ສະ­ຫວັນ​ລົງ​ຕິດ­ຕາມການ​ຕິດ​ສະ­ຫຼາກ​ສິນ­ຄ້າ​ເປັນ​ພາ­ສາ​ລາວ

ການ​ຕິດ​ສະ­ຫຼາກ​ສິນ­ຄ້າ​ເປັນ​ພາສາ​ລາວ​ປະ­ຈຸ​ບັນ​ພວມ​ໄດ້​ຮັບ​ການ​ຈັດຕັ້ງ​ຜັນ​ຂະ­ຫຍາຍ​ອອກ​ໄປ​ຍັງ​ແຂວງຕ່າງໆ​ຫວັງ​ໃຫ້​ປະ­ຊາ­ຊົນ​ລາວ​ສາ­ມາດອ່ານ​ໄດ້ ແລະ​ເຂົ້າ­ໃຈ​ສິນ­ຄ້າ​ທີ່​ຕ້ອງ​ຊົມໃຊ້​ຢ່າງ​ທ່ອງ​ແທ້ ເພື່ອ​ຫຼີກ​ລ້ຽງ​ຜົນ​ກະ­ທົບທີ່​ອາດ​ເກີດ​ຂຶ້ນ​ທັງ​ຖືກ­ຕ້ອງ​ຕາມ​ຫຼັກການ​ສາ­ກົນ​ທີ່​ຫຼາຍ​ປະ­ເທດ​ປະ­ຕິ­ບັດ.

ສຳ­ລັບ​ແຂວງ​ສະ­ຫວັນ​ນະ​ເຂດ​ຂະບວນ​ການ​ຊຸກ­ຍູ້, ສົ່ງ­ເສີມ, ຕິດ­ຕາມ ແລະ  ກວດ­ກາ​ການ​ຕິດ​ສະ­ຫຼາກ​ສິນ­ຄ້າ​ເປັນ​ພາສາ​ລາວ​ທົ່ວ​ແຂວງ ໄດ້​ຈັດ​ຂຶ້ນ​ຢ່າງ​ເປັນທາງ​ການ​ໃນ​ວັນ​ທີ 5 ພຶດ­ສະ­ພາ 2017 ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສີ​ທົນ ນັນ­ທະ​ລາດ ຫົວ­ໜ້າ​ພະ​ແນກ​ອຸດສາ​ຫະ​ກຳ ແລະ​ການ​ຄ້າ​ແຂວງ​ສະ­ຫວັນນະ​ເຂດ​ພ້ອມ​ພາກ­ສ່ວນ​ທີ່​ກຽວ​ຂ້ອງ​ກໍ່​ໄດ້ເຂົ້າ​ຮ່ວມ ໃນ​ນີ້ ບໍ­ລິ­ສັດ​ສະ­ຫວັນ​ວາ­ລີ ການ​ຄ້າ​ຂາ​ອອກ-ຂາ​ເຂົ້າ​ເປັນ​ບໍ­ລິ­ສັດ​ທຳ ອິດ​ທີ່​ໄດ້​ເລີ່ມ​ຕົ້ນ​ກິດ­ຈະ­ກຳ ແລະ​ຈະ​ດຳ ເນີນ​ຕໍ່​ໄປ​ຈົນ​ກວ່າ​ຈະ​ຄົບ 100 ກວ່າ​ບໍ​ລິສັດ​ທົ່ວ​ແຂວງ.

ໂອ­ກາດ​ນີ້​ແມ່ນ​ໄດ້​ຮັບ​ການ​ຕ້ອນ­ຮັບຢ່າງ​ອົບ​ອຸ່ນ​ຈາກ​ທ່ານ ນາງ ວິ­ລະ​ຄຳ ສະ­ຫວັນ​ວາ­ລີ ຮອງ​ຫົວ­ໜ້າ​ບໍ­ລິ­ສັດ​ສະຫວັນ​ວາ­ລີ​ການ​ຄ້າ​ຂາ​ອອກ-ຂາ​ເຂົ້າ ຊຶ່ງຜ່ານ​ການ​ກວດ­ກາ​ສະ­ຫຼາກ​ສິນ­ຄ້າ​ພາຍໃນ​ບໍ­ລິ­ສັດ​ດັ່ງ­ກ່າວ​ເຫັນ​ວ່າ​ສ່ວນ​ຫຼາຍ​ແມ່ນ​ຕິດ​ສະ­ຫຼາກ​ເປັນ​ພາ­ສາ​ລາວ​ໃສ່ສິນ­ຄ້າ​ທີ່​ນຳ​ເຂົ້າ​ມາ​ເພື່ອ​ກຽມ​ຈຳ­ໜ່າຍໃຫ້​ລູກ​ຄ້າ ໂດຍ​ບໍ­ລິ­ສັດ​ດັ່ງ­ກ່າວ​ແມ່ນ​ເປັນຕົວ​ແທນ​ຈຳ­ໜ່າຍ​ເຄື່ອງ​ອຸ­ປະ­ໂພກ ແລະ ບໍ­ລິ­ໂພກ​ເປັນ​ສ່ວນ​ຫຼາຍ.

ສຳ­ລັບ​ການ​ລົງ​ຊຸກ­ຍູ້​ການ​ຕິດ​ສະຫຼາກ​ເປັນ​ພາ­ສາ​ລາວ​ຂອງ​ບໍ­ລິ­ສັດ​ຂາອອກ-ຂາ​ເຂົ້າ​ກໍ່​ຄື​ຜູ້­ນຳ​ເຂົ້າ​ສິນ­ຄ້າ​ພາຍໃນ​ແຂວງ​ສະ­ຫວັນ​ນະ​ເຂດ​ກໍ​ເພື່ອ​ເຮັດໃຫ້​ວຽກ​ງານ​ນຳ​ເຂົ້າ-ສົ່ງ​ອອກ​ສິນ­ຄ້າ ປະ­ເພດ​ເຄື່ອງ​ອຸ­ປະ­ໂພກ-ບໍ­ລິ­ໂພກ​ໃຫ້​ໄດ້ ຮັບ​ການ​ຄຸ້ມ​ຄອງ​ຢ່າງ​ມີ​ປະ​ສິດ­ທິ​ຜົນ, ທັງ​ເປັນ​ການ​ປົກ​ປ້ອງ​ສິດ ແລະ​ຜົນ​ປະ ໂຫຍດ​ຂອງ​ຜູ້​ຊົມ­ໃຊ້ ໂດຍ​ອີງ­ໃສ່​ກົດ­ໝາຍ ວ່າ​ດ້ວຍ​ການ​ປົກ​ປ້ອງ​ສິດ​ຜູ້​ຊົມ­ໃຊ້ ແລະ ຄຳ​ສັ່ງ​ເລກ​ທີ 2501/ອຄ.ຄພນ ລົງ​ວັນ​ທີ 16 ທັນ­ວາ 2016 ກ່ຽວ​ກັບ​ການ​ຕິດ​ສະຫຼາກ​ສິນ­ຄ້າ​ເປັນ​ພາ­ສາ​ລາວ ເພື່ອ​ເຮັດ​ໃຫ້ຜູ້​ຊົມ­ໃຊ້​ຮູ້­ຈັກ​ວ່າ​ສິນ­ຄ້າ​ຜະ­ລິດ​ຢູ່​ໃສ, ແມ່ນໃຜ ຫຼື ບໍ­ລິ­ສັດ​ໃດ​ເປັນ​ຜູ້­ນຳ​ເຂົ້າ​ມາ​ສັບ­ພະຄຸນ​ແນວ­ໃດ ແລະ​ທີ່​ສຳ­ຄັນ​ວັນ, ເດືອນ, ປີຜະ­ລິດ ແລະ​ວັນ, ເດືອນ, ປີ​ໝົດ​ອາ­ຍຸ​ຕ້ອງໃຫ້​ມີ​ຢ່າງ​ຊັດ​ເຈນ, ຖ້າ​ຫາ​ກວ່າ​ນຳ­ໄປ​ບໍ­ລິ­ໂພກ​ແລ້ວ​ມີ​ຜົນ​ກະ­ທົບ​ຕໍ່​ສຸ­ຂະ­ພາບ​ກໍ່ ສາ­ມາດ​ຟ້ອງ​ກັບ​ບໍ­ລິ­ສັດ​ທີ່​ນຳ​ເຂົ້າ​ມາ​ຈຳໜ່າຍ​ໄດ້​ທັງ​ນີ້​ກໍ່​ເພື່ອ​ເປັນ​ການ​ດຶງ​ເອົາລະ­ບົບ​ການ​ຄ້າ​ໃຫ້​ເຂົ້າ​ສູ່​ຄວາມ​ເປັນ​ລະບຽບ​ຍິ່ງ​ຂຶ້ນ​ອັນ​ຈະ​ເຮັດ​ໃຫ້​ພວກ​ເຮົາ​ສາ­ມາດ​ແກ້​ໄຂ​ໄດ້​ກ່ຽວ​ກັບ​ການ​ຄ້າ​ເຖື່ອນ (ພວກ​ທີ່​ລັກ­ລອບ​ນຳ​ເຂົ້າ) ອີກ​ດ້ວຍ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.