ສະພາ​ຍີ່ປຸ່ນ​ອະນຸມັດ​ງົບ 880 ຕື້​​ໂດ​ລາ

ສະພາ​ຍີ່ປຸ່ນ​ຜ່ານ​ຮ່າງ​ງົບປະມານ​ປະຈຳ​ປີ 2017 ດ້ວຍ​ຈຳນວນ​ເງິນ​ສູງ​ທີ່​ສຸດ 97,45 ພັນ​ຕື້​ເຢນ (ປະມານ 880 ຕື້​ໂດ​ລາ​ສະຫະລັດ).

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ສະພາ​ຍີ່ປຸ່ນ​​ໄດ້​ຜ່ານ​ຮ່າງ​ງົບປະມານ​ປະຈຳ​ປີ 2017 ຊຶ່ງ​ເປັນ​ຈຳນວນ​ເງິນ​ທີ່​ສູງ​ທີ່​ສຸດ​ໃນ​ປະຫວັດຕິການ​ຢູ່​ທີ່ 97,45 ພັນ​ຕື້​ເຢນ(ປະມານ 880 ​ຕື້​ໂດ​ລາ)​ (​ໂດຍ​ຈະ​ເລີ່​ມຕັ້ງ​ແຕ່​ວັນ​ທີ 1 ​ເມສາ​ນີ້) ​ເພື່ອ​ນຳ​ໃຊ້​ເຂົ້າໃນ​ການ​ໃຊ້​ຈ່າຍ​ດ້ານ​ປະກັນ​ສັງຄົມ, ການ​ຍົກ​ລະດັບ​ສັກກະ​ຍະ​ພາບ​ດ້ານ​ປ້ອງ​ກັນປະ​ເທດ ​ແລະ ​ຟື້ນຟູ​ເສດຖະກິດ​ພາຍ​ໃນ​ປະ​ເທດ ຫຼັງ​ຈາກ​ທີ່​ໄດ້​ຮັບ​ຜົນ​ກະທົບ​ຈາກ​ພາວະ​ເງິນ​ຝືດ. ນອກຈາກ​ນີ້ ຍີ່ປຸ່ນຍັງ​ຄາດ​ວ່າ ລາຍ​ຮັບ​ຈາກ​ພາສີ​ໃນ​ສົກ​ປີ 2017 ຈະ​ເພີ່ມ​ຂຶ້ນ 0,2% ​ເມື່ອ​ທຽບ​ໃສ່​ທີ່​ຜ່ານ​ມາ.

ທັງ​ນີ້ ຫຼັງ​ຈາກ​ຜ່ານ​ການ​ອະນຸມັດ​ຈາກ​ຄະນະ​ກຳມາ​ທິການ​ດ້ານ​ງົບປະມານ​ຂອງລັ​ດສະພາ​ແລ້ວ ຄາດ​ວ່າ ຮ່າງ​ງົບປະມານ​ສະບັບນີ້ ຈະ​ໄດ້​ຮັບ​ຄວາມ​ເຫັນ​ດີ​ຈາກ​ວຸດ​ທິສະພາ​ໃນ​ວັນ​ທີ 28 ມີນາ ​ໂດຍ​ປະຈຸ​ບັນ​ວຸດ​ທິສະພາ​ຍີ່ປຸ່ນ​ຄອງ​ສຽງ​ສ່ວນ​ຫຼາຍ ​ໂດຍ​ພັກ​ເສລີ​ປະຊາທິປະ​ໄຕ(​ແອ​ລດີ​ພີ) ​ແລະ ພັກ ​ໂຄ​ເມ​ອິ​ໂຕະ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.