ເຄື່ອງສະແກນເອກະສານ ມີປະຫຼາຍກວ່າທີ່ຄິດ

ໃນ​ຍຸກ​ນີ້​ຕ້ອງ​ຖື​ວ່າ​ສະ​ແກນເນີ ຫຼື ເຄື່ອງ​ສະ​ແກນ​ເອ­ກະ­ສານເປັນ​ອຸ­ປະ­ກອນ​ຕໍ່​ພ່ວງ​ທີ່​ມີ​ຄວາມຈຳ­ເປັນ​ສຳ­ລັບ​ຜູ້​ໃຊ້​ເຄື່ອງ​ຄອມພິວ​ເຕີ​ບໍ່​ນ້ອຍ​ໜ້າ​ອຸ­ປະ­ກອນ​ຕໍ່​ພ່ວງປະ­ເພດ​ອື່ນໆ​ເນື່ອງ​ຈາກ​ໜ້າ­ທີ່ຂອງ​ອຸ­ປະ­ກອນ​ອັນ​ນີ້​ກໍ​ຄື​ການ​ເກັບຂໍ້​ມູນ​ທີ່​ເປັນ​ພາບ​ກຣາ​ຟິກ, ພາບຖ່າຍ ຫຼື ເອ­ກະ­ສານ​ໄວ້​ໃນ​ຮາດ​ດິ​ສ ພາຍ​ໃນ​ຄອມ​ພິວ​ເຕີ​ຮຽກ​ວ່າ​ເປັນການ​ເກັບ​ມ້ຽນ​ເອ­ກະ­ສານ​ທີ່​ເຄີຍ​ຢູ່ໃນ​ຮູບ​ຂອງ​ເຈ້ຍ​ໃຫ້​ໄປ​ຢູ່​ໃນ​ຮູບແບບ​ດິ​ຈິ​ຕອລ.

ປະ­ໂຫຍດ​ຂອງ​ສະ​ແກນ​ເນີ​ຈະຊ່ວຍ​ຮັກ­ສາ​ຄຸນ​ນະ​ພາບ​ຂອງ​ພາບ ຫຼື ຂໍ້​ມູນ​ເຫຼົ່າ­ນັ້ນ​ໃຫ້​ຄົງ​ທົນ​ຖາ­ວອນຫຼາຍ​ກວ່າ​ການ​ເກັບ​ມ້ຽນ​ໃນ​ຮູບຂອງ​ເອ­ກະ­ສານ​ໂດຍ​ສະ­ເພາະ​ໃນຍຸກ​ອິນ​ເຕີ​ເນັດ​ນຳ​ແລ້ວ​ສະ​ແກນເນີ​ຈະ​ຍິ່ງ​ເພີ່ມ​ຄວາມ​ສະ­ດວກ​ໃນການ​ຈັດ​ທຳ​ຂໍ້​ມູນ​ໄດ້​ດີ​ຍິ່ງ​ຂຶ້ນ​ສະແກນ​ຮູບ​ພາບ​ສຳ­ລັບ​ໃຊ້​ຕັກ​ແຕ່ງເວັບ​ໄຊ ຫຼື ເກັບ​ມ້ຽນ​ເປັນ​ອາ​ລະບໍ້າ ຫຼື ຢູ່​ໃນ​ຮູບ​ແບບ​ຟາຍ​ຂໍ້​ມູນ.

microtek_05_2013_artixscandi_5240_4

ເຖິງ​ວ່າ​ຫຼາຍ​ທ່ານ​ເລີ່ມ​ຊອກ​ຫາ​ກ້ອງ​ດິ​ຈິ​ຕອລ​ຈະ​ມາ​ເປັນ​ອຸ­ປະກອນ​ອີກ​ອັນ​ທີ່​ມາ​ເປັນ​ທາງ​ເລືອກ​ໃໝ່​ໃຫ້​ກັບ​ຜູ້​ໃຊ້​ຂໍ້​ດີ​ຂອງ​ກ້ອງ​ດິ​ຈິຕອລ​ຄວາມ​ສະ­ດວກ​ໃຫ້​ກັບ​ຜູ້​ໃຊ້ຫຼາຍ​ກວ່າ​ເຄື່ອງ​ສະ​ແກນ​ເນີ ໂດຍສະ­ເພາະ​ຄວາມ​ສະ­ດວກ ແລະ ຄວາມ​ວ່ອງ­ໄວ​ຂອງ​ກ້ອງ​ດິ​ຈິ​ຕອລ ທີ່​ມີ​ຫຼາຍ​ກວ່າ​ສະ​ແກນ​ເນີ​ເພາະ​ຜູ້ໃຊ້​ສາ­ມາດ​ດາວ​ໂຫຼດ​ຮູບ​ພາບຈາກ​ກ້ອງ​ດິ​ຈິ​ຕອລ​ໃສ່​ລົງ​ໃນ​ຮາດດິ​ສ​ພາຍ​ໃນ​ເຄື່ອງ​ໄດ້​ທັນ­ທີ​ໂດຍ​ບໍ່ຕ້ອງ​ຜ່ານ​ການ​ສະ​ແກນ​ພາບ​ໃຫ້ຫຍຸ້ງ­ຍາກ.

ແນວ­ໃດ​ກໍ​ຕາມ ​ລາ­ຄາ​ທີ່​ຖື​ກວ່າຂອງ​ສະ​ແກນ​ເນີ​ລວມ ​ທັງ​ການເກັບ​ຂໍ້​ມູນ​ບາງ​ປະ­ເພດ​ເຊັ່ນ ​ການເຮັດ​ເພລດ, ເຄື່ອງ​ສະ​ແກນ​ເນີ ​ຍັງ​ມີ​ຄວາມ​ຈຳ­ເປັນ​ເຮັດ​ໃຫ້​ສະ​ແກນເນີ​ຍັງ​ຄົງ​ເປັນ​ທາງ​ເລືອກ​ຂອງ​ຜູ້ໃຊ້​ຄອມ​ພິວ​ເຕີ.

ສຳ­ລັບ​ກຸ່ມ​ຜູ້​ໃຊ້​ເຄື່ອງ​ສະ​ແກນ​ເນີ​ແບ່ງ​ໄດ້​ເປັນ 3 ກຸ່ມ​ໃຫຍ່ໆ​ຄື

  1. ກຸ່ມ​ຜູ້​ໃຊ້​ຕາມ​ບ້ານ​ເຮືອນ (Home Use)
  2. ກຸ່ມ​ທຸ­ລະ​ກິດ​ຂະ­ໜາດກາງ ແລະ​ ຂະ­ໜາດ​ນ້ອຍ​ ຫຼື ​ເອ​ສເອັມ​ອີ
  3. ກຸ່ມ High End Scanner

ທັງ 3 ກຸ່ມ​ນີ້​ ຈະ​ມີ​ຄວາມຕ້ອງ­ການ​ນຳ​ໃຊ້​ທີ່​ແຕກ​ຕ່າງ​ກັນໄປ​ຜູ້​ຜະ­ລິດ​ເຄື່ອງ​ສະ​ແກນ​ເນີ​ເອງ ກໍ​ຈະ​ຜະ­ລິດ​ເຄື່ອງ​ອອກ​ມາ​ຕອບ​ສະ­ໜອງ​ຄວາມ​ຕ້ອງ­ການ​ຂອງລູກ​ຄ້າ​ທັງ 3 ກຸ່ມ ຊຶ່ງ​ມີ​ຄວາມ​ຕ້ອງການ​ໃນ​ເລື່ອງ​ຂອງ​ຄຸນ​ນະ​ພາບ ແລະ​ ລາ­ຄາ​ທີ່​ແຕກ​ຕ່າງ​ກັນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.