ສະຫະລັດສ່ຽງ​ຖືກ​ຫຸ້ນ​ຍົນ​ຍາດ​ວຽກ​ຫຼາຍ​ສຸດ

ແຮງ​ງານ​ຫຼາຍ​ລ້ານ​ຄົນ​ທົ່ວ​ໂລກ​ມີ​ຄວາມ​ສ່ຽງ​ທີ່​ຈະ​ສູນ​ເສຍ​ວຽກ​ເຮັດ​ໃຫ້​ກັບ​ຫຸ່ນ​ຍົນ ແຕ່​ແຮງ​ງານ​ໃນ​ສະຫະລັດ ​ຄວນ​ຈະ​ຕ້ອງ​ກັງ­ວົນ​ຫຼາຍ​ທີ່​ສຸດ.

ສຳນັກ​ຂ່າວ​ຕ່າງ­ປະ­ເທດ​ລາຍ​ງານ​ວ່າ: 38% ຂອງ​ຈຳ­ນວນ​ວຽກ​ເຮັດ​ໃນ​ສະຫະລັດ ມີ​ຄວາມ​ສ່ຽງ​ທີ່​ຈະ​ຖືກ ແທນ​ທີ່​ດ້ວຍ ຫຸ່ນ​ຍົນ ແລະ ປັນ­ຍາ​ປະ­ດິດ​ໃນ​ອີກ 15 ປີ​ຕໍ່­ໜ້າ. ຂະ­ນະ​ທີ່​ອັງ­ກິດ​ຕົວ​ເລກ​ຄວາມ​ສ່ຽງທີ່​ຈະ​ຖືກຫຸ່ນ​ຍົນ​ຍາດ​ຊີງ​ວຽກ​ຫຼຸດ​ລົງ​ເຫຼືອ 30% ແລະ ໃນ​ຍີ່­ປຸ່ນ​ລະ­ດັບ​ຄວາມ​ສ່ຽງ​ຫຼຸດ​ລົງ​ເຫຼືອ​ພຽງ 21%. ງານ​ບໍ­ລິ­ການ​ມີ​ບົດບາດ​ສຳ­ຄັນທັງ​ໃນ​ຕະ­ຫຼາດ​ແຮງ​ງານ​ສະຫະລັດ ແລະ ອັງ­ກິດ ຂະ­ນະ​ທີ່​ມີ​ການ​ຈ້າງ​ວຽກ​ຢູ່​ລະ­ດັບ​ດຽວ​ກັນ​ໃນ​ພາກ ສ່ວນ​ອື່ນ​ທັງ​ພາກ​ການ​ເງິນ, ຄົມ­ມະ­ນາ­ຄົມ, ການ​ສຶກ​ສາ, ການ​ຜະ­ລິດ ແລະ ບໍ­ລິ­ການ​ດ້ານ​ອາ­ຫານ. ຕົວ­ຢ່າງ ວຽກ​ງານ​ດ້ານ​ການ​ບໍ­ລິ­ການ​ທາງ​ການ​ເງິນ​ໃນ​ສະຫະລັດ 61% ຂອງ​ວຽກ​ງານ​ໃນ​ພາກ­ສ່ວນ​ນີ້​ມີ​ຄວາມ​ສ່ຽງ ຫຼາຍ​ກວ່າ ທີ່​ຈະ​ຖືກ​ແທນ​ທີ່​ດ້ວຍ​ຫຸ່ນ​ຍົນ ໃນ​ຂະ­ນະ​ທີ່​ມີ​ພຽງ 32% ຂອງ​ແຮງ​ງານ​ໃນ​ອັງ­ກິດ​ທີ່​ມີ​ຄວາມ​ສ່ຽງ.

ຂະ­ນະ​ດຽວ​ກັນ​ຜູ້​ຈັດ​ເຮັດ​ລາຍ​ງານ​ເຕືອນ​ວ່າ ຫຸ່ນ​ຍົນ​ທີ່​ເພີ່ມ​ຈຳ­ນວນ​ຂຶ້ນ​ໝາຍ​ເຖິງ​ຄວາມ​ບໍ່​ເທົ່າ​ທຽມ​ກັນ​ທາງ ສັງ­ຄົມ​ທີ່ ເພີ່ມ​ຂຶ້ນ​ໄປ​ນຳ ໂດຍ​ຜູ້​ທີ່​ອອກ​ແບບ ແລະ ສ້າງ​ຫຸ່ນ​ຍົນ ແລະ ມີ​ທັກ​ສະ​ສູງ​ທີ່​ຈະ​ເຮັດ​ວຽກ ຮ່ວມ​ກັບ​ຄູ່​ຫູ ປັນ­ຍາ​ປະ­ດິດ​ໄດ້ ຈະ​ໄດ້​ຮັບ​ຄ່າ​ຕອບ​ແທນ​ສູງ​ກວ່າ​ຫຼາຍ ແລະ ຄົນ​ທີ່​ເຫຼືອ​ຈະ​ຖືກ​ປະ​ຖິ້ມ​ໄວ້​ທາງ​ຫຼັງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.