ອົດ​ສະຕຣາລີ​ຈະ​ສ້າງ​​ໂຮງໄຟຟ້າ​​ແສງ​ອາທິດ​ໃຫຍ່​​ສຸດ​

ບໍລິສັດ​ໃນ​ອົດ​ສະຕຣາລີ​ເປີດ​ເຜີຍ​ແຜນ​ກໍ່ສ້າງ​ໂຮງ​ໄຟຟ້າ​ພະລັງງານ​ແສງ​ອາທິດ​ໃຫຍ່​ທີ່​ສຸດ​ໃນ​ໂລກ ​ເພື່ອ​ແກ້​ໄຂ​ບັນຫາ​ກະ​ແສ​ໄຟຟ້າ​ມອດຕະຫຼອດ​ທາງ​ພາກ​ໃຕ້​ຂອງ​ປະ​ເທດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກຸ່ມ​ບໍລິສັດ ລີ​ອອນ ປະກາດ​ແຜນ​ກໍ່ສ້າງ​​ໂຮງ​ໄຟຟ້າ​ພະລັງງານ​ແສງ​ອາທິດ​ໃຫຍ່​ທີ່​ສຸດ​ໃນ​ໂລກ​ໃນ​ລັດ​ເຊົາ​ຂອງ​ອົດ​ສະຕຣາລີ ຄິ​ດ​ເປັນ​ມູນ​ຄ່າ 1 ລ້ານ​ໂດລາ​ອົດ​ສະຕຣາລີ ​ໂດຍ​ໂຄງການ​ດັ່ງກ່າວ​ຈະ​ມີ​ການ​ຈ້າງ​ພະນັກງານ 270 ຄົນ​ເຂົ້າ​ມາ​ຊ່ວຍ​ໃນ​ການ​ກໍ່ສ້າງລວມທັງ​ຊ່ວຍ​ປົວ​​ແປງ​ຮັກສາ​ແຜງ​ໂຊ​ລາ​ເຊ​ລ 3,4 ລ້ານ​ແຜງ ​ແລະ ​ແບ​ດ​ເຕີຣີກັກ​ເກັບ​ພະລັງງານ 1,1 ລ້ານ​ໜ່ວຍ ທ່ານ ​ເດ​ວິດ ກຣີນ ຈາກ​ກຸ່ມ​ບໍລິສັດ ລີ​ອອນ​ກ່າວ​ວ່າ ບໍລິສັດ​ຈະ​ໃຊ້​ວິທີ​ການ​ລະດົມ​ທຶນ​ຜ່ານ​ການ​ຂາຍ​ຫຸ້ນ​ເພື່ອ​ໃຊ້​ໃນ​ການ​ກໍ່ສ້າງ​ທັງ​ໝົດ ​ໂດຍ​ໂຮງງານ​ໄຟຟ້າ​ແສງ​ອາທິດ​ຈະ​ມີ​ກຳລັງ​ການ​ຜະລິດ 330 ​ເມ​ກະ​ວັດ ຢ່າງ​ໃດ​ກໍ​ຕາມ ຜູ້​ຊ່ຽວຊານ​ບາງ​ທ່ານ​ຕັ້ງ​ຄຳ​ຖາມ​ວ່າ ການ​ລົງທຶນ​ເປັນ​ຈຳນວນ​ເງິນ​ມະຫາສານ​ໃນ​ຄັ້ງ​ນີ້ ຈະ​ຊ່ວຍ​ແກ້​ໄຂ​ບັນຫາ​ໄຟຟ້າ​ມອດໄດ້​ຫຼື​ບໍ່.

ລັດ​ເຊົາ​ຂອງ​ອົດ​ສະຕຣາລີ​ປະ​ເຊີນ​ກັບ​ເຫດການ​ກະ​ແສ​ໄຟຟ້າ​ດັບ​ມາ​ແລ້ວ​ຢ່າງ​ໜ້ອຍ 4 ຄັ້ງ ພາຍ​ໃນ 6 ​ເດືອນ​ທີ່​ຜ່ານ​ມາ ​ໂດຍ​ໃນ​ແຕ່​ລະ​ຄັ້ງ​ຊາວບ້ານ​ຫຼາຍ​ແສນ​ຄົວ​ເຮືອນ​ໄດ້​ຮັບ​ຄວາມ​ເດືອດຮ້ອນ ​ເພາະ​ບໍ່​ມີ​ໄຟຟ້າ​ໃຊ້​ທ່າມກາງ​ອາກາດ​ຮ້ອນ​ແຮງ ຊຶ່ງ​ມີ​ອຸນຫະພູມ​ສູງ​ກວ່າ 40 ອົງສາ​ເຊ ນະ​ໂຍບາຍ​ເພິ່ງ​ພາ​ພະລັງງານ​ໝູນວຽນ​ຂອງ​ທາງ​ການ​ຖືກ​ລະບຸ​ວ່າ ​ເປັນສາ​​ເຫດ​ເຮັດ​ໃຫ້​ເກີດ​ວິ​ກິດ​ຄວາມ​ໝັ້ນຄົງ​ດ້ານ​ພະລັງງານ ພ້ອມ​ທັງ​ມີ​ການ​ຮຽກຮ້ອງ​ໃຫ້​ທາງ​ການ​ລົງທຶນ​ກໍ່ສ້າງ​ໂຮງ​ໄຟຟ້າ​ຖ່ານ​ຫີນ​ເພີ່ມ​ຫຼາຍ​ຂຶ້ນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.