ຫວຽດນາມ-​ສິງກະ​ໂປ ​​ເຊັນ​ຂໍ້​ຕົກລົງ​ທຸລະ​ກິດ​ກະ​ຕຸ້ນການ​ລົງທຶນ

ຫວຽດນາມ ​ແລະ ສິງກະ​ໂປ​ລົງ​ນາມ​ໃນ​ຂໍ້​ຕົກລົງ​ທາງ​ທຸລະ​ກິດ​ຫຼາຍ​ສະບັບໃນ​ທ້າຍ​ອາທິດ​ທີ່​ຜ່ານ​ມາ ລະຫວ່າງ​ການ​ຢ້ຽມຢາມ​ຫວຽດນາມ​ເປັນ​ເວລາ 4 ມື້ ຂອງ​ທ່ານ ຫຼີສຽນ​ລຸ​ງ ນາຍົກລັດຖະມົນຕີສິງ​ກະ​ໂປ ຊຶ່ງ​ມີ​ເປົ້າ​ໝາຍ​ສົ່ງ​ເສີມ​ການ​ຄ້າ ​ແລະ ການ​ລົງທຶນ​.

ສຳນັກຂ່າວ​ຕ່າງປະ​ເທດ​ລາຍງານ​ວ່າ: 2 ​ໃນ 6 ບັນທຶກ​ຄວາ​ມ​ເຂົ້າ​ໃຈ​ທີ່​ທ່ານ ຫຼີສຽນລຸ​ງ ​ແລະ ທ່ານ ຫງວຽນ​ຊວນ​ຟຸກ ນາຍົກລັດຖະມົນຕີຫວຽດນາມ​ຮ່ວມ​ເປັນ​ສັກຂີ​ພະຍານ​ເປັນ​ຂໍ້​ຕົກລົງ​ກ່ຽວ​ກັບ​ນິຄົມ​ອຸດສາຫະກຳ​ທາງ​ພາກ​ກາງຂອງ​ຫວຽດນາມ ທີ່​ຈະ​ພັດທະນາ​ໂດຍ​ບໍລິສັ​ດ​​ເຊມບີ​ຄອບ (Sembcorp) ຂອງ​ສິງກະ​ໂປ, ​ໂດຍ​ນາຍົກລັດ ຖະມົນຕີສິງກະ​ໂປ​ກ່າວ​ວ່າ: ຮູ້ສຶກ​ດີ​ໃຈ​ຫຼາຍ​ທີ່​ມີ​ໂອກາດ​ກັບ​ມາ​ຫວຽດນາມ ຫຼັງ​ຈາກ​ຜ່ານ​ໄປ 3 ປີ ​ເພື່ອ​ຊຸກຍູ້​ຄວາມ​ສຳພັນ​ລະຫວ່າງ 2 ປະ​ເທດ ​ໃຫ້​ກ້າວໜ້າ​ຕໍ່​ໄປ ສິງກະ​ໂປ​ໃນ​ຖານະ​ປະ​ເທດ​ນັກ​ລົງທຶນ ​ແລະ ຫຸ້ນ​ສ່ວນ​ການ​ຄ້າ​ທີ່​ໃຫຍ່ສຸດ​ຂອງ​ຫວຽດນາມ​ຫວັງ​ຈະ​ເພີ່ມ​ການ​ລົງທຶນ​ໃນ​ຫວຽດນາມ​ໃຫ້​ຫຼາຍ​ຂຶ້ນ.

ສ່ວນ​ທ່ານ ຫງວຽນ​ຊວນ​ຟຸກ ກ່າວ​ວ່າ ທັງ​ສອງ​ຝ່າ​ຍ​ໃຫ້​ຄຳ​ໝັ້ນ​ຍົກ​ລະດັບ​ຄວາມ​ເປັນ​ຫຸ້ນ​ສ່ວນ​ໃນ​ລະ​ຫວ່​າງຫວຽດນາມ ​ກັບ ​ສິງກະ​ໂປ​ທຸກ​ດ້ານ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.