ສັບພະຄຸນໝາກແຕງກັບການຮັກສາໜິ້ວໝາກໄຂ່ຫຼັງ

   ໝາກ­ແຕງ​ເປັນ​ຜັກ​ທີ່​ມີ​ຢູ່​ໃນ​ເກືອບ​ທຸກ​ຄົວ​ເຮືອນເພາະ​ເຮົາ​ມັກ​ນຳ​ມາ​ເປັນ​ເຄື່ອງ​ກັບ​ອາ­ຫານ​ຕ່າງໆ​ແຕ່​ມີ​ໃຜ ແນ່​ທີ່​ຮູ້​ວ່າ​ໝາກ­ແຕງ​ມີ​ນ້ຳ​ເປັນ​ອົງ​ປະ­ກອບ​ເຖິງ 96% ມີ​ຄຸນສົມ­ບັດ​ແກ້​ອາ­ຫານ​ຫິວ​ນ້ຳ​ເພີ່ມ​ຄວາມ​ຊຸ່ມ​ຊື່ນ ແລະ​ຊ່ວຍ​ກຳ­ຈັດ​ຂອງ​ເສຍ​ທີ່​ຕົກ​ຄ້າງ​ໃນ​ຮ່າງກາຍ ນອກ­ຈາກ​ນັ້ນ­ແລ້ວ​ຍັງ​ສາ­ມາດ​ຮັກ­ສາ​ຜູ້​ທີ່​ເປັນ​ໜິ້ວ​ໝາກ​ໄຂ່­ຫຼັງ​ທີ່​ຈະ​ຕ້ອງ​ກຽມ​ຜ່າ ຕັດ​ອີກ ແລະ​ມື້­ນີ້ ເຮົາ​ກໍ​ມີ​ສູດ​ຕຳ­ລາ​ຢາ​ແກ້​ໜິ້ວ​ໝາກ​ໄຂ່­ຫຼັງ​ດ້ວຍ​ໝາກ­ແຕງ​ມາ​ຝາກ ພຽງ​ແຕ່​ຈະ​ຕ້ອງ​ກະ­ກຽມ​ວັດ­ຖຸ​ດິບ​ດັ່ງ​ຕໍ່​ໄປ​ນີ້:

    ສ່ວນ​ປະ­ສົມ: ໝາກ­ແຕງ​ຄວາມ​ຍາວ​ຂະ­ໜາດ 1 ຄືບ, ຫີນ​ສົ້ມ​ຕຳ​ລະ­ອຽດ 1 ບ່ວງ​ກາ­ເຟ​ລົ້ນໆ , ນ້ຳ­ອ້ອຍ ສົດ ະ ຈອກ​ນ້ອຍ, ນ້ຳ­ໝາກ​ນັດ​ສົດ ະ ຈອກ​ນ້ອຍ ວິ­ທີ​ເຮັດ​ແມ່ນ​ຕັດ​ຂວັ້ນ​ໝາກ­ແຕງ​ອອກ​ຂ້າງ​ໜຶ່ງ​ຄວັດ​ເອົາໃນ​ອອກ​ແລ້ວ​ໃສ່​ຫີນ​ສົ້ມ​ລົງ​ໄປ​ຫໍ່​ດ້ວຍ​ເຈ້ຍ​ຝອຍ​ນຳ­ໄປ​ປິ້ງ​ເທິງ​ເຕົາ​ຖ່ານ​ໃນ​ແນວ​ຕັ້ງ​ໃຫ້​ສາ­ມາດ​ແນມ​ເຫັນ ທາງ​ໃນ​ໄດ້​ວ່າ​ຫີນ​ສົ້ມ ແລະ​ນວນ​ໝາກ­ແຕງ​ລະ­ລາຍ​ເປັນ​ນ້ຳ​ແລ້ວ ຫຼື ບໍ່​ຖ້າ​ລະ­ລາຍ​ແລ້ວ​ກໍ​ນຳ​ອອກ​ມາ​ປະ​ໄວ້ ໃຫ້​ເຢັນ​ແລ້ວ​ຄັ້ນ​ເອົາ​ນ້ຳ​ໝາກ­ແຕງ​ມາ​ເກັບ​ໄວ້​ເວ­ລາ​ຈະ​ດື່ມ​ກໍ​ພຽງ​ແຕ່​ນຳ​ນ້ຳ​ໝາກ­ແຕງ 1 ບ່ວງ​ກາ­ເຟ​ປະ­ສົມ ກັບ​ນ້ຳ­ໝາກ​ນັດ ແລະ​ນ້ຳ­ອ້ອຍ​ຕາມ​ອັດ­ຕາ​ສ່ວນ​ຂ້າງ​ເທິງ​ນັ້ນ​ຄົນ​ໃຫ້​ເຂົ້າ­ກັນ​ດື່ມ​ກ່ອນ​ອາ­ຫານ 20- 30 ນາ­ທີ 3 ຄັ້ງ ເຊົ້າ, ທ່ຽງ ແລະ​ແລງ ຕິດ­ຕໍ່​ກັນ 2-3 ອາ­ທິດ ຈະ​ສັງ­ເກດ​ເຫັນ​ວ່າ​ນ້ຳ​ຍ່ຽວ​ມີ​ເສດ​ໜິ້ວ​ຄ່ອຍໆ​ຫຼຸດ​ອອກ​ມາ​ເທື່ອລະ​ໜ້ອຍ​ຂໍ້​ແນະ­ນຳ​ສູດ​ນີ້​ໃຊ້​ເວ­ລາ​ຮັກ­ສາ​ປະ­ມານ​ເດືອນ​ກວ່າໆ​ໂດຍ​ບໍ່​ຈຳ­ເປັນ​ຕ້ອງ​ກິນ​ຢາ​ອື່ນໆ​ຮ່ວມ​ດ້ວຍ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.