ສິນຄ້າ​​ມີ​ຍີ​ຫໍ້​ເຢຍລະ​ມັນ​ໄດ້​ຮັບ​ຄວາມ​ໜ້າ​ເຊື່ອ​ຖື​ສູງ​ສຸດ

Statista ​ເປີດ​ເຜີຍ​ດັດຊະນີ Made-In-Country ຊຶ່ງ​ລຽນ​ຕາມ​ລຳດັບ​ແຫຼ່ງຜະລິດ​ສິນຄ້າ 52 ປະ​ເທດ​ທີ່​ໄດ້​ຮັບ​ຄວາມ​ໄວ້​ວາງ​ໃຈ​ຈາກ​ຜູ້​ບໍ​ລິ​ໂພ​ກຫຼາຍ​ທີ່​ສຸດ ຜົນສຳ​ຫຼວດປະກົດ​ວ່າ ສິນຄ້າ​ທີ່​ມີ​ຍີ​ຫໍ້​ເຢຍລະ​ມັນ​ໄດ້​ຮັບ​ຄວາມ​ນິຍົມ​ສູງ​ສຸດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຈາກ​ການ​ສຳ​ຫຼວດຜູ້​ບໍລິ​ໂພ​ກ 43 ພັນ​ຄົນ​ທົ່ວ​ໂລກ​ພົບ​ວ່າ ສິນຄ້າ​ທີ່​ຜະລິດ​ຢູ່​ໃນ​ເຢຍລະ​ມັນ​ໄດ້​ຮັບ​ຄວາມ​ໄວ້​ວາງ​ໃຈ​ສູງ​ສຸດ​ອັນ​ດັບ 1, ​ສະ​ວິດຕິດ​ອັນ​ດັບ 2, ສະຫະພາບ​ເອີຣົບອັນ​ດັບ 3 ​ແລະ ອັງກິດ​ອັນ​ດັບ 4 ຂະນະ​ທີ່​ອາ​ເມ​ລິ​ກາ, ຍີ່ປຸ່ນ ​ແລະ ຝຣັ່ງຢູ່​ອັນ​ດັບ 10 ສ່ວນ​ສິນຄ້າ​ທີ່​ຜະລິດ​ຢູ່​ສປ ຈີນ​ໄດ້​ຮັບ​ຄວາມ​ນິຍົມ​ນ້ອຍ​ສຸດ, ຊຶ່ງ​ການຈັດ​ອັນ​ດັບ​ຄັ້ງ​ນີ້ ປະ​ເມີນ​ເກນ​ດ້ານ​ຄຸນ​ນະພາ​ບ, ຄວາມ​ເປັນ​ເອກະລັກ, ອອກ​ແບບ​ເຕັກ​ໂນ​ໂລ​ຊີ​ຂັ້ນ​ສູງ ​ແລະ ຄວາມ​ເປັນ​ຂອງ​ແທ້ ​ໂດຍ​ສິນຄ້າ​ທີ່​ຜະລິດ​ໃນ​ອິຕາ​ລີ​ໄດ້​ຮັບ​ການຈັດ​ອັນ​ດັບ​ສູງ​ສຸດ​ໃນ​ດ້ານ​ເອກະລັກ​ສະ​ເພາະ​ຕົວ ​ແລະ ການ​ອອກ​ແບບ. ຊຶ່ງ​ຜູ້​ຕອບ​ແບບ​ສຳ​ຫຼວດ 53% ​ໃຫ້​ຄະ​ແນນ​ດ້ານ​ເຕັກ​ໂນ​ໂລ​ຊີ​ຂັ້ນ​ສູງ​ໃຫ້​ກັບ​ຍີ່ປຸ່ນ, ກາ​ນາ​ດາ​ໄດ້​ຮັບ​ຄວາມ​ນິຍົມ​ຈາກ​ຜູ້​ບໍລິ​ໂພ​ກຫຼາຍ​ທີ່​ສຸດ​​ໃນ​ດ້ານ​ຄວາມ​ຍືນ​ຍົງ​ໃນ​ການ​ຜະລິດ.

ທັງ​ນີ້ ອາ​ເມ​ລິ​ກາ​ຕິດ​ອັນ​ດັບ 10 ​ໃນ​ການຈັດ​ອັນ​ດັບ​ຄັ້ງ​ນີ້ ​ແຕ່​ລາຍ​ງານ​ປະຊາກອນ​ຫຼາຍ​ປະ​ເທດ​ນິຍົມ​ສິນຄ້າ​ອາ​ເມ​ລິ​ກາ​ເຊັ່ນ: ບຣາຊິນ, ອາກຊັງ​ຕິນ, ອິນ​ເດຍ, ຈີນ, ອາ​ເມ​ລິ​ກາ ​ແລະ ກາ​ນາ​ດາ ​ໂດຍ​ຈີນ​ຊື້​ສິນຄ້າ​ທີ່​ຜະລິດ​ໃນ​ອາ​ເມ​ລິ​ກາ​ຫຼາຍ​ທີ່​ສຸດ 3,6 ຮ້ອຍຕື້​ໂດ​ລາ​ສະຫະລັດ​ໃນ​ປີ 2015 ສ່ວນ​ເມັກ​ຊິກ​ ​2,3 ຮ້ອຍ​ຕື້​ໂດ​ລາ ແລະ ກາ​ນາ​ດາ​ນຳ​ເຂົ້າ​ສິນຄ້າ​ອາ​ເມ​ລິ​ກາ 2,8 ຮ້ອຍ​ຕື້​ໂດ​ລາ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.