ອາ​ເມ​ລິ​ກາ​ທົບ​ທວນ​ສະຖານະ​ການ​ຄ້າ​ກັບ​ຈີນ

ອາ​ເມ​ລິ​ກາ​ທົບ​ທວນ​ສະຖານະ​ການ​ຄ້າ​ກັບຈີນ ​ໂດຍ​ເປັນ​ປະ​ເທດ​ທີ່​ເປັນ​ລະບົບ​ເສດຖະກິດ​ທີ່​ບໍ່​ແມ່ນ​ຕະຫຼາດ ​ເພື່ອ​ໃຫ້​ອາ​ເມ​ລິ​ກາ​ຕັ້ງ​ພາສີ​ສິນຄ້າ​ນຳ​ເຂົ້າ​ຈາກ​ຈີນ​ສູງ​ຂຶ້ນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ການ​ຄ້າ​ຂອງ​ອາ​ເມ​ລິ​ກາລະ​ບຸ​ວ່າ ​ອາ​ເມ​ລິ​ກາ​ຈະ​ເດີນ​ໜ້າ​ຊຸກຍູ້​ໃຫ້​ຈີນ​ຍັງ​ເປັນ​ປະ​ເທດ​ທີ່​ມີ​ລະບົບ​ເສດຖະກິດ​ທີ່​ບໍ່​ແມ່ນ​ລະບົບ​ຕະຫຼາດ ຊຶ່ງ​ຈະ​ເຮັດ​ໃຫ້​ອາ​ເມ​ລິ​ກາສາ​ມາດ​ຕັ້ງ​ພາສີ​ສິນຄ້າ​ນຳ​ເຂົ້າ​ຈາກ​ຈີນ​ໄດ້​ສູງ​ຂຶ້ນ​ໃນ​ອະ​ນະ​ຄົດ, ທັງ​ນີ້​ອາ​ເມ​ລິ​ກາ​ໄດ້​ກຽມ​ການ​ທົບ​ທວນ​ສະຖານະ​ທາງ​ການ​ຕະຫຼາດ​ຂອງ​ຈີ​ນ ຊຶ່ງ​ຖືກ​ກຳນົດ​ໂດຍ​ອົງການ​ການ​ຄ້າ​ໂລກ ​ໂດຍ​ຄາດ​ວ່າ ຜົນ​ການ​ທົບ​ທວນ​ຈະ​ສຳ​ເລັດ​ໃນ​ໄລຍະ​ກ່ອນ​ກອງ​ປະຊຸມ​ລະດັບ​ສູງ​ລະຫວ່າງ​ທ່ານ ສີ​ຈິ້ນ ຜິ​ງ ປະທານ​ປະ​ເທດ​ຂອງ​ຈີ​ນ ​ແລະ ທ່ານ ​ໂດ​ນັລທຣຳ ປະທານາທິບໍດີ​ຂອງອາ​ເມ​ລິ​ກາ, ໃນ​ເດືອນທັນວາ​ທີ່​ຜ່ານ​ມາ​ຈີນ​ໄດ້​ຮຽກຮ້ອງ​​ໃຫ້​ປະ​ເທດ​ສະມາຊິກ​ອົງການ​ການ​ຄ້າ​ໂລກ ປ່ຽນ​ສະຖານະ​ຂອງ​ຈີນ​ໃຫ້​ເປັນ“ລະບົບ​ເສດຖະກິດ​ແບບ​ຕະຫຼາດ” ຫຼື​ລະບົບ​ເສດຖະກິດ​ທີ່​ມີ​ລັດຖະບານ​ກ່ຽວຂ້ອງ​ແຕ່​ພຽງ​ເລັກ​ນ້ອຍ ບໍ່​ມີ​ການ​ຜະລິດ​ສິນຄ້າ ​ແລະ ບໍລິການ​ແຂ່ງ​ກັບ​ເອກະ​ຊົນ ຫຼື​ໃຫ້​ເງິນ​ອູດ​ໜູນ​ໃຫ້​ກັບ​ຜູ້​ໃດ​ຜູ້​ໜຶ່ງ ຊຶ່ງ​ຈະ​ກໍ່​ໃຫ້​ເກີດ​ຕະຫຼາດ​ທີ່​ເປັນ​ທຳ ​ແລະ ບໍ່​ຖືກ​ບິດ​ເບືອນ.

ຢ່າງ​ໃດ​ກໍ​ຕາມ ລັດຖະບານ​ອາ​ເມ​ລິ​ກາ​ໃນ​ຍຸກ​ຂອງ​ທ່ານ ບາຣັກ ​ໂອ​ບາ​ມາ ບໍ່​ເຫັນ​ດີ​ກັບ​ການ​ທີ່​ຈະ​ເຮັດ​ໃຫ້​ຈີນ​ໄດ້​ຮັບ​ສະຖານະ​ດັ່ງກ່າວ ​ແລະ ປະຕິບັດ​ກັບ​ຈີນ​ຊຶ່ງ​ເປັນ​ຄູ່​ຄ້າ​ທີ່​ໃຫຍ່​ທີ່​ສຸດ​ໃນ​ຖານະ​ປະ​ເທດ​ທີ່​ມີ​ລະບົບ​ເສດຖະກິດ​ທີ່​ຖືກ​ຄວບ​ຄຸມ​ໂດຍ​ລັດຖະບານ ​ແລະ ປາ​ສະຈາກ​ກົນ​ໄກ​ເສລີ​ເຊັ່ນ​ດຽວ​ກັບ​ທຣຳ ທີ່​ເຄີຍ​ກ່າວ​ວ່າ ຈີນ​ນັ້ນ​ບໍ່​ແມ່ນ​ລະບົບ​ເສດຖະກິດ​ແບບ​ຕະຫຼາດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.