ຫຼວງພະບາງ ສະຫຼຸບວຽກງານການເງິນ

ແນໃສ່ສະຫຼຸບຕີລາຄາວຽກງານການເງິນທີ່ໄດ້ຈັດຕັ້ງປະຕິບັດໃນສົກປີ 2015-2016 ແລະ 3 ເດືອນຂ້າມຜ່ານ ທາງພະແນກການເງິນແຂວງຫຼວງພະ ບາງໄດ້ໄຂກອງປະຊຸມຂຶ້ນເພື່ອໃຫ້ບັນດາ ຜູ້ແທນໄດ້ປະກອບຄຳຄິດເຫັນໃສ່ເນື້ອໃນບົດສະຫຼຸບ ແລະທິດທາງແຜນການປີ 2017 ເພື່ອໃຫ້ສອດຄ່ອງ ແລະຮັບຮອງເອົານຳໄປຈັດຕັ້ງປະຕິບັດໃຫ້ບັນລຸຜົນສຳເລັດ.

ກອງປະຊຸມໄດ້ຈັດຂຶ້ນໃນ ວັນທີ 28 ກຸມພາ 2017 ນີ້ ທີ່ຫ້ອງປະຊຸມຂອງພະແນກດັ່ງກ່າວ ໂດຍການເປັນປະທານຮ່ວມຂອງ ທ່ານ ບົວຄົງ ນາມມະວົງ ຮອງເຈົ້າແຂວງໆຫຼວງພະບາງ, ທ່ານ ສົມນິດ ຄົມທະວົງ ຫົວໜ້າພະແນກການເງິນແຂວງ, ມີບັນດາຫົວໜ້າ-ຮອງຫົວໜ້າພະແນກຂອງແຂວງ, ເຈົ້າເມືອງ-ຮອງເຈົ້າເມືອງ, ຫົວໜ້າຫ້ອງການການ ເງິນ 12 ເມືອງ, ມີພະນັກງານວິຊາການພາຍໃນພະແນກການເງິນເຂົ້າຮ່ວມ.

ທ່ານ ສີສຸພັນ ສີສະຫວັດ ຮອງຫົວໜ້າພະແນກການເງິນແຂວງຫຼວງພະບາງໃຫ້ຮູ້ວ່າ: ໃນໄລຍະໜຶ່ງປີຜ່ານມາ ພະແນກການເງິນແຂວງຫຼວງພະບາງ ໄດ້ເອົາໃຈໃສ່ຢ່າງຕັ້ງໜ້າໃນການປະຕິບັດວຽກງານໃນຄວາມຮັບຜິດຊອບຂອງຕົນໄດ້ເປັນຢ່າງດີ ໂດຍສະເພາະແມ່ນການຈັດຕັ້ງປະຕິບັດວຽກງານເກັບລາຍຮັບ-ລາຍຈ່າຍຂອງແຂວງ ຊຶ່ງໜຶ່ງປີ ແມ່ນມີຜົນສຳເລັດໃນຫຼາຍດ້ານສະແດງອອກໃນການຈັດຕັ້ງປະຕິບັດແຜນງົບປະມານລວມຍອດແຜນເກັບລາຍຮັບທັງໝົດໄດ້ 637 ຕື້ກີບ ສາມາດປະຕິບັດໄດ້ 617,28 ຕື້ກີບ, ບັນລຸເກືອບ 97% ລວມພູດສູນກາງດັດແກ້ 21,03 ຕື້ກີບ, ປະຕິບັດໄດ້ 25,28 ຕື້ກີບ, ທຽບໃສ່ແຜ່ນແມ່ນລື່ນຄາດໝາຍທີໄດ້ກໍານົດໄວ້.

ສິ່ງພົ້ນເດັ່ນໃນ 1 ປີຜ່ານມາອີກຢ່າງ ແມ່ນສາມາດເກັບລາຍຮັບຈາກບັດວີຊ່າປະຕິບັດໄດ້ 22,13 ຕື້ກີບຕາມແຜນ 16,20 ຕື້ກີບ, ທຽບໃສ່ແຜນລືນຄາດໝາຍ 36,62%, ພ້ອມດຽວກັນນັ້ນການເກັບລາຍຮັບພາຍໃນແຂວງຕາມແຜນດັດແກ້ແມ່ນ 227,87 ຕື້ກີບ, ສາມາດປະຕິບັດໄດ້ 225,39 ຕື້ກີບ, ທຽບໃສ່ແຜນປີລື່ນຄາດໝາຍ 10,49% ຊຶ່່ງມີ 8 ເມືອງປະຕິບັດໄດ້ລື່ນຄາດໝາຍລວມ 2 ຕື້ກວ່າກີບ, ເທົ່າກັບ 96,55%. ນອກ ນີ້ການເກັບຈາກສ່ວຍສາອາກອນໄດ້ 210,51 ຕື້ກີບ, ທຽບໃສ່ແຜນປະຕິບັດໄດ້ 98,46%, ເກັບຈາກພາສີທີ່ດິນໄດ້ 9,46 ຕື້ກີບ, ທຽບໃສ່ແຜນປະຕິບັດໄດ້ 84,13%, ເກັບຈາກພາສີຈາກພູດ 3 ສ້າງໄດ້ 242 ລ້ານກີບ ທຽບໃສ່ແຜນປະຕິບັດໄດ້ລື່ນຄາດໝາຍ 35,11%, ເກັບຈາກການຄຸ້ມຄອງຊັບສິນໄດ້ 14,40 ຕື້ກີບ, ທຽບໃສ່ແຜນປະຕິບັດໄດ້ລື່ນຄາດໝາຍ 6,68%. ສາເຫດພາໃຫ້ລື່ນຄາດໝາຍນັ້ນກໍ່ຍ້ອນໄດ້ຮັບຄ່າຊັບພະຍາກອນ ແລະຄ່າສຳປະທານທີ່ບັນດາບໍລິສັດມາສຳຫຼວດແຮ່ທາດຢູ່ພາຍໃນແຂວງຫຼວງພະບາງທີ່ບັນດາບໍລິສັດມອບຢູ່ສູນກາງແຕ່ສູນກາງໂອນຈົດລາຍຮັບເປັນຂອງແຂວງ.

ຂ່າວ: ເສດຖະກິດ-ສັງຄົມ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.