ວິໄລລັດ ຜູ້ຊະນະປະກວດ ມິສລາແມສາວໜ້າໃສ

  ນາງ ວິໄລລັດ ພົມມະແສງ ຜູ້ເຂົ້າປະກວດໝາຍເລກ 8 ຂອງໂຄງການຄົ້ນຫາສາວໜ້າໃສ Miss La meie ເພື່ອຈະໄດ້ເປັນພີເຊັນເຕີໃຫ້ກັບສິນຄ້າລາແມ (La meie) ສະບູນໍ້າແຮ່ປະສົມໄຂ່ມຸກ, ເນື່ອງໃນໂອກາດເຂົ້າມາເປີດຕະຫຼາດ ຢ່າງເປັນທາງການຢູ່ລາວໃນວັນທີ 9 ມິຖຸນາ 2019, ທີ່ສູນການຄ້າວຽງຈັນ ເຊັນເຕີ, ເຂົ້າຮ່ວມພາຍໃນງານມີທ່ານ ນາງ ລັດສະໝີ ປະທານກຳມະການບໍລິສັດລາແມ, ພ້ອມນັ້ນ ຍັງມີຕົວແທນຈຳໜ່າຍເຂົ້າຮ່ວມ ແລະ ແຂກຖືກເຊີນເຂົ້າຮ່ວມ.

 ທ່ານ ນາງ ລັດສະໝີ ກ່າວວ່າ: ໂຄງການປະກວດ Miss La meie ສາວໜ້າໃສ ແລະການເປີດໂຕສິນຄ້າພາຍໃຕ້ຊື່ສິນຄ້າລາແມສະບູນ້ຳແຮ່ປະສົມໄຂ່ມຸກຢ່າງ ເປັນທາງການໃນລາວຄັ້ງນີ້ ແມ່ນເພື່ອນຳເອົາສິນຄ້າທີ່ໄດ້ຄຸນນະພາບ, ເປັນສິນຄ້າທີ່ໄດ້ຮັບການຕອບຮັບຢ່າງດີໃນປະເທດໄທ ເຂົ້າສູ່ຕະຫຼາດລາວ, ພ້ອມດຽວກັນນັ້ນ ແນໃສ່ເຮັດໃຫ້ງານດັ່ງກ່າວມີຄວາມຄຶກຄື້ນ ແລະໜ້າສົນໃຈຍິ່ງຂຶ້ນ, ທາງບໍລິສັດຈຶ່ງໄດ້ຈັດໂຄງການຄົ້ນຫາສາວໜ້າໃສເພື່ອນຳມາເປັນພີເຊັນເຕີໂຄສະນາຜະລິດຕະພັນດັ່ງກ່າວໂດຍຜ່ານການປະກວດ Miss La meie ແລະໂຄງການນີ້ຍັງເປັນການເປີດໂອກາດໃຫ້ກັບນ້ອງນ້ອຍອາຍຸລະຫວ່າງ 15-23 ປີ ໄດ້ສະແດງ ຄວາມສາມາດຂອງຕົນເອງດ້ວຍການເຂົ້າມາຄັດເລືອກເປັນຕົວແທນໃນການ ໂຄສະນາສິນຄ້າ ລາແມ ປະຈຳລາວ.

  ໂຄງການຄົ້ນຫາສາວໜ້າໃສ ຫຼື ໂຄງ ການປະກວດ Miss La meie ແມ່ນໄດ້ ເລີ່ມປະກາດຮັບສະໝັກ ແລະຄັດເລືອກມາແຕ່ວັນທີ 6 ມິຖຸນາ 2019 ທີ່ຜ່ານມາ, ຊຶ່ງຜູ້ທີ່ໄດ້ຜ່ານການຄັດເລືອກໃນຮອບທີ່ຜ່ານມາເພື່ອເຂົ້າສູ່ຮອບຊິງຊະນະເລີດໃນຄັ້ງນີ້ມີ 18 ນ້ອງນາງສາວ ແລະຜູ້ທີ່ຊະນະເລີດແມ່ນຈະໄດ້ຮັບເງິນສົດ 5 ລ້ານກີບ, ພ້ອມສາຍສະພາຍ ແລະຮ່ວມຖ່າຍແບບກັບດາລາໄທ, ພ້ອມຂຶ້ນປົກວາລະສານ The Rich ອ່ານແລ້ວລວຍ,ໂດຍຜ່ານການປະກວດ ແລະຕັດສິນ,ຜູ້ທີ່ເອົາຊະນະສາຍຕາຂອງຄະນະກຳມະການ ແລະໄດ້ຄວ້າຕຳແໜ່ງ Miss La meie ແມ່ນນາງ ວິໄລລັດ ພົມມະແສງ ສາວນ້ອຍອາຍຸ 19 ປີ

ພວມສຶກສາຢູ່ ສະຖາບັນການທະນາຄານ ໝາຍເລກ 8, ຮອງອັນດັບ 1 ແມ່ນນາງ ຊານິຕາ ສະ ແຫວງໂຊກ ໝາຍເລກ 6 ຮຽນຢູ່ຊັ້ນ ມ 7 ຈາກ ມສ ມິດຕະພາຍລາວ-ຫວຽດ ແລະຮອງອັນດັບ 2 ນາງ ອິນທິລາ ຈັນທະຈັກ ໝາຍເລກ 13 ອາຍຸ 16 ປີ ມາຈາກ ມສ ວຽງຈັນ ຊຶ່ງຈະໄດ້ຮັບເງິນສົດພ້ອມສາຍສະພາຍຈາກ La meie.

ພາບ ແລະ ຂ່າວໂດຍ: ໜັງສືພິມເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.