ອັງ­ກິດ​ກຽມ​ຍົກ­ເລີກ​ເງິນ​ໃບ 5 ປອນ​ແບບ​ເກົ່າ

ສຳນັກຂ່າວຕ່າງ​ປະເທດລາຍງານໃນວັນທີ 27 ມີ­ນາທີ່ຜ່ານມາວ່າ ທະ­ນາ­ຄານກາງອັງ­ກິດ ກຽມຍົກເລີກໃຊ້ທະ­ນະບັດມູນຄ່າ 5 ປອນແບບເກົ່າໃນວັນທີ 5 ພຶດ­ສະ­ພາທີ່ຈະມາເຖິງນີ້.

ຖະແຫຼງ​ການຂອງທະ­ນາ­ຄານອັງ­ກິດລະ­ບຸວ່າ ທະ­ນະບັດ 5 ປອນແບບເກົ່າ ຈະສາ­ມາດໃຊ້​ຊຳ­ລະໜີ້ຕາມກົດ­ໝາຍໄດ້ຈົນເຖິງວັນທີ 5 ພຶດ­ສະ­ພານີ້ ທະ­ນາ­ຄານອັງ­ກິດຈະປ່ຽນທະ­ນະບັດດັ່ງ­ກ່າວທີ່ເປັນເຈ້ຍໄປໃຊ້ທະ­ນະບັດແບບໃໝ່ທີ່ຜະ­ລິດຈາກໂພລີເມີທີ່ສະ­ອາດ, ປອດໄພ ແລະ ທົນທານຫຼາຍກວ່າ ໂດຍຈະເພີ່ມການປ້ອງກັນການປອມແປງ ແລະ ເພີ່ມຄຸນນະ­ພາບ​ຂອງທະ­ນະບັດທີ່ໝູ­ນວຽນຢູ່ຕະ­ຫຼາດໄປພ້ອມໆກັນ ໂດຍທະ­ນະຄານ​ອັງ­ກິດເຄີຍປະ­ກາດກ່ອນໜີວ່າ ທະ­ນະບັດໃໝ່ຈະທົດແທນທະ­ນະບັດເກົ່າທີ່ໝູ­ນວຽນຢູ່ໃນຕະ­ຫຼາດໄດ້ເຄິ່ງ​ໜຶ່ງໃນເດືອນ​ມັງ­ກອນປີ 2017 ທີ່ຜ່ານມາ, ການປ່ຽນແປງດັ່ງ­ກ່າວ ສົ່ງຜົນໃຫ້ທະ­ນະບັດ 5 ປອນແບບໃໝ່ມີໝາຍເລກ “AA01” ເປັນທີ່ຕ້ອງ­ການໃນ​ຕະ­ຫຼາດນັກສະສົມ ໂດຍລາ­ຄາຂາຍໃນອີເບເພີ່ມສູງຂຶ້ນ​ຫຼາຍ ຂະ­ນະທີ່ທະ­ນະບັດໃໝ່ທີ່ມີເລກ “AK47” ຖືກ​ຕັ້ງ​ລາ­ຄາ​ຂາຍ​ຜ່ານ​ອີ​ເບ​ຢູ່​ທີ່​ລາ­ຄາ​ເຖິງ 70 ພັນ​ປອນ.

ທັງ​ນີ້​ ທະ­ນາ­ຄານ​ກາງ​ອັງ­ກິດ​ກຽມ​ປ່ອຍ​ທະ­ນະ​ບັດ​ໂພ​ລີ​ເມີ​ມູນ​ຄ່າ 10 ປອນ ແບບ​ໃໝ່​ໃນ​ເດືອນ​ກັນ­ຍາ​ນີ້ ຂະ­ນະ​ທີ່​ທະ­ນະ​ບັດ​ມູນ​ຄ່າ 20 ປອນ​ແບບ​ໃໝ່​ກຽມ​ອອກ​ສູ່​ຕະ­ຫຼາດ​ກ່ອນ​ປີ 2020 ສ່ວນ​ເງິນ​ຫຼຽນ 1 ປອນ ແບບ​ໃໝ່​ກຽມ​ອອກ​ໃນ​ວັນ​ທີ 28 ມີ­ນາ​ນີ້.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.