ອະນາໄມໂລກຖະແຫຼງ ປັດໄຈສິ່ງແວດລ້ອມທີ່ເຮັດໃຫ້ເສຍຊີວິດໃນທົ່ວໂລກ

ອົງການ​ອະນາ​ໄມ​ໂລກ​ຖະ​ແຫຼ່ງໜຶ່ງ​ໃນສີຂອງ​ການ​ເສຍ​ຊີວິ​ດທົ່ວ​​ໂລກ​ ເກີດ​ຈາກ​ປັດ​ໃຈ​ດ້ານ​ສິ່ງ​ແວດ​ລ້ອມ ລວມທັງ​ເສັ້ນທາງ​ສັນຈອນ​ບໍ່​ປອດ​ໄພ ​ແລະ ຄວາມ​ຄຽດ​​ໃນ​ສະຖານ​ທີ່​ເຮັດ​ວຽກ.

ສຳນັກຂ່າວຕ່າງປະເທດ​ລາຍ​ງານ​ວ່າ ອົງການ​ອະນາ​ໄມ​ໂລກ​ລະບຸ​ ການ​ເສຍ​ຊີວິດ​ຂອງ​ຄົນ 12,6 ລ້ານ​ຄົນ​ໃນ​ປີ 2012 ​ເກີດ​ຈາກ​ປັດ​ໄຈ​ດ້ານ​ສິ່ງ​ແວດ​ລ້ອມທັງ​ທີ່ຢູ່​ອາ​ໄສ ​ແລະສະຖານ​ທີ່​​ເຮັດ​ວຽກຄິດ​ເປັນ 23% ຫຼື​ເກືອບ 1 ​ໃນ 4 ທີ່​ເສຍ​ຊີວິດ​ທົ່ວ​ໂລກ ຖ້າ​ຫາກ​ປະ​ເທດ​ຕ່າງໆ​ບໍ່​ໃຊ້​ມາດ​ຕະການ​ເພື່ອ​ເຮັດ​ໃຫ້​ສິ່ງ​ແວດ​ລ້ອມ​ດີ​ຂຶ້ນທັງ​ທີ່ຢູ່​ອາ​ໄສ ​ແລະ ສະຖານ​ທີ່​ເຮັດ​ວຽກ​ຄົນ​ນັບ​ລ້ານ​ກໍ່​ຈະ​ເຈັບ​ເປັນ ​ແລະ ​ເສຍ​ຊີວິດ​ຕັ້ງ​ແຕ່​ອາຍຸ​ຍັງ​ນ້ອຍ.

ລາຍງານຍັງບະບຸອີກວ່າ ​ການ​ເສຍ​ຊີວິດ​ຂອງ​ຜູ້​ຄົນ 8,2 ລ້ານ​ຄົນ​ນັ້ນ​ ອາດມາ​ຈາກ​ມົນ​ລະ​ພິດ​ທາງ​ອາກາດ​ສູງ, ຄວັນ​ຢາສູບ ຊຶ່ງ​ເຮັດ​ໃຫ້​ເກີດ​ພະຍາດຫົວ​ໃຈ, ມະ​ເຮັງ ​ແລະ ພະຍາດ​ລະບົບ​ທາງ​ເດີນ​ຫາຍ​ໃຈ, ປັດ​ໄຈ​ສິ່ງ​ແວດ​ລ້ອມ​ກໍ່​ມີ​ສ່ວນ​​ເຮັດ​ໃຫ້​ເກີດ​ການ​ເສຍ​ຊີວິດ​ຂອງ​ຜູ້​ຄົນ 1,7 ລ້ານ​ຄົນ​ ມາ​ຈາກ​​ອຸບັດ​ເຫດທາງ​ລົດ, ພະຍາດ​ຖອກທ້ອງ 846 ພັນ​ຄົນ​ ກໍ່​ກ່ຽວຂ້ອງ​ກັບ​ສິ່ງ​ແວດລ້ອມ​ທາງດ້ານ​ມົນ​ລະ​ພາວະ ​ແລະ ນ້ຳ​ດື່ມ​ທີ່​ບໍ່​ສະອາດ.

ອົງການອະນະໄມໂລກລາຍຕໍ່ໄປອີກວ່າ ການ​ເສຍ​ຊີວິ​ດຂອງຜູ້ຄົນ 246 ພັນ​ຄົນ ​ມາ​ຈາກ​ອາການ​ບາດ​ເຈັບ​​ໂດຍ​ບໍ່​ຕັ້ງ​ໃຈ​ລວມ​ເຖິງ​ຂ້າຕົວ​ຕາຍ ​ຊຶ່ງ​ກ່ຽວຂ້ອງ​ກັບ​ການຈັດ​ເກັບ​ອາວຸດ​ໂດ​ຍບໍ່​ປອດ​ໄພ ​ແລະ ການຫາອາວຸດໄວ້ຖືຄອງ ນອກຈາກນັ້ນ ກໍ່ຍັງມີຢາຂ້າ​ແມງ​ໄມ້ຊຶ່ງກວມເຖິງໜຶ່ງໃນສາມຂອງການຂ້າຕົວຕາຍ.

ການ​ຕາຍ​ທີ່​ກ່ຽວ​ພັນ​ກັບ​ສິ່ງ​ແວດ​ລ້ອມ​ເກີດ​ຂຶ້ນ​ຫຼາຍ​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້​ມີ​ຈຳນວນ 3,8 ລ້ານ​ຄົນ​ໃນ​ປີ 2012, ຖັດມາແມ່ນພາກ​ພື້ນ​ອາຊີ​ປາຊິ​ຟິກຕາ​ເວັນ​ຕົກ 3,5 ລ້ານ​ຄົນ ໜ້ອຍ​ທີ່​ສຸດ​ຄື​ອາ​ເມ​ລິ​ກາ 847 ພັນ​ຄົນ, ສ່ວນ​ເອີຣົບ 1,4 ລ້ານ​ຄົນ ​ແລະ ອາ​ຟຣິກາ 2,2 ລ້ານ​ຄົນ.

ອົງການອະນາໄມໂລກລະບຸກອີກວ່າ ​ຫາກ​ບໍລິຫານ​ຈັດການ​ດ້ານ​ສິ່ງ​ແວດ​ລ້ອມ​ໄດ້​ດີ​ແລ້ວ​ອາດ​ຊ່ວຍ​ປ້ອງ​ກັນ​ການ​ເສຍ​ຊີວິດ​ຂອງ​ເດັກນ້ອນອາຍຸ​ຕໍ່າ​ກວ່າ 5 ປີ​ໄດ້​ເຖິງ 1, 7 ລ້ານ​ຄົນ​ ຊຶ່ງເປັນໃນໄວນີ້ມີຄວາມສ່ຽງທີ່ຈະເຈັບເປັນດ້ວຍພະຍາດກ່ຽວກັບທາງເດີນຫາຍໃຈ ແລະ ຖອດທ້ອງ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.