“ສຸພາພອນ” ນັກທຸລະກິດໜ້າໃໝ່ ເຈົ້າຂອງຮ້ານອາຫານພະຂາວ

     ນາງ ສຸ­ພາ​ພອນ ວໍ­ລະ​ສານ ​ນັກ­ທຸ­ລະ­ກິດ​ໜ້າ​ໃໝ່ ທີ່​ຍັງ​ບໍ່​ເຄີຍ​ມີປະ­ສົບ​ການ​ໃນ​ການ​ດຳ­ເນີນ​ທຸ­ລະ​ກິດ​ພຽງ​ແຕ່​ອາ­ໄສ​ເງື່ອນ­ໄຂ​ສະ­ດວກ​ບວກ​ທັງ​ຄວາມ​ມັກ​ຮັກ​ໃນການ​ປຸງ​ແຕ່ງ­ອາ­ຫານຈິ່ງ​ຕັດ­ສິນ​ໃຈ​ລົງ­ທຶນ​ສ້າງ­ຕັ້ງ​ຮ້ານ​ອາ­ຫານ​ຂຶ້ນ ເພື່ອ​ບໍ­ລິ­ການ​ສັງ­ຄົມ ແລະ​ຄວນ​ຕິດ­ຕາມ​ເບິ່ງ​ວ່າ​ເຂົາ​ຈະ​ມີ​ກົນ​ລະ​ຍຸແນວ­ໃດ ເພື່ອ​ເຮັດ​ໃຫ້​ທຸ­ລະ​ກິດ​ມີຄວາມ​ຍືນ​ຍົງ.

    ທ່ານ ນາງ ສຸ­ພາ​ພອນ ວໍ­ລະ​ສານ ໃຫ້​ໂອ­ກາດ​ນັກ​ຂ່າວ​ຄໍ​ລຳ​ເສັ້ນ­ທາງທຸ­ລະ​ກິດ​ເຂົ້າ​ໄປ​ສຳ­ພາດ​ເມື່ອ​ບໍ່​ດົນນີ້​ເລົ່າ​ສູ່​ຟັງ​ວ່າ: ກ່ອນ​ໜ້າ​ນີ້​ຕົນ​ເອງເປັນ​ອາ­ຈານ​ສອນ​ຢູ່​ມະ­ຫາ​ວິ­ທະ­ຍາໄລ​ວິ­ທະ­ຍາ­ໄລ​ສຸ­ຂະ­ພາບ​ກະ­ຊວງ​ສາ­ທາ­ລະ­ນະ​ສຸກ​ເປັນ​ເວ­ລາ​ຫຼາຍປີ​ໄປ​ພ້ອມ​ກັບ​ການ​ຕັ້ງ​ຮ້ານ​ຂາຍຢາ​ນາງ​ສຸ­ພາ​ພອນ ​ທີ່​ທົ່ງ​ຂັນ​ຄຳມາ​ເຖິງ​ປະ­ຈຸ​ບັນ, ແຕ່​ໃນ​ເງື່ອນ­ໄຂໃໝ່​ລັດ​ເປີດ​ກວ້າງ​ການ​ລົງ­ທຶນ​ຕົນ​ເອງ​ຈິ່ງ​ພະ­ຍາ­ຍາມ​ສຶກ​ສາ​ຫາ​ທຸ­ລະກິດ ແລະ​ເບິ່ງ​ຄວາມ​ເປັນ​ໄປ​ໄດ້ ຂອງ​ຕົນ​ເອງ ພໍ­ດີ​ມີ​ດິນ​ຕອນ​ໜຶ່ງ ເນື້ອ­ທີ່ 3 ເຮັກ­ຕາ​ຢູ່​ບ້ານ​ພະ​ຂາວ ຈິ່ງ​ຄິດ​ພັດ­ທະ­ນາ​ດິນ​ຕອນ​ນັ້ນ​ໃຫ້ການ​ເປັນ​ເສດ­ຖະ­ກິດ​ຄື​ເຮັດ​ເປັນສວນ​ອາ­ຫານ ແລະ​ຈະ​ພັດ­ທະ­ນາໃຫ້​ຄົບ​ວົງ​ຈອນ​ຄື​ມີ​ຮ້ານ​ອາ­ຫານ, ຕູບ​ພັກ­ຜ່ອນ, ບ່ອນ​ນັ່ງ​ຫຼິ້ນ​ຊົມ​ວິວ, ບ່ອນ​ເດັກ­ນ້ອຍ​ຫຼິ້ນ, ເດີ່ນ​ບານ­ເຕະ, ແລະ​ກຳ­ລັງ​ຈະ​ພັດ­ທະ­ນາ​ຄື​ຫ້ອງຄາ​ລາ​ໂອ​ເກະ ແລະ​ອື່ນໆ​ເພື່ອ​ຕອບສະ­ໜອງ​ໄດ້​ຄວາມ​ຕ້ອງ­ການ​ຂອງລູກ​ຄ້າ.

ທ່ານ​ກ່າວ​ຕື່ມ​ອີ​ກວ່າ: ການ​ດຳເນີນ​ທຸ­ລະ​ກິດ​ນີ້ ແມ່ນ​ບໍ່​ມີ​ບົດ­ຮຽນບໍ່​ມີ​ປະ­ສົບ​ການ​ມາ​ກ່ອນ​ເຮັດ​ຂຶ້ນມາ​ກໍ​ພຽງ​ຕົນ​ເອງ​ເປັນ​ຄົນ​ມັກ​ປຸງແຕ່ງ­ອາ­ຫານ ຊຶ່ງ​ມີ​ຄວາມ​ທ້າ​ທາຍຫຼາຍ​ສິ່ງ​ທີ່​ກັງ­ວົນ​ທີ່​ສຸດ​ກໍ​ຄື​ຢ້ານ​ບໍ່​ມີ​ລູກ​ຄ້າ, ພາຍ­ຫຼັງ​ທີ່​ເປີດ​ມາ​ໄດ້ໜຶ່ງ​ເດືອນ​ກໍ​ປະ­ກົດ​ວ່າ​ຜົນ​ຕອບ​ຮັບ​ດີ​ຫຼາຍ​ລູກ​ຄ້າ​ເຂົ້າ​ມາ​ເພີ່ມ​ຂຶ້ນ ແລະກໍ​ໄດ້​ຮັບ​ຄຳ​ຊົມ­ເຊີຍ​ຈາກ​ລູກ​ຄ້າ​ວ່າ ອາ­ຫານ​ແຊບ​ຫຼາຍ​ສະ­ຖານ­ທີ່​ກໍໂອ​ເຄ​ນັ້ນ​ຄື​ກຳ­ລັງ​ໃຈ​ເຮັດ​ໃຫ້​ເຮົາ​ຈະ​ພັດ­ທະ­ນາ​ຕໍ່​ໄປ, ຜ່ານ​ມາ​ການ ປຸງ​ແຕ່ງ­ອາຫານ​ແມ່ນ​ໄດ້​ຈ້າງ​ພໍ່ຄົວ, ແມ່­ຄົວ​ຊັ້ນ​ດີ​ມາ​ປະ­ຈຳ​ຈິ່ງເຮັດ​ໃຫ້​ອາ­ຫານ​ປຸງ​ແຕ່ງ​ອອກ​ມາລົດ​ຊາດ​ແຊບ​ຖືກ​ໃຈ​ລູກ​ຄ້າ, ໃນ​ຂະນະ​ດຽວ​ກັນ​ການ​ບໍ­ລິ­ການ​ກໍ​ຕ້ອງໄວ​ທັນ­ໃຈ​ລູກ​ຄ້າ.

restaurant

     ແນວ­ໃດ​ກໍ​ຕາມ ຮ້ານ​ອາ­ຫານ ພະ​ຂາວ ຕັ້ງ​ຢູ່​ບ້ານ​ພະ​ຂາວເມືອງ ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ, ມີຄວາມ​ໄດ້​ປຽບ ແລະ​ເປັນ​ທ່າ­ແຮງດຶງ​ດູດ​ຄົນ​ເຂົ້າ​ໄປ​ໃຊ້​ບໍ­ລິ­ການ, ເສັ້ນ­ທາງ​ກໍ​ປູ້​ຢາງ​ຮອດ​ສະ­ຖານ­ທີ່ພິ­ເສດ​ຄວາມ​ໂດດ​ເດັ່ນ​ຄື​ມີ​ສະ­ຖານທີ່​ຈອດ​ລົດ​ກວ້າງ­ຂວາງ, ໃນ​ຂອບເຂດ​ຮ້ານ​ອາ­ຫານ​ຍັງ​ຕົກ­ແຕ່ງ​ຢ່າງຈົບ­ງາມ​ມີ​ຕົ້ນ­ໄມ້, ໜອງ​ນ້ຳ, ດອກ ໄມ້, ຕູບ​ນັ່ງ​ທີ່​ໄດ້​ມາດ­ຕະ­ຖານ​ແຄມໜອງ​ເຮັດ​ໃຫ້​ມີ​ຄວາມ​ເຢັນ​ເປັນ ທຳ​ມະ​ຊາດ​ມີ​ບໍ­ລິ­ການ​ຮັບ​ຈັດ​ງານລ້ຽງ, ງານ​ດອງ ແລະ​ບໍ­ລິ­ການ​ອາ ຫານ​ທັງ​ໃນ ແລະ​ນອກ​ສະ­ຖານ­ທີ່.

ນີ້​ເປັນ​ນັກ­ທຸ­ລະ­ກິດ​ທີ່​ສູ່​ຊົນ​ທີ່ກຳ­ລັງ​ຮຽນ​ຮູ້​ການ​ເປັນ​ນັກ​ທຸ­ລະກິດ​ອາ­ຍຸ 37 ປີ​ແຕ່​ກໍ​ແຝງ​ດ້ວຍແວວ​ຄວາມ​ກະ​ຕື​ລື​ລົ້ນ​ຂອງ​ການເປັນ​ນັກ­ທຸ­ລະ­ກິດ ພ້ອມ​ຈະ​ພັດ​ທະ ນາ​ທຸ­ລະ​ກິດ​ຮ້ານ​ອາ­ຫານ​ພະ​ຂາວ​ກາຍ­ເປັນ​ຈຸດ​ສົນ­ໃຈ​ຂອງ​ຜູ້​ຄົນ​ເຂົ້າ ໄປ​ໃຊ້​ບໍ­ລິ­ການ​ກໍ​ຄື​ການ​ຕໍ່​ຍອດ​ທຸລະ​ກິດ​ໃຫ້​ເຕີບ​ໃຫຍ່​ເຂັ້ມ­ແຂງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.