ສິງກະ​ໂປ​ຈະ​ຍົກ​​​ການປາບ​ປາມຢາ​ເສບ​ຕິດ​ເປັນ​ນະ​ໂຍບາຍ​ແຫ່ງ​ຊາດ

ທ່ານ ​ເຄ ຊຳ​ມູກຳ ລັດຖະມົນຕີ​ປ້ອງ​ກັນ​ປະ​ເທດ ​ແລະ ລັດຖະມົນຕີ​ຍຸຕິ​ທຳ​ຂອງ​ສິງກະ​ໂປ​ຖະ​ແຫຼ​ງຕໍ່​ລັດຖະສະພາ​ວ່າ ລັດຖະບານ​ຈະ​ຮັກສາ​ຈຸດ​ຍືນ ​ແລະ ​ເພີ່ມ​ຄວາມ​ພະຍາຍາມ​ປາບປາມ​ຢາ​ເສບ​ຕິດ ​ໂດຍ​ຖື​ເປັນ​ນະ​ໂຍບາຍ​ລະດັບ​ຊາດ.

ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຊັນ​ມູກຳ​ຖະ​ແຫຼ​ງປິດ​ກອງ​ປະຊຸມ​ສະພາ​ໃນ​ວັນ​ທີ 04 ​ເມສາ​ທີ່​ຜ່ານ​ມາ​ວ່າ ລັດຖະບານ​ຈະ​ທົບ​ທວນ​ຍຸດ​ທະ​ສາດ​ເພື່ອ​ຮັບ​ມື​ກັບ​ຄວາມ​ທ້າ​ທາຍ​ໃໝ່ໆ ​ແລະ ​ເຮັດ​ໃຫ້​ກົງ​ກັບ​ເປົ້າ​ໝາຍ​ຫຼາຍ​ຂຶ້ນ ດ້ວຍ​ການ​ແຍກ​ລະ​ຫວ່າງ​ຜູ້​ຄ້າ ​ແລະ ຜູ້​ເສບ ລວມທັງ​ຈະ​ໃຊ້​ວິທີ​ການ​ອ້າງ​ອິງ​ຂໍ້​ມູນ ​ແລະ ວິທະຍາສາດ​ເປັນ​ຫຼັກ ຄວາມ​ທ້າ​ທາຍ​ທຳ​ອິດ​ຄື ປະລິມານ​ຢາ​ເສບ​ຕິ​ມີ​ຫຼາຍ​ຂຶ້ນ ​ເພາະ​ກຸ່ມ​ຜູ້​ຄ້າ​ຢາ​ເສບ​ຕິດ​ສວຍ​ປະ​ໂຫຍ​ດຈາກ​ທີ່​ຕັ້ງ​ຂອງ​ສິງກະ​ໂປ ຢູ່​ໃກ້ກັບ​ວາ​ມຫຼ່ຽມຄຳ, ​ແຫຼ່ງຜະລິດ​ກັນຊາ​ອັນ​ດັບ 2 ຂອງ​ໂລກ ​ແລະ ​ເປັນ​ສູນ​ກາງ​ການ​ຄົມມະນາຄົມ, ຄວາມ​ທ້າ​ທາຍ​ທີ່​ສອງຄື ການ​ຄ້າ​ຢາ​ເສບ​ຕິດ​ອອນ​ລາຍ​ເຮັດ​ໃຫ້​ຕິດຕາມ​ທີ່​ມາ​ທີ່​ໄດ້​ຍາກ​ຂຶ້ນ ​ແລະ ຄວາມ​ທ້າ​ທາຍ​ທີ​ສາມ​ຄື ມີ​ສານ​ເສບ​ຕິດ​ຊະນິດ​ໃໝ່​ຫຼາຍ​ຂຶ້ນ ​ເພາະ​ຜູ້​ຄ້າ​ນຳ​ໄປ​ປະສົມ​ກັບ​ສານ​ອື່ນໆ​ເພື່ອ​ຫຼຸດ​ຕົ້ນ​ທຶນ.

ທ່ານ ຊັນ​ມູກຳ​ສັງ​ເກ​ດວ່າ ມີ​ຄົນ​ສິງກະ​ໂປ​ລອງ​ຢາ​ເສບ​ຕິດ​ຫຼາຍ​ຂຶ້ນ ​ເພາະ 40% ຂອງ​ຜູ້​ຖືກ​ຈັບ​ກຸມ​ໃນ​ປີ​ກ່ອນ​ອາຍຸ​ບໍ່​ຮອດ 30 ປີ, ​ເປັນ​ນັກຮຽນ​ນັກ​ສຶກສາ, ຄົນ​ເຮັດ​ວຽກ​ດີ​ມີ​ການ​ສຶກສາ​ດີ ຂະນທີ່ 83% ຂອງ​ຜູ້​ຖືກ​ຄັງ​ເປັຍ​ຜູ້​ເສບຫຼື​ມີ​ປະຫວັດ​ເສບ​ຢາ​ມາ​ກ່ອນ ທ່ານ​ສະ​ເໜີ​ໃຫ້​ດຳ​ເນີນ​ມາດ​ຕະການ​ຫຼາຍ​ຢ່າງ​ໄປ​ພ້ອມໆ​ກັນ​ຄື ການ​ໃຫ້ການ​ສຶກສາ​​ເພື່ອ​ປ້ອງ​ກັນ​ຕັ້ງ​ແຕ່​ຕອນ​ເປັນ​ນັກຮຽນ, ຂະນະ​ດຽວ​ກັນ​ຕ້ອງ​ຕ້ອງ​ເລັ່ງສ້າງ​ກຸ່ມ​ອາສາ​ຕໍ່ຕ້ານ​ຢາ​ເສບ​ຕິດ​ທັງ​ລະດັບ​ບຸກຄົນ ​ແລະ ອົງ​ກອນ, ​ແບບ​ທີ່​ສອງ​ຄື​ໃຊ້​ກົດໝາຍ​ຢ່າງ​ເຂັ້ມ​ງວດ ​ແລະ ຈິງ​ຈັງ ຮ່ວມ​ມື​ກັບ​ໜ່ວຍ​ງານ​ຕ່າງປະ​ເທດ​ກວາດ​ລ້າງ​ການ​ຄ້າ​ຢາ​ເສບ​ຕິດ​ອອນ​ລາຍ ​ແບບ​ທີ່​ສາມຄື​ການ​ບຳບັດ​ຜູ້​ເສບ​ຕິດ ​ແລະ ສຸດ​ທ້າຍ​ຄື ຄອບຄົວ ​ແລະ ຊຸມ​ຊົນ​ຕ້ອງ​ຊ່ວຍ​ສະໜັບສະໜູນ​ໃຫ້​ຜູ້​ເສບ​ໄດ້​ເລີ່​ມຕົ້ນ​ຊີວິດ​ໃໝ່.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.