ຫົວເຫວີຍເປີດຕົວໂທລະສັບ P10 ແລະ P10 Plus

ວັນ​ທີ 22 ເມ­ສາ​ຜ່ານ​ມາ​ທີ່ ນະຄອນ​ຫຼວງ​ວຽງ​ຈັນ ບໍ­ລິ­ສັດ​ຫົວ​ເຫວີຍ ເຕັກ​ໂນ​ໂລ​ຊີ​ລາວ​ໄດ້​ຈັດ​ພິ­ທີ​ເປີດ​ຕົວ​ຜະລິດ​ຕະ​ພັນ​ໃໝ່ HUAWEI P10 ແລະ P10 Plus ຊຶ່ງ​ເປັນ​ສະ­ມາດ​ໂຟນ​ທີ່​ມາ ພ້ອມ​ນະ​ວັດ­ຕະ​ກຳ​ໃໝ່ ແລະ​ຄວາມ​ທັນສະ­ໄໝ, ໂດຍ​ມີ​ບັນ­ດາ​ສື່​ມວນ​ຊົນ ແລະ ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ຊູ​ຈິນ​ຢົງ ຜູ້­ອຳ­ນວຍ­ການ​ຝ່າຍອຸ­ປະ­ກອນ​ສື່­ສານ​ຫົວ​ເຫວີຍ​ລາວ​ກ່າວວ່າ: ຫົວ​ເຫວີຍ​ໄດ້​ກາຍ­ເປັນ​ຈຸດ​ສົນ­ໃຈຢ່າງ​ແຜ່​ຫຼາຍ​ໃນ​ປະ­ຈຸ​ບັນ ຊຶ່ງ​ເປັນ​ສູນ​ກາງ­ຂອງ​ອຸດ­ສາ­ຫະ­ກຳ​ໂທລະ­ສັບ​ມື​ຖື ໂດຍ​ໄດ້​ພັດ­ທະ­ນາ​ສະ­ມາດ​ໂຟນ​ຄຸນ​ນະພາບ​ດີ​ອອກ​ສູ່​ສາຍ­ຕາ​ມວນ​ຊົນ, ພາຍຫຼັງ​ທີ່​ໄດ້​ຮັບ​ສຽງ​ຕອບ​ຮັບ​ດີ​ຈາກ​ລູກຄ້າ​ກໍ​ຄື​ຜູ້​ຊົມ­ໃຊ້​ໂທລະ­ສັບ​ຫົວ​ເຫວີຍ P9 ໃນ​ປີ­ຜ່ານ­ມາ​ມີ​ຍອດ​ຂາຍ​ຫຼາຍ​ກວ່າ 12 ລ້ານ​ໜ່ວຍ ເຮັດ​ໃຫ້​ຫົວ​ເຫວີຍ​ໄດ້ກາຍ­ເປັນ​ອັນ​ດັບ 3 ໃນ​ຕະ­ຫຼາດ​ສະ­ມາດໂຟນ​ທົ່ວ​ໂລກ, ສະ­ນັ້ນ ເພື່ອ​ຕອບ​ໂຈດ ຄວາມ​ຕ້ອງ­ການ​ຂອງ​ລູກ​ຄ້າ​ໃນ​ປີ​ນີ້​ຫົວເຫວີຍ​ຈິ່ງ​ໄດ້​ນຳ​ສະ­ເໜີ​ໂທລະ­ສັບ​ຮຸ່ນໃໝ່​ໃຫ້​ສັງ­ຄົມ​ໄດ້​ຊົມ­ໃຊ້​ຫົວ​ເຫວີຍ P10 ແລະP10 plus ໃນ​ລາວ​ທີ່​ມາ​ພ້ອມ​ກັບຄຸນ​ນະ​ພາບ ແລະ​ຄວາມ​ທັນ​ສະ­ໄໝ ໂດຍ​ສະ­ເພາະ​ກ້ອງ­ຖ່າຍ­ຮູບ​ໜ້າ ແລະ ຫຼັງ​ທີ່​ໃຊ້​ຍີ່­ຫໍ້  Leica ເຮັດ​ໃຫ້­ການ​ຖ່າຍຮູບ​ມີ​ຄວາມ​ແຈ້ງ ແລະ​ລະ­ອຽດ​ຂຶ້ນ.

ນອກ​ນີ້ ຫົວ​ເຫວີຍ​ຍັງ​ໃຫ້​ບໍ­ລິ­ການ​ຫຼັງການ​ຂາຍ​ໃຫ້​ແກ່​ລູກ​ຄ້າ Huawei P10 ແລະP10 plus ໂດຍ​ຮັບ­ປະ­ກັນ​ໜ້າ​ຈໍ ເຖິງ 3 ເດືອນ​ຖ້າ​ເກີດ​ໜ້າ​ຈໍ​ແຕກ​ສາມາດ​ປ່ຽນ​ໄດ້​ທຸກ​ກໍ­ລະ­ນີ, ໄປ​ສ້ອມ­ແປງໃຫ້​ເຖິງ​ບ້ານ (ສະ­ເພາະ​ນະ­ຄອນ­ຫຼວງວຽງ​ຈັນ), ສ້ອມ­ແປງ​ໃຫ້​ພາຍ​ໃນ 2 ຊົ່ວ­ໂມງ ແລະ​ສະ­ຫຼັກ​ຊື່ ຊຶ່ງ​ທ່ານ​ໃດ​ສົນໃຈ​ກໍ​ສາ­ມາດ​ເປັນ​ເຈົ້າ​ຂອງ​ໄດ້​ແລ້ວ​ໂດຍມີ​ວາງ​ຈຳ­ໜ່າຍ​ທຸກໆ​ຮ້ານ​ຂອງ​ຫົວເຫວີຍ.

ໂດຍ: ສະ­ເຫຼີມ​ໄຊ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.