ອາ​ເມ​ລິ​ກາ​ໃຊ້​ງົບປະມານ​ທະຫານ​ຫຼາຍ​ສຸດ​ໃນ​ໂລກ

ອາ​ເມ​ລິ​ການ​ຍັງ​ເປັນ​ປະ​ເທດ​ທີ່​ມີຄ່າ​ໃຊ້​ຈ່າຍ​ທາງ​ທະຫານ​ຫຼາຍ​ທີ່ສຸດ​ໃນ​ໂລກ ຂະນະ​ທີ່​ຣັດ​ເຊຍ​ແຊງ​ຊາ​ອຸ​ດິດອາຣັບບີ​ຂຶ້ນ​ມາ​ຢູ່​ອັນ​ດັບ 3 ​ເຖິງ​ແມ່ນ​ວ່າ​ຈະ​ປະ​ເຊີນ​ກັບ​ມາດ​ຕະການ​ລົງ​ໂທດ​ຈາກ​ຕາ​ເວັນ​ຕົກ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສະ​ຖາ​ບັນ​ວິ​ໄຈ​ສັນຕິພາບ​ນານາ​ຊາດ​ສະ​ຕອກ​ໂຮມ (ຊີ​ປຣີ)​ ເປີດ​ເຜີຍ​ລາຍ​ງານ​ຂໍ້​ມູນ​ກ່ຽວ​ກັບ​ງົບປະມານ​ທາງ​ທະຫານ​ຂອງ​ນານາປະ​ເທດ​ໃນ​ປີ 2016 ວ່າ ອາ​ເມ​ລິ​ກາ​ຍັງ​ເປັນອັນ​ດັບ 1 ດ້ວຍ​ສະຖິຕິ​ການ​ໃຊ້​ຈ່າຍ 611 ຕື້​ໂດ​ລາ​ສະຫະລັດ​ເພີ່ມ​ຂຶ້ນ 1,7% ຈາກ​ປີ​ກ່ອນ​ໜ້າ​ນີ້ ​ແລະ ​ເປັນ​ອັດຕາ​ສ່ວນ​ທີ່​ສູງ​ທີ່​ສຸດ​ນັບ​ຕັ້ງ​ແຕ່​ປີ 2010, ພ້ອມ​ກັນ​ນີ້ ທ່ານ ​ໂດ​ນັລທຣຳ ປະທານາທິບໍດີ​ຂອງ​ອາ​ເມ​ລິ​ກາ​ຍັງ​ສະ​ເໜີ​ເພີ່ມ​ງົບປະມານ​ທາງ​ທະຫານ​ປີ​ນີ້​ອີກ 54%. ອັນ​ດັບ 2 ​ເປັນ​ຂອງ​ສປ ຈີນ​ທີ່​ມີ​ການ​ໃຊ້​ຈ່າຍ​ທະຫານ​ເພີ່ມ​ຂຶ້ນ 5,4% ຢູ່​ທີ່ 215 ຕື້​ໂດ​ລາ​ຖື​ເປັນອັນ​ດັບ 1 ຂອງ​ອາຊີ​ຫຼາຍ​ກວ່າ​ງົບປະມານ​ທະຫານ​ຂອງ​ອິນ​ເດຍ 4 ​ເທົ່າ ​ແລະ ງົບປະມານ​ທະຫານ​ຂອງ​ທັງ​ສອງ​ປະ​ເທດ​ລວມກັນ​ຄິດ​ເປັນ 60% ຂອງ​ງົບປະມານ​ທະຫານ​ອາຊີ. ຣັດ​ເຊຍ​ຢູ່​ອັນ​ດັບ 3 ຢູ່​ທີ່ 69,2 ຕື້​ໂດ​ລາ​ເພີ່ມ​ຂຶ້ນ 5,9% ຈາກ​ສະຖິຕິ​ປີ 2015 ​ແລະ ຄິດ​ເປັນ 5,3% ຂອງ​ຍອດ​ຜະລິດ​ຕະພັນ​ພາຍ​ໃນ (ຈີ​ດີ​ພີ), ສ່ວນ​ອັນ​ດັບ 4 ​ເປັນ​ຂອງ​ຊາ​ອຸ​ດິດອາຣັບບີ​ ຊຶ່ງ​ຕົກ​ຈາກ​ອັນ​ດັບ 3 ​ໂດຍ​ສະຖິຕິ​ຫຼຸດ​ລົງ 30% ​ເຫຼືອ 63,7 ຕື້​ໂດ​ລາ.

​ເຖິງ​​ວ່າ​ອາ​ເມ​ລິ​ກາ​ຍັງ​ເປັນອັນ​ດັບ 1 ປະ​ເທດ​ທີ່​ມີ​ການຈັດ​ສັນ​ງົບປະມານ​ທາງ​ທະຫານ​ຫຼາຍ​ທີ່​ສຸດ ​ແຕ່​ອາຊີ-​ປາຊິ​ຟິກຖື​ເປັນ​ພາກ​ພື້ນ​ທີ່​ມີ​ທິດ​ທາງ​ການ​ເຕີບ​ໂຕ​ຂອງ​ການ​ໃຊ້​ຈ່າຍ​ງົບປະມານ​ທາງ​ທະຫານ​ຫຼາຍ​ທີ່​ສຸດ ​ໂດຍ​ສະຖິຕິ​ໃນ​ປີ​ທີ່​ຜ່ານ​ມາ​ເພີ່ມ​ຂຶ້ນ​ເຖິງ 64% ຈາກ​ປີ 2015 ​ແລະ ປະ​ເທດ​ໃນ 15 ​ອັນ​ດັບ​ທຳ​ອິດ​ເປັນ​ປະ​ເທດ​ໃນ​ພາກ​ພື້ນ​ອາ​ຊີ​ຫຼາຍ​ເຖິງ 5 ປະ​ເທດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.