ອົດ​ສະຕຣາລີ​ຢຶດຢາ​ເສບ​ຕິດ​ໄດ້​ເກືອບ 1 ​ໂຕນ

ອົດ​ສະຕຣາລີ​ຢຶດຢາ​ໄອ​ຄັ້​ງ​ໃຫຍ່​ໄດ້​​ເກືອບ 1 ​ໂຕນ ຫຼາຍເປັນ​ປະຫວັດສາ​ດຕຳຫຼວດ​ປະ​ເມີນ​ລາຄາ​ຂາຍຍ່ອຍ​ເກືອບ 680 ລ້ານ​ໂດ​ລາ​ສະຫະລັດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຕຳຫຼວດ​ອົດ​ສະຕຣາລີ​ຈັບ​ຊາຍ 2 ຄົນ ຂໍ້​ຫາ​ລັກລອບ​ຄ້າ​ຢາ​ເສບ​ຕິດ ​ແລະ ພົບ​ຂອງ​ກາງ​ເປັນ​ຢາ​ໄອ 903 ກິ​ໂລກຣາມ ບັນຈຸ​ໃນ​ກ່ອງ 70 ໜ່ວຍ​ຊຸກ​ເຊື່ອງ​ຢູ່​ໃຕ້​ພື້ນ​ໄມ້​ຂອງ​ໂກ​ດັງ​ແຫ່ງ​ໜຶ່ງ​ໃນ​ເມືອງ​ນູນາ​ເວ​ດິງ ລັດ​ວິກຕໍຣີທາງ​ຕາ​ເວັນ​ອອກ​ຂອງ​ເມືອງ​ເມລ​ເບິນ, ທ່ານ ​ໄມ​ເຄລ ຄີ​ແນນ ລັດຖະມົນຕີ​ວ່າການ​ກະຊວງ​ຍຸຕິ​ທຳ​ຂອງ​ອົດ​ສະຕຣາລີ​ເປີດ​ເຜີຍ​ວ່າ ຕໍາຫຼວດ​ຈັບ​ກຸມ​ໄດ້​ຢ່າງ​ວ່ອງ​ໄວ ຄົນຮ້າຍ​ຈິ່ງ​ບໍ່​ສາມາດ​ນຳ​ຢາ​ໄອ​ປະລິມານ​ມະຫາສານ​ອອກ​ໄປ​ຂາຍ​ຕໍ່​ໄດ້ ບໍ່​ດັ່ງ​ນັ້ນ​ແລ້ວ​ຈະ​ສ້າງ​ຄວາມ​ເສຍ​ຫາຍ​ອັນ​ໃຫຍ່​ຫຼວງ​ຕໍ່​ຊີວິດ​ຄອບຄົວ ​ແລະ ຊຸມ​ຊົນ.

ຂະນະ​ທີ່ ​ທາງ​ການ​ອົດ​ສະຕຣາລີ​ກຳລັງ​ປາບ​ປາມ​ຢາ​ເສບ​ຕິດອາທິ​ດກ່ອນ​ໜ້າ​ນີ້ ຕໍາຫຼວດ​ ​ແລະ ​ເຈົ້າ​ໜ້າ​ທີ່​ພາສີ​ອາກອນ​ໄດ້​ຢຶດຢາ​ໄອ​ໄດ້ 300 ກິ​ໂລກຣາມຊຸກ​ເຊື່ອງ​ໄວ້​ຢູ່​ໃນ​ປະຕູ​ເຫຼັກ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.