ສິງກະ​ໂປ​ເລັ່ງປັບ​ລະບົບ​ກາ​ນສຶກສາ

ທ່ານ ອອງ ຍີ່​ຄັງ ລັດຖະມົນຕີ​ວ່າການ​ກະຊວງ​ການ​ສຶກສາ​ທິການສິງກະ​ໂປ​ກ່າວ​ວ່າ ລະບົບ​ການ​ສຶກສາ​ສິງກະ​ໂປກຳ​ລັງ​ເຂົ້າ​ສູ່​ການ​ປ່ຽນ​ແປງ​ຢ່າງ​ທົ່ວ​ເຖິງ ​ເພື່ອ​ກຽມ​ຄວາ​ມພ້ອມ​ສຳລັບ​ເຍົາ​ວະ​ຊົນ​ທີ່​ຈະ​ຕ້ອງ​ປະ​ເຊີນ​ການ​ປ່ຽນ​ແປງ​ຂອງ​ໂລກ​ໃນ​ອະ​ນະ​ຄົດ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ອອງກ່າວ​ວ່າ ຄອມ​ພິວ​ເຕີ​ບໍ່​ໄດ້​ມີ​ຮູບ​ແບບ​ທີ່​ປ່ຽນ​ແປງ​ໄປ​ແຕ່​ຂ້າງ​ໃນ​ຂອງ​ມັນ ລະບົບ​ປະຕິບັດ​ງານ​ຕ່າງຫາກ​ທີ່​ປ່ຽນ, ຄອມ​ພີ​ວ​ເຕີມີ​ຂັ້ນ​ຕອນ​ວິທີ​ທີ່​ປ່ຽນ​ໄປ ​ໂດຍ​ພາບ​ລວມທີ່​ກະຊວງ​ສຶກສາ​ທິການ​ຫາລື​ນັ້ນ​ຄື ການ​ປັບ​ປ່ຽນ​ທີ່​ທົ່ວ​ເຖິງ​ໃນ​ການ​ສຶກສາ​ຕໍ່ໜ້າ ​ເໜືອ​ນກັບ​ລະບົບ​ຂອງ​ຄອມ​ພີ​ວ​ເຕີ​ນັ້ນ​ເອງ. ຂ້ອຍ​ບໍ່​ສາມາດ​ຈະ​ຫາ​ເງິນ​ເປັນ​ຕື້​ໂດ​ລາ​ສະຫະລັດ​ມາ​ປັບ​ປ່ຽນ​ລະບົບ​ການ​ສຶກສາ​ຄັ້ງ​​ໃຫຍ່​ໄດ້ ​ແລະ ຂ້ອຍ​ບໍ່​ສາມາດ​ຈະ​ສ້າງ​ໂຮງຮຽນສາລະພັດ​ຊ່າງ​ຫຼື​ສ້າງ​ມະຫາວິທະຍາ​ໄລ​ເພີ່ມ​ໄດ້ ​ແຕ່​ຂ້ອຍ​ສາມາດ​ປັບ​ປ່ຽນ​ສິ່ງ​ທີ່​ເຮົາ​ກຳລັງ​ເຮັດ​ຢູ່​ໄດ້ ​ເຮົາ​ຈະ​ຕ້ອງ​ເປີດ​ເຜີຍ​ຕົວ​ຕົນ ​ແລະ ຄວາມ​ສາມາດ​ຂອງ​ເດັກນ້ອຍ​ໃຫ້​ຫຼາຍ​ຂຶ້ນ, ພັດທະນາ​ພວກ​ເຂົາ, ຊຸກຍູ້​ໃຫ້​ພວກ​ເຂົາ​ໄດ້​ໃຊ້​ຄວາມ​ສາມາດ​ຢ່າງ​ເຕັມທີ່.

ທ່ານ​ອອງ ກ່າວ​ຕື່ມ​ວ່າ ​ໄດ້​ວາງ​ແຜນ​ສຳລັບ​ການ​ຢື່ນ​ແຜນການ ​ແລະ ງົບປະມານ​ຕໍ່​ລັດ​ສະພາ​ໃນ​ກາງ​ປີ​ທີ່​ຈະ​ເຖິງ ​ເພື່ອ​ປັບ​ໂຄງ​ສ້າງ​ມະຫາວິທະຍາ​ໄລ​ຊິ​ມຫຼື​ມະຫາວິທະຍາ​ໄລ​ເອກະ​ຊົນ​ໃຫ້​ກາຍ​ເປັນ​ມະຫາວິທະຍາ​ໄລ​ອິດສະຫຼະ​ແຫ່ງ​ທີ່ 6 ຂອງ​ສິງກະ​ໂປ, ພ້ອມ​ທັງ​ຕ້ອງການ​ຈະ​ມອບ​ລາງວັນ​ໃຫ້​ພວກ​ເຂົາ ​ເພື່ອ​ເຮັດ​ໃຫ້​ພວກ​ເຂົາ​ພັດທະນາ​ຕົວ​ເອງ​ຈົນ​ໄດ້​ຮັບ​ລາງວັນ​ສຳລັບ​ຜູ້​ທີ່​ມີ​ຄຸນສົມບັດ​ຄົບ​ຖ້ວນ​ໃນ​ປີ​ຖັດ​ໄປ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.