ສີເມືອງວົງ ທຸລະກິດຈຳໜ່າຍຊີ້ນງົວນຳເຂົ້າຈາກອົດສະຕຣາລີ

ບໍລິສັດ ສີເມືອງວົງ ການຄ້າ ຈຳກັດຜູ້ດຽວເຫັນເຖິງຄວາມສຳຄັນໃນການບໍລິໂພກຂອງປະຊາຊົນດັ່ງນັ້ນທາງບໍລິສັດຈິ່ງນຳຊີ້ນງົວຈາກອົດສະຕາລີມາຈຳໜ່າຍເພື່ອໃຫ້ຄົນລາວໄດ້ກິນຊີ້ນດີມີຄຸນນະພາບພຽງຈຳໜ່າຍມາເດືອນກວ່າກໍ່ສາມາດໄດ້ຄວາມຕອບຮັບຈາກສັງຄົມເປັນຈຳນວນຫຼາຍໃນຊ່ວງໄລຍະເປີດໃໝ່ແມ່ນມີໂປໂມຊັ້ນສ່ວນຫຼຸດ 5% ຫາ 10% ຈົນຮອດທ້າຍປີ.

ທ່ານ ວັນໂນລິດ ສີເມືອງວົງ ຜູ້ອຳນວຍການບໍລິສັດ ສີເມືອງວົງ ການຄ້າ ຈຳກັດຜູ້ດຽວ ໃຫ້ສຳພາດຕໍ່ທີມຂ່າວເສດຖະກິດ-ສັງຄົມ ໃຫ້ຮູ້ວ່າ: ກ່ອນ ນຳຊີ້ນງົວອົດສະຕາລີມາຈຳໜ່າຍຕະຫຼາດລາວແມ່ນຕົນເອງຮູ້ຈັກກັບໝູ່ຄົນອົດສະຕາລີ ແລະ ໄດ້ຮັບການເນາະນຳຮຽນຮູ້ກ່ຽວກັບຊີ້ນ ແລະ ອີກຢ່າງລາວເຮົາຍັງສະໜອງຊີ້ນບໍ່ທັນໄດ້ຕາມຄວາມຕ້ອງການຕະຫຼາດຫຼັງຈາກນັ້ນຈິ່ງເກີດມີຄວາມສົນໃຈ ແລະ ໄປສຶກສາຕົວຈິງຢູ່ໂຮງງານໃຫຍ່ທີ່ປະເທດອົດສະຕາລີ ແລະເລີ່ມນຳມາຈຳໜ່າຍນັບແຕ່ເດືອນເມສາ 2017 ຈຳໜ່າຍໃນນະຄອນຫຼວງວຽງຈັນເກືອບ 6 ຮ້ານກໍ່ຖື ວ່າໄດ້ຮັບຄວາມສົນໃຈ ແລະຕອບຮັບ ເປັນຢ່າງດີ.

ສຳລັບການນຳເຂົ້າແມ່ນຜ່ານຊາຍ ແດນລາວ-ກຳປູເຈຍ ແລະຈຳໜ່າຍແມ່ນ ມີທຸກຊິ້ນສ່ວນຂອງງົວ ປະຈຸບັນຖືວ່າລູກຄ້າເລີ່ມໃຫ້ຄວາມສົນໃຈຫຼາຍຂຶ້ນມື້ໜຶ່ງສາມາດຂາຍໄດ້ 30-40 ກິໂລ ນອກ ນັ້ນຍັງມີຊີ້ນແຮໄວ້ 7 ໂຕນ ຂະນະທີ່ໃນຕໍ່ໜ້າຈະມີແຜນແປຮູບຊີ້ນໃຫ້ເປັນຜະລິດ ຕະພັນສຳເລັດຮູບອອກຈຳໜ່າຍ ແລະແຜນແມ່ນຈະຂະຫຍາຍສາຂາຈຳໜ່າຍແມ່ນເອົາລົງຕາມຮ້ານຊຸບເປີມາເກັດ, ເອັມພອຍມາກ, ໂຮງແຮມ.

ທ່ານ ວັນໂນລິດ ສີເມືອງວົງ ໃຫ້ຮູ້ຕື່ມວ່າ: ສຳລັບການແຂ່ງຂັນທາງທຸລະກິດຖືວ່າບໍ່ເປັນບັນຫາຖ້າຫາກຜູ້ປະກອບການດ້ວຍກັນນຳຊີ້ນຖືກຕ້ອງຕາມລະບຽບກົດໝາຍມາຈຳໜ່າຍ ເພາະສິນຄ້າຂອງເຮົາແມ່ນມາດຕະຖານໄດ້ການຮັບຈາກຕ່າງປະເທດແຕ່ກໍ່ເກີດມີຄວາມສ່ຽງມີກຸ່ມຄົນທີ່ນຳເຂົ້າຊີ້ນບໍ່ຖືກຕ້ອງ ຊຶ່ງອາດຈະສົ່ງຜົນກະທົບຕໍ່ລາຄາ.

ແນວໃດກໍ່ດີ ຊີ້ນທີ່ນຳມາຈຳໜ່າຍຖືໄດ້ວ່າແມ່ນຊີ້ນດີມີຄຸນນະພາບຊຶ່ງລາຄາກໍ່ພໍສົມເຫດສົມຜົນໂດຍເລີ່ມຈາກ 50 ພັນກີບຕໍ່ກິໂລຂຶ້ນໄປສະນັ້ນຖ້າພໍ່ແມ່ປະຊາຊົນຄົນໃດສົນໃຈກໍ່ສາມາດຕິດຕໍ່ ພົວພັນ ຫຼື ຢາກເປັນຕົວແທນຈຳໜ່າຍກໍ່ສາມາດມາປຶກສາກັນໄດ້ທີ່ຫ້ອງການບໍລິສັດຕັ້ງຢູ່ ບ້ານສີຊົມຊື່ນ ເມືອງສີໂຄດຕະບອງນະຄອນຫຼວງວຽງຈັນ ຫຼື ໝາຍເລກໂທລະສັບ 020 55507112, 030 5723216.

ຂ່າວ: ເສດຖະກິດ-ສັງຄົມ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.