ສຕລ ປະກາດ 18 ນັກເຕະສາວ ລຸຍເຕະບານຍິງຢູ 14 ຍີ່ປຸ່ນ-ອາຊຽນ

     ສະຫະພັນບານເຕະແຫ່ງ ຊາດລາວ (ສຕລ) ປະກາດ 18 ນັກເຕະສາວລາວລຸຍການແຂ່ງຂັນເຕະບານເຍົາວະຊົນຍິງຮຸ່ນ ອາຍຸບໍ່ເກີນ 14 ປີ ພາຍໃຕ້ໂຄງການແລກປ່ຽນຍີ່ປຸ່ນ-ອາຊຽນ (JENESYS 2015 Japan- Asean Girls’ U14 Football Exchange Programme ) ທີ່ປະເທດຍີ່ປຸ່ນເປັນເຈົ້າພາບກາງເດືອນມີນານີ້.

     ອີງຕາມຂໍ້ມູນຈາກເວັບໄຊສະຫະພັນບານເຕະແຫ່ງຊາດລະບຸວ່າ: ສະຫະພັນບານເຕະແຫ່ງຊາດລາວຕົກລົງປະກາດ 18 ລາຍຊື່ນັກເຕະຍິງຮຸ່ນອາຍຸ ບໍ່ເກີນ 14 ປີ ຂອງທີມຊາດລາວ ເພື່ອກຽມລຸຍການແຂ່ງຂັນເຕະບານຍິງຮຸ່ນອາຍຸບໍ່ເກີນ 14 ປີ ຍີ່ປຸ່ນ-ອາຊຽນທີ່ Gotemba Kogen TOKINOSUMIKA ແຂວງ ຊິຊູໂອະກະປະເທດຍີ່ປຸ່ນ ເປັນເຈົ້າພາບລະຫວ່າງວັນທີ 12-16 ມີນາຈະເຖິງນີ້ປະກອບມີຄະນະຄູຝຶກ ທ່ານ ອຸດຕະມະ ຂາງມະນີວົງ ຜູ້ຈັດການທີມທັງເປັນຫົວໜ້້າຄະນະ, ທ່ານ ວົງມີໄຊ ສຸບົວຄໍາ ຫົວໜ້າຄູຝຶກ  ທ່ານນາງ ສຸຈິດຕາ ພົນຫາລາດ ຜູ້ຊ່ວຍຄູຝຶກ, ທ່ານ ນາງ ນົກ ດວງມາລາ ຜູ້ຊ່ວຍຄູຝຶກ, ທ່ານ ນາງ ເຄືອວັນ ເມັງວິໄລ ແພດປະຈໍາທີມ ແລະນາງ ສຸພາພອນ ບຸດຕະວົງ ຜູ້ບໍລິຫານທີມ, ຂະນະທີ່ລາຍຊື່ນັກເຕະບານຍິງ 18 ຄົນປະກອບມີ: ຕຳແໜ່ງຜູ້ຮັກສາປະຕູ ນາງ ບັງອອນ ພອນໄຊ ຈາກ ມ.ສ ໂພນທັນ, ນາງ ເພັດລາວັນ ໄຊຍະເພັດດາລາ ຈາກ ມ.ຕົ້ນ ຈອມເພັດ, ຕຳແໜ່ງກອງຫຼັງປະກອບມີ: ນາງ ຕານ້ອຍ ພົນເທບ ຈາກ ມ.ສ ສາລະຄໍາ, ນາງ ສຸລິພອນ ພຸດທະວົງ ຈາກ ມ.ຕົ້ນ ສີສັດຕະນາກ, ນາງ ພ໋ອດພາລິນ ຊັດດາວົງ ຈາກ ມ.ສ ບໍ່ນາງົວ, ນາງ ວິໄລພອນ ແພງຊະນະ ຈາກ ມ.ສ ໂພນທັນ, ນາງ ນັດຖະພອນ ສີສຸດາ ຈາກ ມ.ສ ບໍ່ນາງົວ, ນາງ ປານິນ ຄໍາມະນີໄຊ ຈາກ ມ.ສ ວຽງຈັນ-ໂຮ່ຈີມິນ, ນາງ ສຸພາພອນ ໂພທີສາລາດ ຈາກ ມ.ຕົ້ນ ສີສັດຕະນາກ; ຕຳແໜ່ງກອງກາງປະກອບມີ: ນາງ ອາລີສາ ສໍພາບມີໄຊ ຈາກ ຮ.ຮ ວຽງສະຫວັນ, ນາງ ພຸດສະ ชດີ ຫຼວງອາມາດ ຈາກ ມ.ສ ສາລະ ชຄໍາ, ນາງ ຫຼ້ານ້ອຍ ວົງສິງຄໍາ ชຈາກ ມ.ສ ຈັນທະບູລີ, ນາງ ແສງชສຸບັນ ສໍທະນູສິນ ຈາກ ມ.ສ ບໍ່ນາງົວ, ນາງ ປາວີນາ ອິນທະລັງສີຈາກ ມ.ສ ເຈົ້າອານຸວົງ, ນາງ ນິດນະພາ ສູນດາລາ ຈາກ ມ.ຕົ້ນ ຈອມເພັດ ແລະຕຳແໜ່ງກອງໜ້າປະກອບມີ: ນາງ ເລດີ້ ຈັນທະວົງສາ ຈາກ ມໍຕົ້ນ ຈອມເພັດ, ນາງ ດາລາວອນ ສໍພາບມີໄຊ ຈາກ ຮ.ຮ ວຽງສະຫວັນ ແລະນາງ ເລດ້າ ຈັນທະວົງສາ ຈາກ ມ.ຕົ້ນ ຈອມເພັດ.

ການແຂ່ງຂັນລາຍການດັ່ງກ່າວມີທີມເຂົ້າຮ່ວມທັງໝົດ 9 ປະເທດປະກອບມີ: ກຳປູເຈຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທ, ຍີ່ປຸ່ນ 1 (ACADEMY) ແລະຍີ່ປຸ່ນ 2 ( AZUL CLARO ).

ສ່ວນຕາຕະລາງການແຂ່ງຂັນ ຂອງທີມບານເຕະຍິງຮຸ່ນ u14 ທີມຊາດລາວມີຄື: ນັດທີ 1: ວັນເສົາ12 ມີນາ 2016 ລາວພົບຍີ່ປຸ່ນ 2 ( AZUL CLARO ) ເວລາ 14:00 ໂມງ, ນັດທີ 2: ວັນອາທິດ 13 ມີນາ 2016 ກຳປູເຈຍພົບລາວເວລາ16:00 ໂມງ, ນັດທີ 3: ວັນຈັນ 14 ມີນາ 2016 ລາວພົບມາເລເຊຍເວລາ 14:00 ໂມງ ແລະນັດທີ 4 ວັນອັງຄານ 15 ມີນາ 2016 ສິງກະໂປພົບລາວ ເວລາ 16:00 ໂມງ, ທັບນັກກີລາສາວລາວຈະອອກເດີນທາງ ໃນວັນທີ 10 ມີນາ 2016 ແລະການແຂ່ງຂັນຄັ້ງນີ້ຈະໃຊ້ເວລາ 70 ນາທີ ໂດຍແບ່ງເປັນເຄິ່ງເວລາ 35 ນາທີ ແລະບໍ່ມີການຈັດອັນດັບແຕ່ລະທີມຈະໄດ້ແຂ່ງຂັນ 4 ນັດ ພາຍໃນ 5 ມື້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.