ເຈົ້າ​ໝ້າ​ທີ່​ເລັ່ງ​ຫາ​ສາ­ເຫດ​ໄຟ​ໄໝ້ 10 ກວ່າ​ຮ້ານ​ທີ່​ບ້ານ​ຫາດ​ຊາຍ​ຂາວ

 ທ່ານ ພັນ​ຕີ ຈັນ­ທະ​ບູນ ມະ­ນີ​ວົງ ຫົວ­ໜ້າ​ພະ​ແນກ​ສະ­ກັດ​ກັ້ນ ແລະ​ມອດ​ໄຟ ນະ­ຄອນ­ຫຼວງ​ວຽງ​ຈັນ ໄດ້​ໃຫ້​ຮູ້​ວ່າ: ປະ­ຈຸ​ບັນ ເຈົ້າ​ໜ້າ­ທີ່​ກຳ­ລັງ​ຂຸ້ນ­ຂ້ຽວ​ເລັ່ງ​ສືບ­ສວນ-ສອບ​ສວນ​ຫາ​ສາ­ເຫດ​ອັກ­ຄີ​ໄພ​ທີ່​ເກີດ​ຢູ່​ບ້ານ​ຫາດ​ຊາຍ​ຂາວ ເມືອງ​ຫາດ​ຊາຍ​ຟອງ ທັງ​ນີ້ ອາດ​ໃຊ້​ເວ­ລາ​ໄລ­ຍະ​ໜຶ່ງ ຈິ່ງ​ຈະ​ໄດ້​ຄຳ​ຕອບ​ພ້ອມ​ຮຽກ­ຮ້ອງ​ໃຫ້​ສັງ­ຄົມ​ອົດ​ໃຈ​ລໍ ແລະ​ຢ່າ​ແຕກ​ຕື່ນ​ກັບ​ການ​ໃຫ້​ຂ່າວ​ລື​ຕ່າງໆ​ນາໆ​ທີ່​ເກີດ​ຂຶ້ນ​ໃນ​ສື່​ອອນ​ລາຍ ເພາະ​ຍັງ​ບໍ່​ທັນ​ມີ​ຂໍ້​ມູນ​ຫຼັກ​ຖານ​ໃດ​ທີ່​ຢັ້ງ­ຢືນ​ຄວາມ​ຈິງ.

   ທ່ານ ພັນ​ຕີ ຈັນ­ທະ​ບູນ ມະ­ນີ​ວົງ ໃຫ້​ຮູ້​ວ່າ: ເຫດ­ການ​ຄັ້ງ​ນີ້​ໄດ້​ເກີດ​ຂຶ້ນ​ເວ­ລາ​ປະ­ມານ 1:00 ໂມງ​ຂອງ​ວັນ​ທີ 12 ທັນ­ວາ​ຜ່ານ​ມາ ອັນ​ໄດ້​ເຮັດ​ໃຫ້​ຮ້ານ​ຂາຍ­ເຄື່ອງ​ເສຍ​ຫາຍ​ຈຳ­ນວນ 11 ຮ້ານ, ໃນ​ນັ້ນ​ເປັນ​ຮ້ານ​ອາ­ຫານ ແລະ​ຮ້ານ​ສ້ອມ ແປງ​ລົດ 3 ຮ້ານ, ຮ້ານ​ເສີມ​ສວຍ 2 ຮ້ານ, ຊຶ່ງ​ປະ​ເມີນ​ຄວາມ​ເສຍ​ຫາຍ​ເບື້ອງ​ຕົ້ນ​ປະ­ມານ 1 ຕື້​ກວ່າ​ກີບ.

ແນວ­ໃດ​ກໍ​ດີ ພາຍ­ຫຼັງ​ທີ່​ເຈົ້າ​ໜ້າ­ທີ່​ຄວບ​ຄຸມ​ເພີງ​ໄດ້​ແລ້ວ​ກໍ​ໄດ້​ຕັ້ງ​ໜ່ວຍ​ສືບ­ສວນ-ສອບ​ສວນ ເພື່ອ​ລົງ​ຊອກ​ຫາ​ຂໍ້​ມູນ​ຕົ້ນ​ເຫດ​ຂອງ​ການ​ເກີດ​ອັກ­ຄີ​ໄພ​ດັ່ງ­ກ່າວ ຊຶ່ງ​ອີງ​ຕາມ​ການ​ລົງ​ສືບ­ສວນ ແລະ​ເກັບ​ກຳ​ສະ­ພາບ​ແວດ​ລ້ອມ​ບຸກ­ຄົນ​ຜູ້​ເຫັນ​ເຫດ­ການ​ຍັງ​ບໍ່​ທັນ​ສາ­ມາດ​ຢັ້ງ­ຢືນ​ໄດ້​ວ່າ​ເຫດ​ອັກ­ຄີ​ໄພ​ໃນ​ຄັ້ງ​ນີ້​ແມ່ນ​ມີ​ສາ­ເຫດ​ມາ​ຈາກ​ໃສ ແລະ​ເປັນ​ຍ້ອນ​ສາ­ເຫດ​ອັນ​ໃດ​ກັນ​ແທ້ ຈິ່ງ​ເປັນ​ວຽກ​ທີ່​ທາງ​ພະ­ນັກ­ງານ​ວິ­ຊາ​ການ​ນຳ​ກຳ­ລັງ​ເລັ່ງ​ຊອກ​ຫາ​ໃນ​ຂະ­ນະ​ນີ້.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.