເກີນໄປຈະເຮັດໃຫ້ແຂ້ວຫ້ຽນ ນອກຈາກການເລືອກແປງຖູແຂ້ວທີ່ຖືກຕ້ອງແລ້ວ ກໍ່ຕ້ອງເລືອກຢາຖູແຂ້ວທີ່ມີຟູໂອໄລ ເພາະຟູໂອໄລເຮັດໃຫ້ແຂ້ວແຂງແຮງ ແລະປ້ອງກັນແຂ້ວພຸ.

ແປງຖູແຂ້ວໄຟຟ້າບໍ່ໄດ້ດີໄປກວ່າແປງຖູແຂ້ວທໍາມະດາ

ແຕ່ມີຄົນຄົ້ນພົບວ່າ ຖ້າໃຊ້ແປງຖູແຂ້ວໄຟຟ້າພວກເຂົາຈະມີວິໄນການຖູແຂ້ວຫຼາຍຂຶ້ນ ຖູແຂ້ວດົນຂຶ້ນ ເພາະສະນັ້ນຖ້າເປັນແນວນນີ້ ການລົງທຶນຊື້ແປງຖູແຂ້ວໄຟຟ້າກໍ່ດີຄືກັນ ແພດແນະນໍາວ່າຄວນປ່ຽນແປງ ແປງຖູແຂ້ວທຸກ 3-4 ເດືອນ ເພາະເມື່ອໃຊ້ດົນໆໄປ ຄວາມສາມາດຂອງແປງຖູແຂ້ວໃນການເຮັດຄວາມສະອາດກໍ່ຈະຫຼຸດລົງເລື້ອຍໆ.

ວິທີການໃຊ້ແປງຖູແຂ້ວທີ່ຖືກຕ້ອງ

ເວລາຖູແຂ້ວ ໃຫ້ໄມ້ຖູແຂ້ວເຮັດມູມກັບເຫືອກ 45 ອົງສາ ແລ້ວໄມ້ຖູອອກຈາກເຫື້ອກ ແລ້ວຖູລົງໄປມາ ຫຼືຖູເປັນວົງມົມ ບໍ່ຕ້ອງໃຊ້ແຮງຫຼາຍເກີນໄປເພາະຈະເຮັດໃຫ້ແຂ້ວຫ້ຽນ.

ຕ້ອງເນັ້ນແຂ້ວແຕ່ລະເຫຼັ້ມ

ການຖູແຂ້ວທຸກເທື່ອຕ້ອງແນ່ໃຈວ່າແປງຖູແຂ້ວຄົບທຸກເຫຼັ້ມ ບໍ່ມີເຫຼັ້ມໃດຖືກລະເລີຍໄປ ຢ່າລືມວ່ານອກຈາກຖູທາງນອກແລ້ວ ທາງໃນກໍ່ສໍາຄັນບໍ່ນ້ອຍໜ້າກັນ ສິ່ງທີ່ຕ້ອງລະວັງເປັນພິເສດເລີຍກໍ່ແມ່ນຢ່າລືມຖູໃນດ້ານທີ່ຖູເຖິງຍາກ 2 ນາທີເປັນເວລາທີ່ເໝາະສົມສໍາລັບໃຊ້ໃນການຖູແຂ້ວ.

ຢ່າລືມຖູລີ້ນ

ເນື່ອງຈາກເສດອາຫານ ແລະຈຸລິນຊີມັກຈະເກາະຕິດຢູ່ຕາມລີ້ນ ເພາະສະນັ້ນຈິ່ງຕ້ອງຖູລີ້ນໃຫ້ສະອາດ ຊຶ່ງຍັງຊ່ວຍໃຫ້ຫາຍໃຈຫອມສົດຊື່ນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.