ອົບຮົມວິຊາສະເພາະໃຫ້ພະນັກງານການເງິນ 8 ແຂວງ

ທີ່ວິທະຍາໄລການເງິນພາກເໜືອ ແຂວງຫຼວງພະບາງ ກົມຈັດຕັ້ງພະນັກງານ ແລະພະແນກການເງິນແຂວງຫຼວງພະບາງ ໄດ້ຈັດຊຸດອົບຮົມໃຫ້ແກ່ພະນັກງານການເງິນທີ່ເປັນລັດຖະກອນໃໝ່ ແລະລັດຖະກອນຝຶກງານຂອງຂະ ແໜງການເງິນໃນ 8 ແຂວງພາກເໜືອ.

ການຝຶກອົບຮົມໃຫ້ພະນັກງານລັດຖະກອນຂະແໜງການເງິນ 8 ແຂວງພາກເໜືອຄັ້ງນີ້ ແມ່ນເພື່ອປະຕິບັດຕາມ ກົດໝາຍວ່າດ້ວຍພະນັກງານ-ລັດຖະກອນມາດຕາ 44 ແນໃສ່ເສີມສ້າງ ຄວາມຮັບຮູ້ອັນເປັນພື້ນຖານໃນການຈັດຕັ້ງປະຕິບັດວຽກງານຂົງເຂດລັດກໍ່ຄືຂອງຂະແໜງການເງິນໃຫ້ກວ້າງຂວາງ ແລະເລິກເຊິ່ງ, ໃຫ້ພະນັກງານຂະແໜງການເງິນໄດ້ຮັບຮູ້ລະບົບການຈັດຕັ້ງ, ພາລະບົດບາດ ແລະສິດໜ້າທີ່ຂອງກະຊວງການເງິນ, ທັງເປັນການຮຽນຮູ້ ວັດທະນະທໍາຂອງອົງກອນ ແລະພຶດ ຕິກໍາຂອງກະຊວງການເງິນ, ເພື່ອປົກ ປ້ອງສິດ ແລະຜົນປະໂຫຍດອັນຊອບທໍາ ຂອງພະນັກງານ-ລັດຖະກອນ, ເຮັດໃຫ້ ວຽກງານການພົວພັນປະສານງານ ພາຍໃນຂະແໜງການເງິນມີຄວາມສະ ດວກ ແລະຄ່ອງຕົວຂຶ້ນ.

ສໍາລັບຜູ້ເຂົ້າຮ່ວມຊຸດອົບຮົມຄັ້ງນີ້ ແມ່ນລັດຖະກອນໃໝ່ທີ່ມາຈາກຂະແໜງການເງິນ 8 ແຂວງພາກເໜືອທັງໝົດ 70 ຄົນ, ຍິງ 34 ຄົນ, ຊຶ່ງຈະໄດ້ຄົ້ນຄວ້າຮໍ່າຮຽນຢູ່ໃນ 2 ພາກ ແລະແຕ່ລະພາກຈະໄດ້ມີການສົມທົບແນວທາງນະ ໂຍບາຍຂອງພັກ-ລັດວາງອອກ ແລະພຶດຕິກໍາຕົວຈິງ ຊຶ່ງປະກອບມີ 20 ບົດ, ຈາກວິທະຍາກອນສູນກາງ, ພະແນກການເງິນແຂວງ ແລະອາຈານພາຍໃນ ວິທະຍາໄລການເງິນພາກເໜືອ ໃນນັ້ນມີ: ບົດເຊີດຊູນໍ້າໃຈຮັກຊາດສາມັກຄີເປັນປຶກແຜ່ນທົ່ວປວງຊົນ ເພື່ອພັດທະນາປະເທດຊາດໃຫ້ຮັ່ງມີຜາສຸກ,

ຄວາມຮູ້ພື້ນຖານກ່ຽວກັບການຄຸ້ມຄອງລັດຖະກອນແຫ່ງ ສປປ ລາວ, ເອກະສານທາງລັດຖະການຂອງ ສປປ ລາວ, ການຄຸ້ມຄອງເອກະສານທາງການ, ການສໍາເນົາເອກະສານ, ຄວາມຮູ້ພື້ນ ຖານກ່ຽວກັບຈັນຍາບັນຂອງລັດຖະກອນ, ການເຮັດວຽກເປັນໝູ່ຄະນະຢ່າງມີປະສິດທິພາບ, ການບໍລິຫານຫ້ອງການ, ການເປັນເລຂານຸການ, ສົ່ງເສີມ ບົດບາດຍິງ-ຊາຍ, ພິທີການ ແລະມາລະຍາດທາງສັງຄົມ ແລະຄວາມຮູ້ພື້ນຖານ ກ່ຽວກັບການບໍລິຫານປົກຄອງ ສປປ ລາວ.

ນອກຈາກນີ້ສໍາມະນາກອນຍັງຈະໄດ້ຮຽນຮູ້ກ່ຽວກັບວຽກງານກວດກາ-ກົດໝາຍທີ່ກ່ຽວຂ້ອງ, ວຽກງານຄັງເງິນແຫ່ງຊາດ, ງົບປະມານແຫ່ງລັດ, ວຽກງານບັນຊີ, ພາສີ, ສ່ວຍສາອາກອນ, ວຽກງານຄຸ້ມຄອງຊັບສິນຂອງລັດ ພ້ອມກັບກົດໝາຍ ແລະລະບຽບການທີ່ກ່ຽວຂ້ອງ ແລະວຽກງານຈັດຕັ້ງ-ພະນັກງານ, ຊຸດຝຶກອົບຮົມຈະໄດ້ດໍາເນີນ ໄປເປັນເວລາ 15 ວັນ ຈິ່ງຈະສໍາເລັດ.

ພິທີເປີດການຝຶກອົບຮົມໄດ້ຈັດຂຶ້ນ ວັນທີ 24 ເມສາ 2017 ໂດຍການເປັນ ປະທານຂອງ ທ່ານ ອຸໄທ ອິນທິລາດ ຮອງຫົວໜ້າກົມຈັດຕັ້ງພະນັກງານກະຊວງການເງິນ, ໂດຍການເຂົ້າຮ່ວມຂອງທ່ານ ສົມນິດ ຄົມທະວົງ ຫົວໜ້າພະແນກການເງິນແຂວງຫຼວງພະບາງ, ມີອໍານວຍການວິທະຍາໄລການເງິນພາກເໜືອແຂວງຫຼວງພະບາງ, ຂະແໜງ ການເງິນ 8 ແຂວງ ພ້ອມດ້ວຍວິທະຍາກອນ ແລະສໍາມະນາກອນເຂົ້າຮ່ວມ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.