ອູ​ເບີກຽມ​ໃຫ້​ບໍລິການ​​ແທັກ​ຊີ​ບິນ​ໄດ້

ອູ​ເບີກຽມ​ໃຫ້​ບໍລິການ​​ແທັກ​ຊີ​ບິນ​ໄດ້ ​ໃນ​ໄລຍະ​ທຳ​ອິດ​ຂອງ​ການ​​ໃຫ້​ບໍລິການ ບໍລິສັດ​ຈະ​ຄິດ​ຄ່າ​ໂດຍສານ 1,32 ​ໂດ​ລາ​ຕໍ່ 1,6 ກິ​ໂລ​ແມັດ (1​ ມາຍລ) ​ເປັນ​ລາຄາ​ແພງ​ກວ່າ ອູ​ເບີ​ເອັກ​ພຽງ​ເລັກ​ນ້ອຍ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ​ເຈ​ຟ ​ໂຮ​ລ​ເດນ ຫົວໜ້າ​ເຈົ້າ​ໜ້າ​ທີ່​ຝ່າຍ​ຜະລິດຂອງ​ອູ​ເບີ ​ເຕັກ​ໂນ​ໂລ​ຊີ ຜູ້​ໃຫ້​ບໍລິການ​ເອີ້ນ​ລົດ​ຮັບ​ສົ່ງ​ລາຍ​ໃຫຍ່​ຈາກ​ອາ​ເມ​ລິ​ກາ​ເປີດ​ເຜີຍ​ວ່າ ບໍລິສັດ​ຫວັງ​ຈະ​​ເລີ່​ມ​ໃຫ້​ບໍລິການ​ແທັກ​ຊີ​ບິນ​ໄດ້​ໃນ​ທ່າ​ອາກາດ​ສະຍານ​ນານາ​ຊາດ​ດັລລັສ-ຟອດ ​ເວິ ລັດ​ເທັກ​ຊັສຂອງ​ອາ​ເມ​ລິ​ກາ ​ແລະ ນະຄອນຫຼວງ​ດູ​ໄບຂອງ​ສະຫະ​ລັດ​ອາຣັບອາມິ​ເຣດ​ໃນ​ປີ 2020 ​ໂດຍ​ຈະ​ໃຊ້​ເປັນ​ຍານພາຫະນະ​ຂະໜາດ​ນ້ອຍ ​ແລະ ​ໃຊ້​ພະລັງງານ​ໄຟຟ້າ ຊຶ່ງ​ສາມາດ​ບິນ​ຂຶ້ນ ​ແລະ ລົງ​ຈອດ​ໄດ້​, ປອດ​ມົນ​ລະ​ພິດ ​ແລະ ສຽງ​ຫງຽບ​ພໍ​ທີ່​ຈະ​ນຳ​ມາ​ໃຫ້​ບໍລິການ​ໃນ​ເມືອງ​ໄດ້, ທ່ານ ​ໂຮ​ລ​ເດນ​ລະບຸ​ວ່າ ​ໃນ​ໄລຍະ​ທຳ​ອິດ​ຂອງ​ການ​ໃຫ້​ບໍລິການ ບໍລິສັດ​ຈະ​ຄິດ​ຄ່າ​ໂດຍສານ​ໄມ​ລະ 1,32 ​ໂດ​ລາ ລາຄາ​ແພງ​ກວ່າ​ອູ​ເບີ​ເອັກ​ພຽງ​ເລັກ​ນ້ອຍ ​ແລະ ​ໃນ​ໄລຍະ​ຍາວ​ບໍລິສັດ​ຫວັງ​ວ່າ ລາຄາ​ການ​ຊື້​ຍານພາຫະນະ​ບິນ​ໄດ້​ຈະ​ຖືກ​ກວ່າ​ການ​ຊື້​ລົດ.

ພ້ອມ​ທັງ​ຢືນຢັນ​ວ່າ ບໍລິສັດ​ກຳລັງ​ຮ່ວມ​ມື​ກັບ​ຮິ​ລວູດ ພຣອມ​ເພີ​ຕີ ​ເພື່ອ​ສ້າງ​ສູນ​ຈອດ​ຍານພາຫະ​ນະ ຊຶ່ງ​ຈະ​ມີ​ບ່ອນ​ຈອດ​ສຳລັບ​ນຳ​ເຄື່ອງ​ຂຶ້ນ ​ແລະ ລົງ​ຈອດ ​ແລະ ລະບົບ​ຊາກ​ໄຟ​ທີ່​ເມືອງ​ດັລລັສ ​ເລີ່​ມຕົ້ນ​ປີໜ້າ ສ່ວນ​ການ​ໃຫ້​ບໍລິການ​ຢູ່​ດູ​ໄບຄາດ​ວ່າ ຈະ​ໃຫ້​ບໍລິການ​ຮັບ​ສົ່ງ​ຜູ້​ໂດຍສານ​ໃນ​ງານ​ເວິລ ​ເອັກ​ໂປ ປີ 2020.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.