ສີ​ຜິວ​ບອກ​ສຸຂະພາບ

ຜິວ​ພັນສະ​ແ​ດງ​ໃຫ້​ເຫັນ​ເຖິງ​ຄວາມ​ແຂງ​ແຮງ​ຂອງ​ສຸຂະພາບ​ກາຍ ​ແຕ່​ຖ້າ​ວ່າ​ສີ​ຜິວ​ຂອງຄົນ​ເຮົາ​ປ່ຽນ​ໄ​ປ ກໍ​ໝາຍ​​ເຖິງ​ມີ​ສະພາບ​ຜິດ​ປົກກະຕິ​ເກີດ​ຂຶ້ນຢູ່​ພາຍ​ໃນ ຫຼື ມີ​ພະຍາດ​ຮ້າຍ​ແຊກ​ຊ້ອນ​ ຊຶ່ງເຮົາ​ມາ​ຊອກ​ຮູ້​ສາ​ເຫດການ​ປ່ຽນ​ແປງ​ຂອງ​ສີ​ຜິວ​ເພື່ອ​ປ້ອງ​ກັນ​ອັນຕະລາຍ​ກ່ອນ​ຈະ​ສວາຍ​​ເກີນ​ແກ້.

ຜິວ​ດຳ​ຄ້ຳ​​ແບບ​ບໍ່​ມີ​ສາ​ເຫດ  ຫາກ​ສັງ​ເກດ​​ເຫັນວ່າ​ຜິວໜັງ​ມີ​ສີ​ດຳ​ຂຶ້ນ​ເລື້ອຍໆ​ໂດຍ​ບໍ່​ມີສາ​ເຫດ​ເຊັ່ນ ບໍ່​ໄດ້​ຖືກ​ແດດ​ຈັດ ຍິ່ງ​ຖ້າ​ບໍລິ​ເວນ​​ແກ້ມ ຮ່ອງ​ເສັ້ນລາຍ​ມື ​ເກີດ​ມີ​ສີດຳ​ຄ້ຳ ຫຼື ຮ່ອງຮອຍ​ແຜ​ເປັນ​ຕ່າງໆ ຫາກ​ມີ​ສີດຳ​ຂຶ້ນ​ເລື້ອຍໆ​ກໍ​ອາດ​ເກີດ​ຈາກ​ການ​ຮັບ​ປະທານ​ຢາ​ຫຼຸດ​ຄວາມດັນ ຂະນະ​ດຽວ​ກັນ ກໍ​ອາດ​ບົ່ງ​ຊີ້​ເຖິງ​ພະຍາດກ່ຽວ​ກັບ​ໝາກ​ໄຂ່ຫຼັງ ​ແລະ​ອື່ນໆ ຊ່ຶງ​ຄວນ​ໄປ​ປຶກສາ​ແພດ​​ໂດຍ​ດ່ວນ!.

ຜິວ​ປ່ຽນ​ເປັນ​ສີ​ເຫຼືອງ  ຫາກ​ສັງ​ເກດ​​ເຫັນ​ວ່າສະພາບ​ຜິວ​ພັນ​​ເລີ່​ມປ່ຽນເປັນ​ສີ​ເຫຼືອງ​​ເມີ້ນ​ລົງ​ເລື້ອຍໆ​ອາດ​ເປັນ​ສັນຍານ​ບົ່ງ​ບອກ​ວ່າ​ຕັບ​ກຳລັງ​ມີ​ອາການ​ອັກ​ເສບ ຍິ່ງ​ຖ້າ​ຕາຂາວ​ຜິດ​ປົກກະຕິ​ກໍ​ໃຫ້​ປຶກສາ​ແພດ​ຜູ້ຊ່ຽວຊານ​ໂດຍ​ດ່ວນ ​ແຕ່​ຫາກ​ມີ​ພຽງ​ຝ່າມື ​ແລະ​ຝ່າ​ຕີນ​ເຫຼືອງ ​ແຕ່​ຕາ​ຍັງ​ມີ​ສີ​ປົກກະຕິ​ດີກໍ​ຢ່າ​ຟ້າວ​ຕົກ​ໃຈ ກໍລະນີ​ເ​ຊັ່ນ​ນີ້​ອາດ​ເກີດຈາກ​ການ​ຮັບ​ປະທານ​ໝາກ​ໄມ້​ສີ​ເຫຼືອງ​ຫຼາຍ​​ເກີນ​ໄປ​ເຊັ່ນ ໝາກຫຸ່ງ  ​ໝາກອຶ ​ເປັນຕົ້ນ ຊຶ່ງ​ສານ​​ແຄ​ໂຣທີ​ນທີ່​ມີ​ຢູ່​ໃນ​ໝາກ​ໄມ້​ເຫຼົ່ານີ້​ຈະ​ສົ່ງ​ຜົນ​ໃຫ້​ສະພາບ​ຜິວ​ປ່ຽນ​ແປງ.

ເກີດ​​ເປັນ​ເມັດ​ຂາວໆ​  ​ຫາກ​ສັງ​ເກດ​​ເຫັນ​ວ່າ​ຜິວ​ເກີດ​ເປັນ​ດອກ​ສີຂາວນ້ອຍໆ​ ​ແລະເປ​ັນສີຂາວ ຄ້າຍຄື​ເຈ້ຍ​ຂາວ​ຊັດ​ເຈນ​ຢູ່​ບໍລິ​ເວນ​ໃບ​ໜ້າ ​ແຂນ ຂາ ​ຮອບ​ດວງ​ຕາ ຮີມ​ສົບ ຫຼື ລຳ​ຕົວ ອາດ​​ເປັນ​ອາ ການ​ຂອງ​ພະຍາດ​ດ່າງ-ຂາວ ຊຶ່​ງ​ເກີດ​ຈາກ​ເຊ​ລ​ເມັດ​ສີ​ຖືກ​ທຳລາຍກໍ​ຄວນ​ປຶກສາ​ແພດ​ໂດຍ​ດ່ວນ.

ຜິວ​ແຫ້ງ-​ແຕກ​​ເປັນຕາ  ​ເມື່ອອາຍຸ​ເພີ່ມ​ຂຶ້ນ ກໍ​ຈະ​ມີ​ພາວະ​ຜິວ​​ແຫ້ງ ຊຶ່ງ​ເປັນ​ສັນຍານ​ບອກ​ວ່າ​ຮ່າງກາຍ​ຂາດ​ສານ​ອາຫານຈຳ​ເປັນ​ບາງ​ຊະນິດ​ເຊັ່ນ ກົດ​ໄຂມັນ​ ຫຼື ອາດ​ເປັນ​ພະຍາດ​ມະ​ເຮັງ​ຕ່ອມ​ນ້ຳ​ເຫຼືອງ ລວມ​ເຖິງການ​ຕິດ​ເຊື້ອ​ບາ​ງຢ່າງ ​ຊຶ່ງ​ໃນ​ເບື້ອງ​ຕົ້ນຜູ້​ຊ່ຽວຊານ​ແນະນຳ​ໃຫ້​ບຳລຸງ​ຜິວ​ເພື່ອ​ເກີດ​ຄວາມ​ຊຸ່ມ​ຊື່ນ ຢຸດ​ການ​ອາບ​ນ້ຳ​ອຸ່ນ ​ແລະ​ຢຸດ​ໃຊ້​ສະບູ​ທີ່ອອກ​ລິ​ດ​ເປັນດ່າງ​ສູງ ​ພ້ອມ​ນີ້ ກໍ​ຄວນ​ສັງ​ເກດ​ຮ່າງກາຍ​ວ່າ​ມີ ກ້ອນ​ຜິດ​ປົກກະຕິ​ເກີດ​ຂຶ້ນຢູ່​ບໍລິ​ເວນ​ຄໍ ຂີ້​ແຮ້ ຫຼື ຂາ​ໜີບ ຖ້າ​ຫາກ​ມີ​ກ້ອນ​ແຕ່​ບໍ່​ເຈ​ັບກໍ​ອາດ​ສ່ຽງ​ເປັນ​ມະ ​ເຮັງ ​ແຕ່​ຖ້າ​ເຈັບ​ກໍ​ອາດ​ເກີດ​ຈາກ​ການ​ຕິ​ດ​ເຊື້ອ.

ຜົມ​ຫຼົ່ນ  ​​ໂດຍ​ປົກກະຕິ​​ແລ້ວຜົມ​ຂອງຄົນ​ເຮົາ​ຈະ​ຫຼຸດ​ລົ່ນ​ເປັນ​ປະຈຳ​ ​ອັນເນື່ອງມາ​ຈາກ​ເປັນຂະ​ບວນການ​ປ່ຽນ​ຖ່າຍ​ຂອງ​ຮ່າງກາຍ ​ແຕ່​ຖ້າ​ຫາກ​ມີ​ອາການ​ຜົມ​ຫຼົ່ນ​ຫຼາຍ​ເກີນ​ໄປ ​ໂດຍ​ສະ​ເລ່ຍ​ເກີນ 100 ​ເສັ້ນຕໍ່​ວັນ ຫຼື ພຽງ​ແຕ່​ສຳຜັດ​ຄ່ອຍໆ​ກໍ​ຫຼົ່ນ​ອອກ​ມາ ອາດ​ບ່ົງ​ບອກ​ການ​ແພ້​ຢາ​ບາງ​ຊະນິດ ລວມ​ເຖິງ​ມີພາວະຄຽດ​ຢ່າງ​ຮຸນ​ແຮງ ​ເປັນພະຍາດ​ພູມ​​ແພ້​ຕົນ​ເອງ ​ແລະ​ພະຍາດ​ຕ່ອມ​ໄທຣອຍກໍ​ເປັນ​ໄດ້ ຊຶ່ງ​ຂໍ​ແນະນຳ​ໃຫ້​ໄປ​ປຶກສາ​ແພດ​ເພື່ອ​ປິ່ນປົວ​ຢ່າງ​ຖືກ​ວິທີ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.