ອີ​ຢູ ສະກັດ​​ບໍລິສັດ​ຂ້າມ​ຊາດຫຼີກເວັ້ນພາສີ​

ກົດ​ໃໝ່​ຂອງ​ອີ​ຢູກຳນົດ​ໃຫ້​ສະມາຊິກ​ແລກປ່ຽນ​ຂໍ້​ມູນ​ການ​ຈ່າຍ​ພາສີ​ຂອງ​ບໍລິສັດ​ຂ້າມ​ຊາດ​ສະຫວ່າງ​ກັນ ຫຼັງ​ຈາກ​ມີ​ຄວາມ​ກັງວົນ​​ເພີ່​​ມຂຶ້ນ​ໃນ​ເລື່ອງພາສີທີ່​ລັດ​ສະພາ​ເອີ​ຣົບຄາດ​ວ່າ ສູງ​ເຖິງ​ປີລະ 70 ຕື້​ເອີ​ໂຣ.

ນອກ​ຈາກ​ກົດ​ໃໝ່​ຈະ​ບັງຄັບ​ໃຫ້​ບໍລິສັດ​ຂະໜາ​ດ​ໃຫຍ່​ຕ້ອງ​ເປີດ​ເຜີຍ​ລາຍ​​ໄດ້, ກຳ​ໄລ ​ແລະ ພາສີ ​ໃຫ້​ກັບ​ເຈົ້າ​ໜ້າ​ທີ່​ໃນ​ປະ​ເທດ​ສະມາຊິກ​ອີ​ຢູທີ່​ດຳ​ເນີນ​ທຸລະ​ກິດ​ຢູ່ ຊຶ່ງ​ກົດ​ນີ້​ກ້າວໜ້າ​ໄປ​ກວ່າ​ຫຼັກການ​ຕໍ່ຕ້ານ​ການ​ເຄື່ອນ​ຍ້າຍ​ກຳ​ໄລ​ເພື່ອ​ຫຼີກເວັ້ນພາສີທີ່​ບໍ່​ບັງຄັບ​ໃຫ້​ໜ່ວຍ​ງານ​ລູກ​ຂອງ​ບໍລິສັດ​ຕ່າງປະ​ເທດສະ​ແດງ​ພາສີ​ຂອງ​ບໍລິສັດ​ແມ່ ​ແຕ່​ກົດ​ໃໝ່​ຂອງ​ອີ​ຢູ ຈະ​ມີ​ຜົນ​ກັບ​ບໍລິສັດ​ຕ່າງ​ຊາດ​ທີ່​ມີ​ບໍລິສັດ​ລູກ​ໃນ​ເຂດ​ອີ​ຢູອີກ​ດ້ວຍ.

ຢ່າງ​ໃດ​ກໍ​ຕາມ ​ເຖິງ​ວ່າ​ລັດຖະບານ​ເຢຍລະ​ມັນ ​ແລະ ອີ​ຢູບາງ​ປະ​ເທດ​ກັງ​ວັນ​ວ່າ ກົດ​ໃໝ່​ອາດ​ສ້າງ​ຄວາມ​ກັງວົນ​ໃຫ້​ກັບ​ນັກ​ລົງທຶນ​ຕ່າງປະ​ເທດ ​ແຕ່​ ປິ​ແອຣ ມອສ​ໂກ​ວິ​ຊີ ກຳມາ​ທິການ​ພາສີ​ເອີຣົບ ກຽມ​ສະ​ເໜີ​ໃຫ້​ພິຈາລະນາ​ກົດ​ໃໝ່​ນີ້​ໃນ​ອາທິດ​ໜ້າ ຂະນະ​ທີ່​ ​ເຈ​ໂຮມ ດິສ​ເຊ​ລ ​ໂບລ​ມ ປະທານ​ລັດຖະມົນຕີ​ການ​ເງິນ​ເອີຣົບ ຄາດ​ວ່າ ຈະ​ເລີ່​ມ​ໃຊ້​ກົດໝາຍ​ໃໝ່​ຢ່າງ​ເປັນ​ທາງ​ການ​ໃນ​ເດືອນ​ເມສາ​ນີ້ ​ແຕ່​ຈະ​ຕ້ອງ​ໄດ້​ຮັບ​ການ​ອະນຸມັດ​ທັງ 28 ປະ​ເທດ​ອີ​ຢູສາກ່ອນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.