ຫວຽດນາມ ສົ່ງອອກໝາກລີ້ນຈີ່ເປັນອັນດັບ 2 ຂອງໂລກ

ສະມາຄົມພືດສວນນານາຊາດ (ISHS) ເປີດເຜີຍໃນວັນທີ 11 ມິຖຸນາທີ່ຜ່ານມາວ່າ ສສ ຫວຽດນາມໄດ້ກາຍເປັນຜູ້ສົ່ງອອກໝາກລີ້ນຈີ່ລາຍໃຫຍ່ເປັນອັນ ດັບ 2 ຂອງໂລກ ໂດຍຄອງສ່ວນ ແບ່ງຕະຫຼາດໂລກຢູ່ທີ່ 19%.

ສຳນັກຂ່າວຕ່າງປະເທດລາຍງານວ່າ ຜູ້ສົ່ງອອກໝາກລີ້ນຈີ່ລາຍ ໃຫຍ່ອັນດັບ 1 ຂອງໂລກໃນປີ 2018 ຄືມາດາກັສກາ ດ້ວຍສະຖິຕິສ່ວນແບ່ງຕະຫຼາດ 35% ຂອງຕະຫຼາດສົ່ງອອກທົ່ວໂລກເຖິງ ແມ່ນວ່າຈະມີເນື້ອທີ່ເພາະປູກໜ້ອຍກໍຕາມ, ສ່ວນຫວຽດນາມເປັນອັນດັບ 2 ຄອງສວ່ນແບ່ງຕະຫຼາດໂລກຢູ່ທີ່ 19% ໂດຍຜູ້ສົ່ງອອກໝາກລີ້ນຈີ່ລາຍໃຫຍ່ຕໍ່ຈາກຫວຽດນາມຄື: ສປ ຈີນ, ໄທ ແລະ ອາຟຣິກາໃຕ້ດ້ວຍສ່ວນແບ່ງຕະຫຼາດຢູ່ທີ່ 18%, 10% ແລະ 9% ຕາມລໍາດັບ, ສ່ວນໃນດ້ານປະລິມານການຜະລິດສະມາຄົມພືດສວນນານາຊາດລະບຸວ່າ ຈີນມາເປັນອັນດັບ 1 ທີ່ຜະລິດໝາກລີ້ນຈີ່ໄດ້ 2 ລ້ານໂຕນຕໍ່ປີຮອງລົງມາແມ່ນອິນເດຍ ແລະ ຫວຽດນາມທີ່ຜະລິດໄດ້ 677.000 ໂຕນ ແລະ 380.000 ໂຕນຕໍ່ປີຕາມລຳດັບ.

ທັງນີ້ ຜູ້ຊ່ຽວຊານທ້ອງຖິ່ນລະບຸວ່າ ເຖິງແມ່ນວ່າຈີນ ແລະ ອິນເດຍຜະລິດໝາກລີ້ນຈີ່ໄດ້ໃນປະລິມານທີ່ຫຼາຍກວ່າ ແຕ່ຍອດການສົ່ງອອກໝາກລີ້ນຈີ່ຂອງຫວຽດນາມກໍເຕີບໂຕຢ່າງໝັ້ນຄົງ ເນື່ອງຈາກມີຂໍ້ແຕກຕ່າງເລື່ອງລະດູການເພາະປູກ ແລະ ຄຸນນະພາບຂອງໝາກລີ້ນຈີ່.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.