ອີ​ຊູ​ຊຸ ຕັ້ງ​ເປົ້າ​ຍອດ​ຂາຍ​ຢູ່​ລາວ 10 ພັນ​ຄັນ​ຕໍ່​ປີ

ເມື່ອ​ວັນ​ທີ 23-26 ມີ­ນາ​ຜ່ານ​ມາ ຄະ­ນະ​ສື່​ມວນ​ຊົນລາວ ໂດຍ​ປະ­ກອບ​ມີ ໂທລະ­ພາບ, ໜັງ­ສື­ພິມ, ວິ­ທະ­ຍຸ ແລະ ວາ­ລະ­ສານ​ຕ່າງໆ 28 ທ່ານ ໄດ້​ເດີນ ທາງ​ເຂົ້າ​ຮ່ວມ​ການ​ສະ­ເຫຼີມ­ສະ­ຫຼອງ​ວັນຄົບ­ຮອບ​ດຳ­ເນີນ​ທຸ­ລະ​ກິດ 60 ປີ ຂອງ ບໍ­ລິ­ສັດ ຕຣີ​ີ​ເພັດ ອີ​ຊູ​ຊຸ​ເຊວ ຈຳ­ກັດ​ແຫ່ງປະ­ເທດ​ໄທທີ່​ບາງ­ກອກ ເພື່ອ​ເປັນ​ການຕອກ​ຢ້ຳ​ເຖິງ​ການ​ດຳ­ເນີນ​ທຸ­ລະ​ກິດ ແລະ​ການ​ເຕີບ​ໃຫຍ່​ຂະ­ຫຍາຍ­ຕົວ​ຂອງບໍ­ລິ­ສັດ​ດັ່ງ­ກ່າວ​ເຂົ້າ​ສູ່​ຕະ­ຫຼາດ​ອາ​ຊຽນ ເຊັ່ນ: ສປປ ລາວ ແລະ​ກຳ­ປູ­ເຈຍຖື​ວ່າເປັນ​ບາດ­ກ້າວ​ທີ່​ສຳ­ຄັນ​ທຳ​ອິດ​ຂອງ​ບໍ​ລິສັດຕຣີີ​ເພັດ ອີ​ຊູ​ຊຸ ເຊວ ຈຳ­ກັດ ແຫ່ງ​ປະ­ເທດ​ໄທ​ກໍ​ວ່າ​ໄດ້.

ທ່ານ ໂທ​ຊິ​ອາ​ກິ ມາ​ເອ​ຄາ​ວະ ປະ­ທານ​ບໍ­ລິ­ສັດ ໄດ້​ລາຍ​ງານ​ສະ­ພາບ​ການຂອງ​ການ​ດຳ​ເດີນ​ທຸ­ລະ​ກິດ​ຂອງ​ບໍ­ລິ­ສັດຕຣີ​ເພັດ ອີ​ຊູ​ຊຸ​ເຊວ ຈຳ­ກັດ ແຫ່ງ​ປະ ເທດ​ໄທ​ໃຫ້​ຮູ້​ວ່າ​ບໍ­ລິ­ສັດ​ດັ່ງ­ກ່າວ​ແມ່ນ​ສ້າງ­ຕັ້ງ​ຂຶ້ນ​ໃນ ວັນ​ທີ 22 ພະ­ຈິກ  1974  ເປັນ​ບໍ­ລິ­ສັດ​ຮ່ວມ​ທຶນ​ລະ­ຫວ່າງ​ບໍ­ລິ­ສັດ ມິດ​ຊູ​ບິ​ຊິ​ຄໍ​ປໍ​ເຣ​ຊັນ ແລະ​ບໍ­ລິ­ສັດ ອີ​ຊູ​ຊຸ ມໍ​ເຕີ ປະ­ເທດ​ຍີ່­ປຸ່ນ ເພື່ອ​ດຳ­ເນີນ​ທຸ­ລະ​ກິດຈຳ­ໜ່າຍ​ລົດ​ກະ­ບະ, ລົົດ​ເກງ, ລົດ​ບັນ­ທຸກຂະ­ໜາດ​ກາງ ແລະ​ຂະ­ໜາດ​ໃຫຍ່​ຍີ່­ຫໍ້​ອີ​ຊູ ຊຸ ແຕ່​ພຽງ​ຜູ້​ດຽວ​ໃນ​ປະ­ເທດ​ໄທ, ຈາກການ​ດຳ­ເນີນ​ທຸ­ລະ​ກິດ​ຕະ­ຫຼອດ 60 ປີ ຜ່ານ​ມາ ແມ່ນ​ເຫັນ​ວ່າ​ບໍ­ລິ­ສັດ​ຕຣີ​ເພັດ ອີ​ຊູ​ຊຸ​ເຊວ ຈຳ­ກັດ ແຫ່ງ​ປະ­ເທດ​ໄທ ໄດ້ມີ​ສູນ​ຈຳ­ໜ່າຍ ແລະ​ສູນ​ບໍ­ລິ­ການ ອິ​ຊູ​ຊຸ ຫຼາຍ​ກວ່າ 300 ແຫ່ງ​ໃນ​ປະ­ເທດ​ໄທ ແລະ​ອີກ​ຫຼາກ​ຫຼາຍ​ສາ­ຂາ​ໃນ​ທົ່ວ​ໂລກ, ລວມ​ທັງ ສປປ ລາວ.

ບໍ­ລິ­ສັດ ໄດ້​ສ້າງ​ຄວາມ​ເຂັ້ມ­ແຂງ​ໃຫ້ກັບ​ຍີ່­ຫໍ້​ລົດ ອີ​ຊູ​ຊຸ ທຸກໆ​ປະ­ເພດ​ຈົນ​ກາຍເປັນ​ໜຶ່ງ​ໃນ​ຍີ່­ຫໍ້​ລົດ­ຍົນ​ຊັ້ນ​ນຳ​ຂອງປະ ເທດ​ໄທ ແລະ​ໄດ້​ຮັບ​ຄວາມ​ເຊື່ອ​ໝັ້ນ​ຢ່າງ ກວ້າງ­ຂວາງ​ຈາກ​ຜູ້​ຊົມ­ໃຊ້​ນອກ­ຈາກ ຈະ​ເປັນ​ຜູ້­ນຳ​ນະ​ວັດ­ຕະ​ກຳ​ສ້າງ​ຄວາມ​ແປກ​ໃໝ່​ໃຫ້​ກັບ​ຕະ​ຫຼາດ​ລົົດ​ຍົນ​ແລ້ວ ຍັງ​ຜູ້​ສ້າງ​ຄວາມ​ສຳ­ເລັດ​ໃຫ້​ກັບ​ລົດ ອີ​ຊູ​ຊຸ ທຸກ​ຮຸ່ນ​ໃນ ປີ 2016 ດ້ວຍ​ຜົນ­ງານອັນ​ສຸດ​ຍອດ​ຂອງ​ຕະ­ຫຼາດໃນ​ປີ­ຜ່ານ­ມາ ເຮັດ​ໃຫ້​ບໍ­ລິ­ສັດ​ອີ​ຊູ​ຊຸ​ມໍ​ເຕີປະ­ເທດ​ຍີ່­ປຸ່ນ ໄວ້​ວາງ­ໃຈ​ມອບ​ໝາຍ​ໃຫ້​ບໍ​ສັດຕຣີ​ເພັດ ອີ​ຊູ​ຊຸ ເຊວ ຈຳ­ກັດ ໄດ້​ສິດ ໃນ​ການ​ສ້າງຕະ­ຫຼາດ​ສຳ­ລັບ​ລົດ​ກະ­ບະ ອີ​ຊູ​ຊຸ ດີ​ແມັກ ແລະ​ລົດ​ກະ­ບະ​ອະ­ເນກ​ປະ­ສົງ ອີ​ຊູ​ຊຸ​ມິວ-ເອກ ໃນ​ຕະ­ຫຼາດ​ສຳ­ຄັນ​ເຊັ່ນ: ລາວ ແລະ ຈຳ​ປູ​ເຈຍ.

ທ່ານ ອາ​ຄິ​ຣະ ໂອ​ດາ​ງາ​ກິ ຜູ້​ຮັບ​ຜິດຊອບ​ຕະ­ຫຼາດ​ລົດ­ຍົນຂອງບໍ­ລິ­ສັດ ຕຣີເພັດ ອີ​ຊູ​ຊຸ​ເຊວ ຈຳ­ກັດ ປະ­ຈຳ​ລາວ ແລະ​ກຳ­ປູ­ເຈຍ ໃຫ້​ຮູ້​ວ່າ: ບໍ­ລິ­ສັດ​ດັ່ງ​ກ່່າວ ແມ່ນ​ມີ​ນະ­ໂຍ­ບາຍ​ທີ່​ຈະ​ສ້າງ​ຄວາມ​ເປັນເລີດ​ໃຫ້​ກັບ​ຍີ່­ຫໍ້ ອີ​ຊູ​ຊຸ ໃນ​ລາວ ໂດຍ​ຍຶດຫຼັກ­ການ​ຕາມ​ປັດ​ສະ​ຍາ​ໃນ​ການ​ດຳ­ເນີນທຸ­ລະ​ກິດ ເພື່ອ​ຍົກ​ລະ­ດັບ​ມາດ­ຕະ­ຖານການ​ດຳ­ເນີນ​ງານ​ຂອງ​ຜູ້​ຈຳ­ໜ່າຍ​ອີ​ຊູ​ຊຸທັງ​ໃນ​ດ້ານ​ການ​ຂາຍ ແລະ​ການ​ບໍ­ລິ­ການ ຫຼັງ​ການ​ຂາຍ​ຊຶ່ງ​ຕະ­ຫຼອດ 60 ປີ ຜ່ານ​ມາ ຈົນ​ຮອດ​ປະ­ຈຸ​ບັນ ບໍ­ລິ­ສັດ ຕຣີ​ີ​ເພັດ ອີ​ຊູ ຊຸ​ເຊວ ຍັງ​ໄດ້​ສຶບ​ຕໍ່​ພັດ­ທະ­ນາ​ນະ​ວັດ­ຕະກຳ​ໃໝ່ໆ​ຂອງ​ລົດ ອີ​ຊູ​ຊຸ ອອກ​ມາ​ຮັບ​ໃຊ້ ສັງ­ຄົມ​ໄທ ກໍ​ຄື​ສັງ­ຄົມ​ລາວ ໂດຍ​ສະ­ເພາະແມ່ນ​ໄດ້​ນຳ​ສະ­ເໜີ​ລົດ​ກະ­ບະ​ຮຸ່ນ​ໃໝ່ ອີ​ຊູ ຊຸ​ດີ​ແມັກ​ບລູ​ພາວ​ເວີ ແລະ​ລົດ​ອະ­ເນກ​ປະສົງ ອີ​ຊູ​ຊຸ​ມິວ-ເອກ ບລູ​ພາວ​ເວີ ຊຶ່ງ​ເປັນລົດ​ທີ​ີ່​ຜະ­ລິດ​ດ້ວຍ​ນະ​ວັດ­ຕະ​ກຳ​ໃໝ່ ແລະ ເຕັມ​ປ່ຽມ​ໄປ​ດ້ວຍ​ຄວາມ​ກຸ້ມ​ຄ່າ ແລະ ມາດ­ຕະ­ຖານ​ທີ່​ດີ­ເລີດ​ຂອງ​ເຄື່ອງ​ຈັກ​ທີ່ໃຫ້​ຄວາມ​ແຮງ​ສູງ​ສຸດ, ປະ­ຢັດ​ນ້ຳ­ມັນ ແລະ​ຕອບ​ໂຈດ​ໃຫ້​ຜູ້​ໃຊ້ ຊຶ່ງ​ປະ­ຈຸ​ບັນ​ຍອດຈຳ­ໜ່າຍ​ທົ່ວ​ໂລກ​ແມ່ນ 2-3 ລ້ານ​ຄັນຕໍ່​ປີ ໂດຍ​ມີ​ຖານ​ການ​ຜະ­ລິດ​ຢູ່​ຍີ​ີ່​ປຸ່ນ ແລະ ສຳ­ລັບ​ເປົ້າ​ໜ່າຍ​ຍອດ​ຈຳ­ໜ່າຍ​ຢູ່ ສປປ ລາວ ແມ່ນ​ປີ​ລະ 10 ພັນ​ຄັນ.

ໂດຍ: ກິ​ແກ້ວ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.