ສະມິຕິເວດໂຮງໝໍແຫ່ງທຳອິດຂອງຍີ່ປຸ່ນຢູ່ອາຊຽນ

    ສະມິຕິເວດສະຫຼອງຄົບຮອບ 40 ປີ ເປີດໂຮງໝໍຍີ່ປຸ່ນສະມິຕິເວດ ໂຮງໝໍຍີ່ປຸ່ນບ່ອນທຳອິດໃນພາກພື້ນອາຊຽນ (First Japanese hospital in AEC) ໂດຍໃຊ້ງົບປະມານເພື່ອສ້າງໂຮງໝໍດັ່ງກ່າງຫຼາຍກວ່າ 900 ລ້ານບາດ ຫຼືຫຼາຍກວ່າ 252 ຕື້ກີບ ພ້ອມດ້ວຍມາດຕະຖານທາງການແພດລະດັບສາ ກົນ.

  ທ່ານ ດຣ ໄຊຣັດ ປັນທຸຣະອຳພອນ ກໍາມະການຜູ້ຈັດການ ແລະປະທານເຈົ້າໜ້າທີ່ບໍລິຫານກຸ່ມໂຮງໝໍສະມິຕິເວດ ແລະໂຮງໝໍບີເອັນເອຊກ່າວວ່າ: ໂຮງໝໍ ສະມິຕິເວດເປັນການຮ່ວມມືຂອງໂຮງໝໍທາກັດສຶກິ ແລະ ໂຮງໝໍຊາໂນ່ທີ່ເປັນໂຮງໝໍໃນລະດັບແຖວໜ້າຈາກປະເທດຍີ່ປຸ່ນເພື່ອສະໜອງການບໍລິການສຸຂະ ພາບທີ່ດີໃກ້ແກ່ຊາວຍີ່ປຸ່ນໂຮງໝໍຍີ່ປຸ່ນສະມິຕິເວດ ແມ່ນໜຶ່ງໃນເຄືອຂ່າຍໂຮງໝໍສະມິຕິເວດ ພາຍໃຕ້ການບໍລິຫານຂອງບໍລິສັດກຸງເທບດຸສິດເວຊະການຈຳ ກັດ (ມະຫາຊົນ) ແມ່ນໂຮງໝໍຂະໜາດ 30 ຕຽງ ແມ່ນບໍລິເວນທີ່ຢູ່ອາໄສຂອງຊາວຍີ່ປຸ່ນໃນນະຄອນຫຼວງບາງກອກປະເທດໄທພ້ອມເບິ່ງແຍງດ້ວຍຄະນະແພດພະຍາ ບານຊາວຍີ່ປຸ່ນ ແລະ ເຄື່ອງມືທີ່ທັນສະໄໝພ້ອມກັບ Tele-Translator ແປພາສາຍີ່ປຸ່ນດ້ວຍລ່າມແປພາສາຜ່ານລະບົບ video call ໃຫ້ບໍລິການຕະຫຼອດ 24 ຊົ່ວ ໂມງ ແລະການບໍລິການຈາກໃຈໃນແບບສະບັບວັດທະນະທຳຍີ່ປຸ່ນຕະຫຼອດຈົນອອກແບບສະຖານທີ່ອຸປະກອນແບບຍີ່ປຸ່ນເພື່ອໃຫ້ຮູ້ສຶກຄຸ້ນເຄີຍເກີດຄວາມໄວ້ວາງໃຈໃນການເຂົ້າຮັກສາສະເໝືອນກັບໂຮງໝໍໃນບ້ານເກີດຂອງຊາວຍີ່ປຸ່ນເອງ.

ຫຼາຍປີມານີ້ມີຊາວຍີ່ປຸ່ນເຂົ້າມາເຮັດວຽກໃນ South East Asia ຫຼາຍຂຶ້ນເຊັ່ນດຽວກັບນັກລົງທຶນຊາວຍີ່ປຸ່ນທີ່ເຂົ້າມາລົງທຶນ ແລະສ້າງຕັ້ງບໍລິສັດໃນ EEC ການທີ່ຊາວຕ່າງປະເທດຕ້ອງມາໃຊ້ຊີວິດໃນປະເທດທີ່ບໍ່ລຶ້ງເຄີຍນອກຈາກຄວາມສະດວກສະບາຍໃນການດຳລົງຊີວິດແລ້ວການດູແລສຸຂະພາບກໍແມ່ນອີກໜຶ່ ງເລື່ອງສຳຄັນທີ່ຊາວຍີ່ປຸ່ນຄຳນຶງເຖິງໂດຍຕະຫຼອດໄລຍະ 40 ປີ ຂອງສະມິຕິເວດໂຮງໝໍສະມິຕິເວດສຸຂຸມວິດ ແລະໂຮງໝໍສະມິຕິເວດສີລາຊາໄດ້ປະກອບສ່ວນໃນການດູແລສຸຂະພາບຊາວຍີ່ປຸ່ນໃນປະເທດໄທ ແລະປະເທດອ້ອມຂ້າງເພື່ອເປົ້າໝາຍທີ່ເປັນເອກະພາບຄືສ້າງລະບົບການສາທາລະນະສຸກທີ່ດີເພື່ອຮັບໃຊ້ຊາວຍີ່ປຸ່ນໃນລະດັບປະເທດໃນປີທີ່ຜ່ານມາມີຜູ້ຮັບບໍລິການທີ່ເປັນຊາວຍີ່ປຸ່ນປະມານ 400 ຄົນຕໍ່ວັນ ມີເດັກນ້ອຍຍີ່ປຸ່ນເກີດຢູ່ທີ່ສະມິຕິເວດປະມານ 200 ຄົນຕໍ່ປີ.

  ນອກຈາກນີ້ສະມິຕິເວດແມ່ນໂຮງໝໍບ່ອນທຳອິດນອກປະເທດຍີ່ປຸ່ນທີ່ໄດ້ຮັບການຢ້ຽມຢາມຈາກ Japan Council for Quality Health Care (JCQHC ) ປະເທດຍີ່ປຸ່ນດ້ານຄຸນນະພາບຄວາມປອດໄພທາງການແພດລວມເຖິງການລົງນາມກັບໂຮງໝໍທາກັດສຶກິຊ່ຽວຊານດ້ານກຸມານລະເວດການດູແລເດັກນ້ອຍເກີດໃໝ່ທີ່ເກີດວິກິດ ແລະການຜ່າຕັດຂໍ້ເຂົ່າ ແລະໂຮງໝໍຊາໂນ່ຊ່ຽວຊານດ້ານການຜ່າຕັດສ່ອງກ້ອງລະບົບທາງເດີນອາຫານຊ່ວຍກັ່ນຕອງຄວາມສ່ຽງເປັນມະເຮັງລຳໄສ້ໃຫຍ່ດ້ວຍເຕັກນິກການສ່ອງກ້ອງ NBI ( Narrow Band Image) ສາມາດກວດພົບເຊວມະເຮັງໄດ້ໄວຂຶ້ນ 2 ເທົ່າ ແລະ ເຕັກນິກການຜ່າຕັດກ້ອນເນື້ອຂະໜາດໃຫຍ່ຜ່ານກ້ອງ ESD ( Endoscopic Submucosal Dissection ) ເພື່ອໃຫ້ທຸກທ່ານມີຊີວິດທີ່ຍືນຍາວຢ່າງມີຄຸນນະພາບ ແລະ ມີຄວາມສຸກຕະຫຼອດໄປ. 

ພາບ ແລະ ຂ່າວໂດຍ: ໜັງສືພິມເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.