ຫວຽດນາມ​ຢຶດນໍ​ແຮດ​ໄດ້ 100 ກິ​ໂລກຣາມ

ຕຳຫຼວດຫວຽດນາມ ​ຢຶດນໍ​ແຮດ​ໄດ້​ຫຼາຍ​ກວ່າ 100 ກິ​ໂລກຣາມທີ່​ລັກລອບ​ໃສ່​ກະ​ເປົ໋າ​ເດີນທາງ​ຈາກ​ເຄນ​ຢາ​ໃນ​ວັນ​ທີ 14 ມີນາ​ທີ່​ຜ່ານ​ມາ.

ສຳນັກຂ່າວ​ຕ່າງປະ​ເທດ​ລາຍ​ງານ​ວ່າ ຫວຽດນາມ​ເປັນ​ຕະຫຼາດ​ໃຫຍ່​ດ້ານນໍ​​ແຮດ​ຊຶ່ງ​ມີ​ຄວາມ​ເຊື່ອ​ກັນ​ວ່າ ມີ​ສັບພະ​ຄຸ​ນທາງ​ຢາ ​ແລະ ​ເປັນ​ທີ່​ຕ້ອງການ​ຫຼາຍ​ໃນ​ກຸ່ມ​ຄົນ​ຊັ້ນ​ກາງ​ທີ່​ຂະຫຍາຍຕົວ​ຫຼາຍ​ຂຶ້ນ​ໃນ​ຫວຽດນາມ ສຳນັກ ງານ​ຕຳຫຼວດ​ຮ່າ​ໂນ້ຍຖະ​ແຫຼ​ງວ່າ ນໍ​ແຮດ​ຫຼ້າ​ສຸດ​ທີ່ຢຶດ​ໄດ້​ຢູ່ທ່າ​ອາກາດ​ສະຍານ​ສາກົນ​ໂນ້ຍບາຍ​ໃນ​ນະຄອນຫຼວງ​ຮ່າ​ໂນ້ຍ ທີ່​ມີ​ການ​ຊຸກ​ເຊື້ອງ​ມາ​ໃນ​ກະ​ເປົ໋າ​ເດີນທາງ​ໃນ​ຖ້ຽວ​ບິນ​ຈາກ​ນະຄອນ​ໄນ​ໂຣບີຂອງ​ເຄນ​ຢາ.ຊຶ່ງ​ລາຍ​ງານ​ລະບຸ​ວ່າ ນໍ​ແຮດ​ພຽງ 1 ກິ​ໂລກຣາມ ອາດ​ມີ​ມູນ​ຄ່າ​ຫຼາຍ​ເຖິງ 60.000 ​ໂດ​ລາ​ສະຫະລັດ​ໃນ​ຕະຫຼາດ​ທົ່ວ​ໄປ.

ໂດຍ​ເຈົ້າ​ໜ້າ​ທີ່​ພາສີ​ອາກອນ​ໄດ້ສະ​ແກນ ​ແລະ ກວດກາ​ພົບ​ວ່າ ພາຍ​ໃນ​ກະ​ເປົ໋າ​ເດີນທາງ​ທັງ​ສອງ​ໜ່ວຍ​ມີ​ນໍ​ແຮດ​ຜິດ​ກົດໝາຍ​ຢູ່ 57 ກິ​ໂລກຣາ​ມ ​ແລະ 61 ກິ​ໂລກຣາມ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.