ອຶນບີ ເກັບ 8 ອັນເດີພາ ຄວ້າແຊັມ ເອຈ໌ເອັສບີຊີ 2017

ປາກ ອຶນບີ ນັກກ໊ອຟຈາກ ສ.ເກົາຫຼີ ຟອມມື້ສຸດທ້າຍຮ້ອນແຮງເກັບເພີ່ມ 8 ອັນເດີພາ ແຊງໜ້າທຸກຄົນເຂົ້າເປັນອັນດັບ 1 ຄວ້າແຊັມ ເອຈ໌ເອັສບີຊີ ວີເມັນ ແຊັມປ້ຽນຊິບ 2017 ( HSBC Women’s Champions ) ມາຄອງໄດ້ສໍາເລັດ.

ການແຂ່ງຂັນກ໊ອຟ ແອລພີຈີເອ ທົວ ລາຍການທີ 4 ຂອງລະດູການ 2017 ເອຈ໌ເອັສບີຊີ ວີເມັນ ແຊັມປ້ຽນຊິບ ຊີງເງິນລາງວັນລວມ 1.5 ລ້ານໂດລາ ( ປະມານ 12 ຕື້ກວ່າກີບ ) ທີ່ສະໜາມ ເຊັນໂຕຊາ ກ໊ອຟ ຄລັບ ໄລຍະ 6,600 ຫຼາ ພາ 72 ຂອງປະເທດສິງກະໂປ ເມື່ອວັນທີ 5 ມີນາ ທີ່ຜ່ານມາ ເປັນການແຂ່ງຂັນຮອບສຸດທ້າຍ.

ປະກົດວ່າ ປາກ ອຶນບີ ອະດີດນັກກ໊ອຟຍິງມື 1 ຂອງໂລກ ທີ່ລົງຫຼິ້ນເປັນລາຍການທີ 2 ນັບຕັ້ງແຕ່ຄວ້າຫຼຽນຄໍາໃນ ໂອແລັມປິກ ເກມ ທີ່ປະເທດບຣາຊິນ ເມື່ອປີ 2016 ເພາະມີບັນຫາບາດເຈັບທີ່ບໍລິເວນນິ້ວມືຊ້າຍ, ວັນສຸດທ້າຍເກັບເພີ່ມ 8 ອັນເດີພາ ຫຼັງສະສົມໄດ້ 9 ເບີດີ້ ແລະ ເສຍ 1 ໂບກີ້ໃນຂຸມສຸດທ້າຍ ຄະແນນລວມເປັນ 19 ອັນເດີພາ ຄວ້າແຊັມໄປຄອງ ແລະ ຖືວ່າເປັນແຊັມສະໄໝທີ 2 ຕໍ່ຈາກປີ 2015 ແລະ ຍັງເປັນແຊັມ ແອລພີຈີເອ ທົວ ລາຍການທີ 18.

ສ່ວນ ເອຣິຍາ ຈູທານຸກາລ ນັກກ໊ອຟຍິງມື 2 ຂອງໂລກ ເກັບຄະແນນລວມໄດ້ 18 ອັນເດີພາ ຄວ້າອັນດັບທີ 2 ແລະ ມິເຊລ ວີ ນັກກ໊ອຟຊາວອາເມຣິກາ ເຊື້ອສາຍ ສ.ເກົາຫຼີ ຜູ້ນໍາມື້ທໍາອິດ ແລະ ວັນທີ 3 ມີ 14 ອັນເດີພາ ຈົບອັນດັບທີ 4 ຮ່ວມກັບ ຈາ ຮາ ນາ ແຊັມເກົ່າຈາກ ສ.ເກົາຫຼີ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.