ເຄພີ ໄດ້ຮັບເລືອກເປັນຜູ້ສະໝອງອຸປະກອນໃຫ້ສະໝາມບິນສາກົນວັດໄຕຫຼັງໃໜ່

ໃນ​ວັນ​ທີ 24 ມີ­ນາ 2017 ຜ່ານ​ມາ​ທີ່​ບໍ­ລິ­ສັດ ເຄ​ພີ (KP) ຈຳ­ກັດ ໄດ້​ມີ​ພິ­ທີ​ເຊັນ​ສັນ­ຍາ​ຊື້​ຂາຍ­ເຄື່ອງ​ສຸ​ຂະ​ພັນ ແລະ ອຸ­ປະ­ກອນ​ຫ້ອງ​ນ້ຳ​ຍີ່­ຫໍ້ ໂຕ​ໂຕ້ (TOTO) ເຂົ້າ​ຮັບ​ໃຊ້​ໃນ​ໂຄງການ​ກໍ່­ສ້າງ​ອາ­ຄານ​ທີ່​ສະ­ໜາມ​ບິນ​ວັດ​ໄຕ ລະ­ຫວ່າງ​ບໍ­ລິ­ສັດເຄ​ພີ (KP) ຈຳ­ກັດ ແລະ​ບໍ­ລິ­ສັດ HTG ບໍ­ລິ­ສັດ​ຮັບ​ເໝົາ​ກໍ່­ສ້າງ​ຕໍ່​ຊ່ວງ​ໂຄງ­ການ​ກໍ່­ສ້າງ​ອາ­ຄານ​ສະ­ໜາມ​ບິນ​ຫຼັງ​ໃໝ່, ໂດຍ​ຕາງ­ໜ້າ​ລົງ​ນາມ​ຂອງທ່ານ ວິ­ໄລ​ສັກ ພິ­ລາ​ພັນ​ເດ​ຊ ຮອງ​ປະ­ທານ​ອາ­ວຸ­ໂສ ບໍ­ລິ­ສັດ​ເຄ​ພີ ໃນ​ນາມ​ຜູ້​ສະ­ໜອງ​ກັບທ່ານ ແລມ​ວິນ​ທັງ ຜູ້­ອຳ­ນວຍ­ການ​ບໍ­ລິ­ສັດ HTG.

ທ່ານ ແລມ​ວິນ​ທັງ ກ່າວ​ວ່າ: ການ​ເຊັນ​ສັນ­ຍາ​ຊື້​ຂາຍ ເຄື່ອງ​ສຸ​ຂະ​ພັນ ແລະ​ອຸ­ປະ­ກອນ​ຫ້ອງ​ນ້ຳ​ຍີ່­ຫໍ້​ໂຕ​ໂຕ້ (TOTO) ຮ່ວມ​ກັບ​ບໍ­ລິ­ສັດ KP ຄັ້ງ​ນີ້ ເນື່ອງ​ຈາ​ກວ່າ​ເຄ​ພີ​ເປັນ​ບໍ­ລິ­ສັດ​ທີ່​ນຳ​ເຂົ້າ​ສິນ­ຄ້າ​ຍີ່­ຫໍ້​ດັ່ງ­ກ່າວ​ນີ້, ຊຶ່ງ​ເປັນ​ສິນ­ຄ້າ​ທີ່​ມີ​ຄຸນ​ນະ​ພາບ ແລະ​ມາດ­ຕະ­ຖານ​ຜ່ານ​ມາ​ບັນ­ດາ​ໂຄງ­ການ​ໃຫຍ່ໆ​ທີ່​ບໍ­ລິ­ສັດ HTG ຈັດ​ຕັ້ງ​ປະ­ຕິ­ບັດ

ຢູ່​ປະ­ເທດ​ຫວຽດ­ນາມ​ກໍ​ໄດ້​ນຳ​ໃຊ້​ຜະ­ລິດຕະ​ພັນ​ຍີ່­ຫໍ້ TOTO ມາ​ໂດຍ​ຕະ­ຫຼອດ​ເຫັນວ່າ​ມັນ​ມີ​ຄຸນ​ນະ​ພາບ​ດີ ແລະ​ລາ­ຄາ​ກໍ​ເໝາະສົມ, ສະ­ນັ້ນ ທາງ​ບໍ­ລິ­ສັດ​ຈິ່ງ​ເລືອກ​ໃຊ້​ຜະລິດ​ຕະ​ພັນ​ຍີ່­ຫໍ້ (TOTO) ເຂົ້າ​ໃນ​ໂຄງ­ການ​ກໍ່­ສ້າງ​ອາ­ຄານ​ຜູ້­ໂດຍ­ສານ​ສະ­ໜາມບິນ​ສາ­ກົນ​ວັດ​ໄຕ​ຫຼັງ​ໃໝ່ແນ­ໃສ່​ການ​ຮັບ ປະ­ກັນ​ດ້ານ​ຄຸນ​ນະ​ພາບ​ຕາມ​ມາດ​ຕະຖານ​ສາ­ກົນ.

ທ່ານ ວິ­ໄລ​ສັກ ພິ­ລາ​ພັນ​ເດ​ຊ ກ່າວວ່າ: ຕະ­ຫຼອດ​ໄລ­ຍະ​ການ​ດຳ­ເນີນ​ທຸ­ລະກິດ​ມາ 21 ປີ ບໍ­ລິ­ສັດ ເຄ​ພີ (KP) ຈຳກັດ ໄດ້​ນຳ​ເຂົ້າ ແລະ​ຈຳ­ໜ່າຍ​ສິນ­ຄ້າ​ທີ່ ໄດ້​ມາດ­ຕະ­ຖານ ລວມ​ທັງ​ສິນ­ຄ້າ​ເຄື່ອງສຸ​ຂະ​ພັນ ແລະ​ອຸ­ປະ­ກອນ​ຫ້ອງ​ນ້ຳຍີ່­ຫໍ້ ໂຕ່​ໂຕ້ (TOTO) ນຳ, ດັ່ງ­ນັ້ນ ບໍ­ລິ­ສັດ ຈິ່ງ​ໄດ້​ຖືກ​ເລືອກ​ໃຫ້​ເປັນ​ຜູ້​ສະ­ໜອງ​ອຸ­ປະ ກອນ​ເຂົ້າ​ໃນ​ໂຄງ­ການ​ກໍ່­ສ້າງ​ອາ­ຄານ​ຜູ້ ໂດຍ­ສານ​ສະ­ໜາມ​ບິນ​ສາ­ກົນ​ວັດ​ໄຕ​ໄລ ຍະ​ທີ 1 ໂດຍ​ການ​ການ​ເຊັນ​ສັນ­ຍາ​ສະ­ໜອງ​ສິນ­ຄ້າ​ຄັ້ງ​ນີ້ ມີ​ທັງ​ໝົດ 120 ຊຸດ, ໃນ​ມູນ​ຄ່າ 1 ແສນ​ກວ່າ​ໂດ​ລາ​ສະ­ຫະ­ລັດ ແລະ​ຄາດ​ວ່າ​ໃນ​ພາຍ​ໃນ​ປີ​ນີ້ ຈະ​ມີ​ການເຊັນ​ສັນ­ຍາ​ສະ­ໜອງ​ສິນ­ຄ້າ​ເທື່ອ​ທີ 2 ເພື່ອ​ການ​ກໍ່­ສ້າງ​ໂຄງ­ການ​ໄລ­ຍະ​ທີ 2 ຕື່ມ​ອີກ.

ໂດຍ: ພິມ​ພອນ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.