ສ.ເກົາຫຼີ ປັບເພີ່ມຕົວເລກຈີດີພີປີ 2016

ເຈົ້າໜ້າທີ່ກ່າວວ່າ ຕົວເລກເສດຖະກິດ ສ.ເກົາຫຼີ ຂະຫຍາຍຕົວຢູ່ທີ່ 2,8% ຫຼາຍກວ່າທີ່ຄາດຄະເນໄວ້ໃນປີທີ່ຜ່ານມາ.

ສຳນັກຂ່າວຕ່າງປະເທດລາຍງານວ່າ: ທະນາຄານກາງ ສ.ເກົາຫຼີ ເພີ່ມຕົວເລກເສດຖະກິດເຕີບໂຕປີ 2016 ອີກ 0,1 ຈຸດມາຢູ່ທີ່ 2,8% ໂດຍມອງວ່າ ຂະແໜງການຜະລິດມີຜົນປະກອບການດີເກີນຄາດຄະເນ ການປັບຕົວເລກລວມຍອດຜະລິດຕະພັນພາຍໃນ ຫຼື GDP ຫຼ້າສຸດນີ້ ສະແດງໃຫ້ເຫັນວ່າ ມີການເຕີບໂຕຂຶ້ນບໍ່ປ່ຽນແປງຈາກປີກ່ອນ ເສດຖະກິດ ສ.ເກົາຫຼີ ຂະຫຍາຍຕົວຢ່າງວ່ອງໄວໃນໄລຍະຫຼາຍສິບປີທີ່ຜ່ານມາ ໂດຍນັບວ່າ ຟື້ນຕົວຈາກສົງຄາມເກົາຫຼີ ແລະ ໄດ້ເປັນສະມາຊິກໃນອົງການການຮ່ວມມືທາງເສດຖະກິດ ແລະ ການພັດທະນາ (OECD) ແຕ່ໃນໄລຍະ ຫຼັງປະສົບກັບພາວະລໍຕົວ.

ບັນຫາເສດຖະກິດຖືເປັນບັນຫາໜຶ່ງໃນປັດໄຈສຳຄັນທີ່ເຮັດໃຫ້ເກີດກະແສປະທ້ວງຕໍ່ຕ້ານການສໍ້ລາດບັງຫຼວງຄັ້ງໃຫຍ່ ຊຶ່ງສົ່ງຜົນໃຫ້ ປັກ ກິນຮະເຢ ຖືກຖອດຖອນອອກຈາກຕຳແໜ່ງປະທານາທິບໍດີສຳລັບຕົວເລກຂະແໜງການຜະລິດ ສ.ເກົາຫຼີ ຂະຫຍາຍຕົວ 2,3% ໃນປີທີ່ຜ່ານມາ ຖືວ່າຫຼາຍກວ່າ 1,8% ໃນປີ 2015.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.