ເຊ​ຟຣອນ​ ເລີ່​ມຜະລິດ​ແກ໊ສນອກຝັ່ງ​ໂອ​ຕຼິດ

   ບໍລິສັດ​ເຊ​ຟຣອນ​ເລີ່​ມຜະລິດ​ແກ໊ສທຳ​ມະ​ຊາດ​​ແຫຼວຈາກ​ໂຮງງານ​ຂະໜາດ​ໃຫຍ່​ສຸດ​ຂອງ​ໂລກນອກ​ຊາຍ​ຝັ່ງ​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ໂອ​ຕຼິດ​ແລ້ວ.

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ​ເຊ​ຟຣອນ ບໍລິສັດ​ພະລັງງານ​ລາຍ​ໃຫຍ່​ຂອງ​ອາ​ເມ​ລິ​ກາ​ຖະ​ແຫຼ​ງ​ໃນ​ວັນ​ທີ 8 ມີນາ​ທີ່​ຜ່ານ​ມາ​ວ່າ ໜຶ່ງ​ໃນ​ໂຮງງານ​ແກ໊ສທຳ​ມະ​ຊາດ​ຂະໜາດ​ໃຫຍ່​ສຸດ​ໃນ​ໂລກ ​ແລະ ຊັບພະຍາກອນ​ຂະໜາດ​ໃຫຍ່​ສຸດ​ຂອງ​ໂອ​ຕຼິດ ​​ໄດ້​ເລີ່​ມດຳ​ເນີນ​ການ​ຜະລິດ​ແລ້ວ ຂະນະ​ທີ່​ຕະຫຼາດຍັງ​ຕໍ່ສູ້​ກັບ​ລາຄາ​ສິນຄ້າ​ໂພ​ກພັນ​ຕົກ​ຕໍ່າ ​ແລະ ປະລິມານ​ນ້ຳມັນ​ລົ້ນ​ຕະຫຼາດ. ​ໂຄງການ​ແກ໊ສທຳ​ມະ​ຊາດ​​ແຫຼວ(​ແອ​ລ​ເອັນ​ຈີ ກໍ​ກອນ)ມູນ​ຄ່າ 52 ຕື້​ໂດ​ລາ​ສະຫະລັດ ​ເທິງ​ເກາະ​ແບ​ໂຣ​ໃນ​ທະ​ເລນ​ອກຊາຍ​ຝັ່ງ​ທາງ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ໂອ​ຕຼິດຄາດ​ວ່າ​ຈະ​ເລີ່​ມຂົນ​ສົ່ງ​ແກ໊ສຈາກ​ໂຮງງານ​ຖ້ຽວ​ທຳ​ອິດ​ໃນ​ອາທິດ​ໜ້າ. ​ໂອ​ຕຼິກມີ​ໂຮ​ງານ​ແອ​ລ​ເອັນ​ຈີ​ອື່ນໆ​ອີກຫຼາຍ​ແຫ່​ງ ​ແລະ ຄາດ​ວ່າ ຈະ​ແຊງ​ໜ້າກາ​ຕາ​ກາຍ​ເປັນ​ປະ​ເທດ​ຜູ້​ຜະລິດ​ແກ໊ສທຳ​ມະ​ຊາດ​ລາຍ​ໃຫຍ່​ສຸດ​ຂອງ​ໂລກ​ພາຍ​ໃນ​ປີ 2020.

ພາວະ​ລາຄາ​ນ້ຳມັນ​ໃນ​ຕະຫຼາດ​ໂລກ​ຕົກ​ຕໍ່າ ຊຶ່ງ​ສ້າງ​ແຮງ​ກົດ​ດັນ​ຕໍ່​ມູນ​ຄ່າ​ຂອງ​​ແອ​ລ​ເອັນ​ຈີ ​ແລະ ປະລິມານ​ນ້ຳມັນ​ລົ້ນ​ຕະຫຼາດ ກຳລັງ​ສົ່ງ​ຜົນ​ກະທົບ​ຕໍ່​ບັນດາ​ບໍລິສັດ​ພະລັງງານ​ທົ່ວ​ໂລກ ​ແຕ່​ເຊ​ຟຣອນ ບໍລິສັດ​ນ້ຳມັນ​ໃຫຍ່​ສຸດ​ອັນ​ດັບ 2 ຂອງ​ກາ​ເມ​ລິ​ກາ​ກ່າວ​ວ່າ ຮາກ​ຖານ​ໄລຍະ​ຍາວ​ສຳ​ລັບ​ແອ​ລ​ເອັນ​ຈີ​ນ່າດຶງ​ດູດ​ໃຈ, ​ທ່ານ ຈອນ ວັ​ດສັນ ປະທານ​ບໍລິສັດ ​ແລະ ປະທານ​ຂອງ​ເຊ​ຟຣອນກ່າວ​ວ່າ ບໍລິສັດ​ຄາດ​ວ່າ ​ໂຄງການ​ກໍ​ກອນ​ຈະ​ຂັບ​ເຄື່ອນ​ການ​ເຕີບ​ໂຕ​ໃນ​ໄລຍະ​ຍາວ ​ແລະ ສ້າງ​ມູນ​ຄ່າ​ໃຫ້​ແກ່​ຜູ້​ຖື​ຮຸ້ນ​ໃນ​ໄລຍະ​ຫຼາຍ​ສິບ​ປີ​ຕໍ່ໜ້າ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.