ວຽນ​ນາ​ເມືອງ​ຄຸນ​ນະພາ​ບຊີວິດ​ທີ່​ດີ​ທີ່​ສຸດ​ໃນ​ໂລກ

ນະຄອນຫຼວງ​ວຽນ​ນາ​ຂອງ​ໂອ​ຕຼິດມີ​ແມ່​ນ້ຳ​ດາ​ນູບ​ໄຫຼ​ຜ່ານ​ມາ ​ໄດ້​ຮັບ​ການ​ລົງ​ຄະ​ແນນ​ຈາກ​ບໍລິສັດ​ທີ່​ປຶກສາ​ເມີ​ເຊີ ​ໃຫ້​ເປັນ​ເມືອງ​ທີ່​ມີ​ຄຸນ​ນະພາ​ບຊີວິດ​ດີ​ທີ່​ສຸດ​ເປັນ​ປີ​ທີ 8 ຕິດ​ຕໍ່​ກັນ​ແລ້ວ ສ່ວນ​ນະຄອນ​ແບກ​ແດດ​ຂອງ​ອີຣັກຕິດ​ອັນ​ດັບ​ຂີ້ຮ້າຍ​ທີ່​ສຸດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ ບໍລິສັດ​ທີ່​ປຶກ​ສາ​ເມີ​ເຊີ​ໄດ້​ເຮັດ​ການ​ສຳ​ຫຼວດ​ເມືອງ​ຕ່າງໆ​ທົ່ວ​ໂລກ​ລວມ 231 ​ເມືອງ ​ເພື່ອ​ເປັນ​ຂໍ້​ມູນ​ໃຫ້​ກັບ​ບໍລິສັດ ​ແລະ ອົງການ​ໃນ​ການ​ພິຈາລະນາ​​ໂດຍ​ມີ​ການ​ພິຈາລະນາ​ຫຼາຍ​ດ້ານ​ເຊັ່ນ: ສະຖຽນ​ລະ​ພາບ​ທາງ​ການ​ເມືອງ, ປະກັນ​ສຸຂະພາບ, ການ​ສຶກສາ, ອາ​ຊະ​ຍາ​ກຳ, ສົນທະນາ ​ແລະ ການ​ຂົນ​ສົ່ງ​ໃນ​ການ​ພິຈາລະນາ​ປະກອບ ຜົນ​ປະກົດ​ວ່າ ນະຄອນຫຼວງ​ວຽນ​ນາ​ຂອງ​​ໂອ​ຕຼິດຕິດ​ອັນ​ດັບ 1 ຄຸນ​ນະພາ​ບຊີວິດ​ທີ່​ດີ​ທີ່​ສຸດ​ເປັນ​ປີ​ທີ່ 8 ຕິດ​ຕໍ່​ກັນ ​ແຕ່​ເມືອງ​ໃຫຍ່​ຂອງ​ໂລກ​ເຊັ່ນ: ລອນ​ດອນ, ປາຣີສ, ​ໂຕ​ກຽວ ​ແລະ ນີວຢອກ​ບໍ່​​ໄດ້​ຕິດ​ຢູ່​ໃນ 30 ອັນ​ດັບ​ທຳ​ອິດ ​ແລະ ຍັງ​ຕາມ​ຫຼັງ​ຫຼາຍ​ເມືອງ​ຂອງ​ເຢຍລະ​ມັນ, ກາ​ນາ​ດາ, ນູ​ແວນ​ເຊ​ລັງ ​ແລະ ອົດ​ສະຕຣາລີ. ສ່ວນ​ພາກ​ພື້ນ​ອາຊີ ສິງກະ​ໂປ​ຕິດ​ອັນ​ດັບ​ດີ​ທີ່​ສຸດຕິດ​ອັນ​ດັບ 25 ​ແລະ ​ເມືອງ ຊານ​ຟຣານຊິ​ໂກ​ຂອງ​ອາ​ເມ​ລິ​ກາ​ຕິ​ອັນ​ດັບ 29. ສຳລັບ​ອັນ​ດັບ​ທີ່ 2-5 ມີ​ຄື: ຊູຣິດຂອງ​ສະ​ວິດ, ​ໂອ໊ກ​ແລນ​ຂອງ​ນູ​ແວນ​ເຊ​ລັງ, ມິ​ວນິກຂອງ​ເຢຍລະ​ມັນ ​ແລະ ​ແວນ​ດູ​ເວີ​ຂອງ​ກາ​ນາ​ດາ.

ຂະນະ​ທີ່​ເມືອງ​ທີ່ມີ​ຄຸນ​ນະພາ​ບຂີ້​ຮ້າຍ​ທີ່​ສຸດ​ຄື ນະຄອນ​ແບກ​ແດດ​ຂອງ​ອີຣັກຕິດ​ອັນ​ດັບ​ຄຸນ​ນະພາ​ບທີ່​ຂີ້ຮ້າຍ​ທີ່​ສຸດ​ໃນ​ໂລກ ຮອງ​ລົງ​ມາ​ແມ່ນ ​ເອັນ​ຈາ​ເມ​ນາ​ຂອງ​ຊາດ,ດາ​ທູມ​ຂອງ​ຊູ​ດັງ, ປໍ​ໂຕ​ແປງ​ຂອງ​ເຮ​ຕິ, ຊາ​ນາ​ຂອງ​ເຢ​ເມນ ​ແລະ ບັງ​ກີ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.