ສະ​ໝຸນ​ໄພ 5 ຊະ­ນິດ​ຊ່ວຍ​ຫຼຸດ​ຄໍ​ເລ​ສ​ເຕີ​ຣໍ​

ຄໍ​ເລ​ສ​ເຕີ​ຣໍ​ລ ເປັນ​ສາ­ເຫດ​ຂອງ​ການ​ເກີດ​ພະ­ຍາດ​ຮ້າຍ​ຕ່າງໆ ບໍ່​ວ່າ​ຈະ​ເປັນ​ພະ­ຍາດ​ເສັ້ນ­ເລືອດ​ຫົວ­ໃຈ​ຕີບ ອາ­ການ​ຕຸ້ຍ ໄຂ­ມັນ​ອັດ​ຕັນ​ເສັ້ນ­ເລືອດ ໄຂ­ມັນ​ພອກ​ຕັບ ແລະ​ອື່ນໆ ຊຶ່ງ​ການ​ຫຼຸດ​ຄໍ​ເລ​ສ​ເຕີ​ຣໍ​ ຈຶ່ງ​ເປັນ​ວິ­ທີ​ແກ້​ໄຂ​ໜຶ່ງ​ທີ່​ດີ​ທີ່​ສຸດ.

ນອກ­ຈາກ​ຈະ​ຫຼຸດ​ການ​ບໍ­ລິ­ໂພກ​ອາ­ຫານ​ທີ່​ມີ​ໄຂ­ມັນ​ແລ້ວ ການ​ຮັບ​ປະ­ທານ​ພືດ​ສະ​ໝຸນ​ໄພ​ພື້ນ​ບ້ານ​ກໍ​ສາ­ມາດ​ຊ່ວຍ​ຫຼຸດ​ຄໍ​ເລ​ສ​ເຕີ​ຣໍ​​ໄດ້​ເປັນ​ຢ່າງ​ດີ ແລະ​ສະ​ໝຸນ​ໄພ​ເຫຼົ່າ​ນີ້ ກໍ​ຫາ​ໄດ້​ງ່າຍ ແລະ​ສ່ວນ​ຫຼາຍ​ກໍ​ຈະ​ມີ​ປະ­ຈຳ​ຢູ່​ທຸກ​ຄົວ​ເຮືອນ.

ກະ­ທຽມ ກິ່ນ​ຫອມ ແລະ​ລົດ​ຊາດ​ເຜັດ​ຮ້ອນ​ຂອງ​ກະ­ທຽມ​ດິບ​ຈະ​ເຮັດ​ໃຫ້​ອາ­ຫານ​ໜ້າ​ຮັບ​ປະ­ທານ​ຍິ່ງ​ຂຶ້ນ ຊຶ່ງ​ນອກ­ຈາກ​ຈະ​ຊ່ວຍ​ດັບ​ກິ່ນ​ຄາວ​ແລ້ວ​ຍັງ​ຊ່ວຍ​ຫຼຸດ​ໄຂ­ມັນ​ໃນ​ເສັ້ນ­ເລືອດ​ໄດ້​ເປັນ​ຢ່າງ​ດີ.

ຜັກ­ບົ່ວ ບໍ່​ວ່າ​ຈະ​ເປັນ​ຜັກ­ບົ່ວ​ຫົວ​ແດງ ຫຼື ຜັກ­ບົ່ວ​ຫົວ​ໃຫຍ່ ຕ່າງ​ກໍ​ມີ​ສັບ­ພະ​ຄຸນ​ຫຼຸດ​ຄໍ​ເລ​ສ​ເຕີ​ຣໍ​ລ ສະ­ຫຼາຍ​ໄຂ­ມັນ ແກ້​ຍື່ງ​ທ້ອງ ບັນ­ເທົາ​ອາ­ການ​ໄຂ້ ແກ້​ພູມ​ແພ້ ຫອບ​ຫືດ ແລະ​ຊ່ວຍ​ຫຼຸດ​ນ້ຳ­ຕານ​ໃນ​ເລືອດ​ໄດ້​ເປັນ​ຢ່າງ​ດີ.

ໝາກ​ສົ້ມ­ພໍ­ດີ ຊ່ວຍ​ເພີ່ມ​ລະ­ດັບ​ໄຂ­ມັນ​ດີ ຫຼຸດ​ໄຂ​ມັນ​ເເຫຼວ​ໃນ​ເລືອດ ມີ​ສານ​ຕ້ານ​ອະ­ນຸ​ມູນ​ອິດ­ສະ­ຫຼະ ແລະ​ຊ່ວຍ​ຫຼຸດ​ຄວາມ​ສ່ຽງ​ຂອງ​ການ​ເກີດ​ພະ­ຍາດ​ມະ​ເຮັງ ບຳ­ລຸງ​ຜິວ​ພັນ​ໃຫ້​ຊຸ່ມ​ຊື່ນ ນອກ​ນັ້ນ ຍັງ​ຊ່ວຍ​ໃຫ້​ຊຸ່ມ​ຄໍ ແລະ​ຜ່ອນ­ຄາຍ​ຄວາມ​ຮ້ອນ​ໄດ້​ເປັນ​ຢ່າງ​ດີ.

ໝາກ​ໜອດ ຊ່ວຍ​ຫຼຸດ​ໄຂ­ມັນ​ໃນ​ເລືອດ ຢັບ​ຢັ້ງ​ການ​ຈະ­ເລີນ​ເຕີບ​ໂຕ​ຂອງ​ເຊື້ອ​ເຫັດ ແກ້​ອາ­ການ​ນອນ​ບໍ​ຫຼັບ ປິ່ນ­ປົວ​ພະ­ຍາດ​ພົກ​ຢ່ຽວ​ອັກ­ເສບ​ແລະ​ອຸ­ດົມ​ໄປ​ດ້ວຍ​ວິ­ຕາ­ມິນ​ຊີ ຈຶ່ງ​ສາ­ມາດ​ປ້ອງ​ກັນ​ເປັນ­ຫວັດ​ໄດ້​ອີກ​ດ້ວຍ. ຂີງ ເປັນ​ສະ​ໝຸນ​ໄພ​ທີ່​ມີ​ລົດ​ຊາດ​ເຜັດ​ຮ້ອນ ຈຶ່ງ​ຊ່ວຍ​ກະ​ຕຸ້ນ​ການ​ລະ­ລາຍ​ຂອງ​ໄຂ­ມັນ ແລະ​ຫຼຸດ​ຄໍ​ເລ​ສ​ເຕີ​ຣໍ​ລ​ໄດ້​ເປັນ​ຢ່າງ​ດີ ຊຶ່ງ​ສາ­ມາດ​ຮັບ​ປະ­ທານ​ແບບ​ສົດໆ ຫຼື ນຳ­ໄປ​ຕົ້ມ​ນ້ຳ​ດື່ມ ແລະ​ຊົງ​ເປັນ​ຊາ​ກໍ​ໄດ້ ນອກ­ຈາກ​ນີ້ ຂິງ​ຍັງ​ຊ່ວຍ​ບັນ­ເທົາ​ອາ­ການ​ປວດ​ໄມ​ເກຣນ ແລະ​ບັນ­ເທົາ​ອາ­ການ​ປວດ­ຮາກ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.