ວິນລາຈັດສັນ ສົມສະໜຸກ ຕອບໂຈດຄົນມັກທີ່ພັກໃຈກາງເມືອງ

ວິນລາຈັດສັນ ສົມສະໜຸກ ເປັນ ໜຶ່ງໂຄງການບ້ານຈັດສັນທີ່ເນັ້ນການສ້າງທີ່ພັກອາໄສທີ່ມີຄວາມທັນສະໄໝ, ໃຈກາງນະຄອນຫຼວງ ແລະ ໄດ້ມາດຕະຖານໃນລະດັບສາກົນ, ຊຶ່ງເໝາະສົມທັງ ຕອບໂຈດສຳລັບທ່ານໃດທີ່ກຳລັງຊອກຫາເຮືອນ, ປະຈຸບັນໂຄງການດັ່ງກ່າວ ໄດ້ເປີດໃຫ້ເຂົ້າຈັບຈອງເປັນເຈົ້າຂອງແລ້ວດ້ວຍລາຄາເລີ່ມຕົ້ນພຽງແຕ່ 500 ລ້ານກວ່າກີບ ໂດຍສາມາດຜ່ອນສະບາຍ ໄລຍະຍາວເຖິງ 20 ປີ ດ້ວຍອັດຕາດອກ ເບ້ຍຕ່ຳ.

ເມື່ອບໍດົນມານີ້ທ່ານ ກໍລະກັນ ບຸນນາວົງ ວິຊາການກໍ່ສ້າງໂຄງການວິນລາຈັດສັນສົມສະໜຸກ ໃຫ້ຮູ້ວ່າ: ປະຈຸບັນຢູ່ບ້ານເຮົາທຸລະກິດຊື້-ຂາຍ ດ້ານອະສັງຫາລິມະຊັບພວມເກີດຂຶ້ນຫຼາຍບໍ່ວ່າຈະເປັນການປຸກສ້າງ ແລະ ຊື້-ຂາຍທີ່ດິນຕ່າງໆ, ດັ່ງນັ້ນ ຈຶ່ງເກີດຄວາມຄິດຂຶ້ນມາວ່າເປັນຫຍັງເຮົາບໍ່ຂະຫຍາຍທຸລະກິດດ້ວຍການຫັນຊັບສິນເປັນທຶນພັດທະນາຕອນດິນເປົ່າວ່າງ ໃຫ້ເກີດປະໂຫຍດ ແລະ ເກີດລາຍຮັບໃຫ້ຄົບສູດເລີຍຈາກຈຸດດັ່ງກ່າວຈິ່ງເກີດເປັນໂຄງການບ້ານວິນລາຈັດສັນສົມສະໜຸກຂຶ້ນ, ເພື່ອຕອບສະໜອງລູກຄ້າທຸກລະດັບທີ່ຢາກມີເຮືອນເປັນຂອງຕົນເອງ ແລະ ມັກຢູ່ໃນຂອບເຂດໃຈກາງຕົວເມືອງນະຄອນຫຼວງອີກດ້ວຍ.

ທ່ານ ກໍລະກັນ ບຸນນາວົງ ຍັງໃຫ້ ຮູ້ຕື່ມວ່າ: ສຳລັບໂຄງການບ້ານຈັດສັນທີ່ສ້າງຂຶ້ນຖືໄດ້ວ່າເປັນໂຄງການທີ 3, ທີ່ໄດ້ຮັບຄວາມເຊື່ອໝັ້ນຈາກສັງຄົມຜົນສຳເລັດໃນໂຄງການທີ່ຜ່ານມາແມ່ນ ເນັ້ນໜັກເລື່ອງຂອງການສ້າງສັນທີ່ຢູ່ ອາໄສທີ່ມີຄຸນນະພາບເພື່ອຕອບສະໜອງ ແກ່ສັງຄົມ ແລະຮູບແບບຂອງການອອກແບບຍັງເລັ່ງໃສ່ແບບເຮືອນທີ່ທັນສະໄໝ, ໄດ້ມາດຕະຖານ, ມີຄວາມປອດ ໄພ ແລະໃຫ້ຄວາມສະດວກສະບາຍໃນ ການພັກອາໄສ, ໄປຄຽງຄູ່ກັບລາຄາສົມເຫດສົມຜົນທີ່ຢູ່ໃກ້ຄຽງເຂດຕົວເມືອງ, ວິນລາຈັດສັນສົມສະໜຸກ ແມ່ນຖືວ່າເປັນ ຈຸດເໝາະສົມແກ່ການຂະຫຍາຍຕົວທາງ ດ້ານເສດຖະກິດ ເນື່ອງຈາກວ່າຈຸດທີ່ຕັ້ງ ຕິດກັບເສັ້ນທາງທ່າເດືອເປັນເສັ້ນທາງທີ່ຄົນສ່ວນໃຫຍ່ຢູ່ນະຄອນຫຼວງວຽງຈັນ ທຽວໄປ-ມາ ລະຫວ່າງ ລາວ-ໄທ, ສ່ວນ ລາຄາເຮືອນແມ່ນຕັ້ງໄວ້ຢ່າງເໝາະສົມ ບໍ່ຖືກ ຫຼື ແພງເກີນໄປ, ພະນັກງານກິນ ເງິນເດືອນທຳມະດາກໍ່ສາມາດເປັນເຈົ້າຂອງໄດ້.

ໂຄງການນີ້ແມ່ນເລີ່ມກໍ່ສ້າງມາແຕ່ ທ້າຍປີ 2015 ໂດຍມີເຮືອນທັງໝົດ 16 ຫຼັງ ໃນນັ້ນ ສ້າງເຮືອນສອງຊັ້ນມີ 6 ຫຼັງ ແລະ ຊັ້ນດຽວ10 ຫຼັງ, ສຳລັບຊັ້ນດຽວມີ 2 ຫ້ອງນອນ, ຫ້ອງຮັບແຂກ, ຫ້ອງຄົວ ແລະບ່ອນຈອດລົດ ເນື້ອທີ່ 300 ຕາ ແມັດຕໍ່ຫຼັງ, ສ່ວນເຮືອນສອງຊັ້ນມີ 4 ຫ້ອງນອນ, ຫ້ອງຮັບແຂກ, ຫ້ອງຄົວ ແລະບ່ອນຈອດລົດ ໂດຍລາຄາເລີ່ມຕົ້ນ 500 ລ້ານກວ່າກີບ, ປະຈຸບັນ ທາງໂຄງ ການໄດ້ເປີດໃຫ້ຈັບຈອງເປັນເຈົ້າຂອງ ແລ້ວ 12 ຫຼັງ ແລະ ຍັງເຫຼືອຊັ້ນດຽວ 3 ຫຼັງ ແລະສອງຊັ້ນ 1 ຫຼັງ, ໂດຍຈະຮັບ ປະກັນໃຫ້ປີ 1 ແລະ ສາມາດໃຫ້ຜ່ອນເຖິງ 10-20 ປີ ດ້ວຍອັດຕາດອກເບ້ຍຕ່ຳ, ພ້ອມດຽວກັນຫາກຖ້າລູກຄ້າຕ້ອງການຕົບແຕ່ງເຮືອນແມ່ນເຮົາສາມາດເລືອກຕາມໃຈເຊັ່ນ: ບໍ່ວ່າຕ້ອງການເຮັດ 3 ຫ້ອງນອນ, 2 ຫ້ອງນອນ ຫຼື ເລືອກສີຂອງກະໂລຕາມລາຄາຕົກລົງກັນໄວ້.

ສະນັ້ນ, ຫາກທ່ານໃດທີ່ກຳລັງຊອກບ່ອນພັກທີ່ຢູ່ອາໄສ ແລະ ເຂດທີ່ມີການພັດທະນາກໍສາມາດເຂົ້າໄປສຶກສາຖືກໃຈກໍສາມາດຈັບຈອງເປັນເຈົ້າຂອງເຮືອນໄດ້ເລີຍທີ່ບ້ານສົມສະໜຸກເມືອງຫາດຊາຍຟອງນະຄອນຫຼວງວຽງຈັນ ຫຼື ໂທຖາມກ່ອນ 020 9888 7979.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.