ສູນ​ການ​ຄ້າ​ວຽງ​ຈັນ​ເຊັນ​ເຕີສະ­ຫຼອງ​ຄົບ­ຮອບ 2 ປີ

ພາຍ­ຫຼັງ​ທີ່​ສູນ​ການ​ຄ້າ​ວຽງ​ຈັນ ເຊັນ​ເຕີ ໄດ້​ເປີດ​ໃຫ້​ບໍ­ລິ­ການ​ແກ່​ສັງ­ຄົມ​ມາ​ເປັນ​ເວ­ລາ 2 ປີ (28 ມີ­ນາ 2015-28 ມີ­ນາ 2017) ຊຶ່ງ​ເປັນ​ສູນ​ການ​ຄ້າ​ທີ່​ເປັນສູນ​ລວມ​ຂອງ​ສິນ­ຄ້າ​ທີ່​ຄົບ​ວົງ​ຈອນ​ແຫ່ງ​ທຳ​ອິດ​ຂອງລາວ, ທາງ​ສູນ​ການ​ຄ້າ​ຈິ່ງ​ໄດ້​ຈັດ​ກິດ­ຈະ­ກຳ​ເພື່ອ​ການ​ຄືນກຳ­ໄລ​ໃຫ້​ກັບ​ລູກ​ຄ້າ ແລະ​ຂອບ­ໃຈ​ລູກ​ຄ້າ​ທີ່​ເຂົ້າ​ມາ​ໃຊ້​ບໍ­ລິ­ການ​ຂຶ້ນ​ໃນ​ວັນ​ທີ 26 ມີນາ​ນີ້ ໂດຍ ມີ​ທ່ານ ລີ​ສຽວ​ຕົງ ອຳ­ນວຍການ​ໃຫຍ່​ບໍ­ລິ­ສັດ​ພັດ­ທະ­ນາ​ສູນ​ເສດ​ຖະກິດ​ການ​ຄ້າ​ຄົບ​ວົງ​ຈອນ​ໜອງ​ຈັນ​ຕອນເໜືອ ຈຳ­ກັດ, ທ່ານ ສົມ​ສະ­ໜຸກ ມີ​ໄຊ ຮອງ​ປະ­ທານ​ສະ­ມາ­ຄົມ​ນັກ​ຂ່າວ​ແຫ່ງ ສປປ ລາວ, ພ້ອມ​ນັ້ນ​ຍັງ​ມີ​ຮອງ​ອຳ­ນວຍການ, ເຈົ້າ​ຂອງ​ຮ້ານ​ຄ້າ​ຈຳ­ນວນ​ໜຶ່ງແລະ​ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ ສົມ­ບັດ ສີ​ຣິ​ພອນ​ວິ­ທະ­ຍາ ຜູ້​ອຳນວຍ​ການ​ສູນ​ການ​ຄ້າ​ວຽງ​ຈັນ​ເຊັນ​ເຕີກ່າວ​ວ່າ: ສູນ​ການ​ຄ້າ​ວຽງ​ຈັນ​ເຊັນ​ເຕີ​ທີ່ສາ­ມາດ​ຕອບ​ສະ­ໜອງ​ທຸກ​ຄວາມ​ຕ້ອງການ​ຂອງ​ລູກ​ຄ້າ​ທັງ​ເລ່​ອື ງ​ການ​ບໍ­ລິ­ການ, ເລື່ອງ​ການ​ຈັບ​ຈ່າຍ​ໃຊ້​ສອຍ, ອາ­ຫານການ​ກິນ, ເປັນ​ຈຸດ​ສູນ​ລວມ​ຂອງ​ຜູ້​ຄົນ ແລະ​ນັກ­ທຸ­ລະ­ກິດ, ຖື​ໄດ້​ວ່າ​ເປັນ​ສູນ​ການຄ້າ​ທີ່​ຄົບ​ວົງ​ຈອນ, ທັນ​ສະ­ໄໝ​ແຫ່ງ​ທຳອິດ​ຂອງ​ລາວ, ການ​ທີ່​ສູນ​ການ​ຄ້າ​ມາເຖິງ​ວັນ​ນີ້​ໄດ້​ກໍ​ເພາະ​ເປັນ​ການ​ຮ່ວມ​ແຮງຮ່ວມ​ໃຈ ແລະ​ຄວາມ​ເຊື່ອ​ໝັ້ນ​ຂອງ​ສັງຄົມ​ໃນ​ການ​ເລືອກ​ມາ​ໃຊ້​ບໍ­ລິ­ການ​ຂອງປະ­ຊາ­ຊົນ​ລາວ.

ບໍ­ລິ­ສັດ​ພັດ­ທະ­ນາ​ສູນ​ເສດ­ຖະ­ກິດ​ຄົບວົງ​ຈອນ​ໜອງ​ຈັນ​ຕອນ​ເໜືອ​ຈຳ­ກັດ ເຊື່ອແນ່​ວ່າ​ພວກ​ເຮົາ​ຈະ​ສືບ­ຕໍ່​ໃນ​ການ​ພັດ​ທະນາ​ສູນ​ການ​ຄ້າ​ແຫ່ງ​ນີ້​ໃຫ້​ມີ​ຄວາມ​ທັນສະ­ໄໝ, ຄົບ​ວົງ​ຈອນ​ພ້ອມ​ການ​ບໍ­ລິ­ການທີ່​ເປັນ​ເລີດ​ຢ່າງ​ບໍ່​ຢຸດ​ຢັ້ງ ແລະ​ໃນ​ຕະຫຼອດ​ເດືອນ​ມີ­ນາ​ນີ້​ຍັງ​ມີ​ກິດ­ຈະ­ກຳ​ຫຼາກຫຼາຍ ເພື່ອ​ຄືນ​ກຳ­ໄລ​ໃຫ້​ລູກ​ຄ້າ​ດ້ວຍ​ການຈັດ​ໂປຣ​ໂມ​ເຊິນ 1 ແຖມ 1 ແລະ​ສິນ­ຄ້າຫຼຸດ​ລາ­ຄາ​ພິ­ເສດ 80%.

ທ່ານ ລີ​ສຽວ​ຕົງ ກ່າວ​ວ່າ: ຕະ­ຫຼອດໄລ­ຍະ 2 ປີ​ທີ່​ຜ່ານ​ມາ, ບໍ­ລິ­ສັດ​ພັດ­ທະ­ນາສູນ​ເສດ­ຖະ­ກິດ​ຄົບ​ວົງ​ຈອນ​ໜອງ​ຈັນ ຕອນ​ເໜືອ​ບໍ່​ສະ­ເພາະ​ແຕ່​ຈະ​ພັດ­ທະ­ນາສູນ​ການ​ຄ້າ​ວຽງ​ຈັນ​ເຊັນ​ເຕີ ໃຫ້​ມີ​ຄວາມທັນ​ສະ­ໄໝ ແລະ​ມີ​ຊື່​ສຽງ​ເທົ່າ​ນັ້ນ, ແຕ່ຈະ​ສ້າງ​ສູນ​ການ​ຄ້າ​ນີ້​ໃຫ້​ກາຍ­ເປັນ​ສູນລວມ​ຫ້ອງ­ການ, ສຳ­ນັກ­ງານ​ທີ່​ຕັ້ງ​ຢູ່​ໃນກາງ­ຂອງ​ນະ­ຄອນ­ຫຼວງ​ວຽງ​ຈັນ, ນອກຈາກ​ນັ້ນ​ສູນ​ການ​ຄ້າ​ແຫ່ງ​ນີ້ ຍັງ​ສາ­ມາດອຳ­ນວຍ​ຄວາມ​ສະ­ດວກ​ໃຫ້​ແກ່​ຜູ້​ປະກອບ​ການ​ທັງ​ໝົດ 200 ກວ່າ​ຮ້ານ ແລະ ໄດ້​ສ້າງ​ສິ່ງ​ທີ່​ທັນ​ສະ­ໄໝ​ເພື່ອ​ໃຫ້​ຄົນ​ລາວໄດ້​ໃຊ້​ບໍ­ລິ­ການ ໂດຍ​ສະ­ເພາະ​ໂຮງ​ຮູບເງົາ​ລະ­ດັບ​ສາ­ກົນ​ທີ່​ໃຫຍ່​ທີ່​ສຸດ​ໃນ​ລາວ, ສະ­ຖານ­ທີ່​ບັນ­ເທີງ, ມາ​ຮອດ​ປະ­ຈຸ​ບັນ​ສູນການ​ຄ້າ​ແຫ່ງ​ນີ້​ໄດ້​ການ​ເປັນ​ສູນ​ກາງທາງ​ດ້ານ​ການ​ຄ້າ, ການ​ເງິນ, ສູນ​ກາງຫ້ອງ­ການ ແລະ​ສູນ​ກາງ­ຂອງ​ການ​ວາງສະ­ແດງ​ຂອງ​ນະ­ຄອນ­ຫຼວງ​ວຽງ​ຈັນ, ສຳ­ລັບ​ທິດ​ທາງ​ໃນ​ປີ​ນີ້​ບໍ­ລິ­ສັດ​ຈະ​ສຸມ​ໃສ່ການ​ສ້າງ​ຫ້ອງ­ການ, ພ້ອມ​ນັ້ນ​ຍັງ​ຈະສ້າງ​ຄອນ​ໂດ​ມິ​ນຽມ ເພື່ອ​ອຳ­ນວຍ​ຄວາມສະ­ດວກ​ໃນ​ການ​ໄປ-ມາ ແລະ​ເປັນ​ທາງເລືອກ​ໃຫ້​ກັບ​ບັນ­ດາ​ບໍ­ລິ­ສັດ​ທີ່​ຈະ​ເຂົ້າ​ມາລົງ­ທຶນ​ໃນ ສປປ ລາວ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.