ເຄຣັກ ຍິງ 2 ປະຕູ ພາເວັສບຣອມວິຈ ອາລບ້ຽນ ຊະນະ ອາເຊນອລ 3-1

ເຄຣັກ ດໍຊັ້ນ ຍິງຄົນດຽວສອງ ປະຕູ ພາ ເວັສບຣອມ ຢຸດອາເຊນອລ ໄດ້ສຳເລັດ ດ້ວຍຜົນການແຂ່ງຂັນ 3 ປະຕູຕໍ່ 1 ໂດຍ ອາເຊນອລ ຖຶກນຳໄປກ່ອນ ຈາກ ການເອົາຫົວຕີບານ ເຂົ້າປະຕູໄປ ຂອງ ດໍຊັ້ນ ຈາກເຕະມູມ ໃນນາທີທີ່ 12 ຫຼັງຈາກນັ້ນ ພຽງແຕ່ 3 ນາທີ ອາເຊນອລ ກໍ່ມາໄດ້ການຍິງ ແບບສຽບຂາດຂອງ ອາເລັກຊິສຊານເຊັສ ເປັນປະຕູູີສະເໝີໃຫ້ທີມ ໄດ້ສຳເລັດ. ອາເຊນອລ ມີຂ່າວຮ້າຍ ເມື່ອຜູ້ຮັກສາປະຕູມືໜຶ່ງ ປີເຕີເຊັກ ໄດ້ຮັບບາດເຈັບ ແລະ ເປັນ ອອສປີນ່າ ທີ່ລົງມາເຝົ້າປະຕູແທນ.

ເກມໃນເຄິ່ງເວລາທີ່ສອງ ເວັສບຣອມ ກັບຂື້ນມານຳອິກຄັ້ງ ໃນນາທີທີ່ 55 ຈາກການຍິງຂອງ ຣອບສັນ ຄານູ ທີ່ຫາກໍ່ລົງມາ ໃໝ່ບໍ່ຮອດນາທີ່. ຈາກນັ້ນ ອາເຊນອລກໍ່ມີລຸ້ນ ຕີສະເໝີ ຈາກການຍິງຕຳຄານຂອງ ເວວເບັກ.

ແຕ່ເປັນທີມເຈົ້າບ້ານ ທີ່ຄົມກວ່າ ມາໄດ້ລູກຍ້ຳໄຊຊະນະ ຈາກການເອົາຫົວຕີບານເຂົ້າໄປ ຂອງ ດໍຊັ້ນ ຈາກລູກເຕະມູມ.

ຈົບເກມ ເວັສບຣອມ ເກັບເພີ່ມເປັນ 43 ຄະແນນ ຢູ່ທີ່ 8 ຄືເກົ່າ ແລະ ອາເຊນອລ ມີພຽງ 50 ແຕ້ມຄືເກົ່າ ຕາມຫຼັງ ລິເວີພູລ ເຖິງ 5 ຄະແນນ.

ສຳລັບເກມນັດຕໍ່ໄປ ອາເຊນອລ ເຈິເສິກໜັກ ເປີດບ້ານຮັບການມາຢາມຂອງ ແມນ ເຊັສເຕີ້ ຊິຕີ້ ແລະ ເວັສບຣອມວິດຈ ອາລບ້ຽນ ຈະຕ້ອງໄປຢາມ ແມນເຊັສເຕີ ຢູໄນເຕັດ ເຖິງຮັງ ໂອລແທຣບຟອດ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.