ເຊ​ລບີ-ຣອນນີ ​ເຂົ້າ​ຮອບ 32 ຄົນ​ໃນ​ໄຊ​ນາ​ໂອ​ເພັນ

​ເຊ​ລບີ-ຣອນນີ ​ເຂົ້າ​ຮອບ 32 ຄົນ​ສຸດ​ທ້າຍ​ໃນ​ ​ໄຊນາ ​ໂອ​ເພັນ 2017 ດ້ານ ​ໄວທ໌ ຕົກ​ຮອບ.

ການ​ແຂ່ງຂັນ​ສະນຸກ​​ເກີ​ “ ໄຊ​ນາ ​ໂອ​ເພັນ ” 2017 ທີ່​ປັກ​ກິ່ງ ສາທາລະນະ​ລັດ​ປະຊາຊົນ​ຈີນ ​ເມື່ອ​ວັນ​ອັງຄານ​ທີ 28 ມີ​ນາ ​ໃນ​ຮອບ​ທຳ​ອິດ ຫຼື ຮອບ 64 ຄົນ​ສຸດ​ທ້າຍ ຜົນ​ປາກົດ​ວ່າ 2 ນັກ​ສະນຸກ​ເກີ​ຄົນ​ດັງ​ຊາວ​ອັງກິດ ມາກ ​ເຊ​ລບີ ກັບ ຣອນນີ ​ໂອ​ຊຸລລິ​​ແວນ ຄວງ​ແຂນ​ກັນ​ຄວ້າ​ໄຊ ຜ່ານ​​ເຂົ້າ​ສູ່​ຮອບ 32 ຄົນ​ສຸດ​ທ້າຍ​ຕໍ່​ໄປ​ໄດ້​​ແບບ​ບໍ່​ຍາກ ສ່ວນ​ ຈີມ​ມີ ​ໄວ​ທ໌ ຕົກ​ຮອບ​ທຳ​ອິດ​ໄປ​​ແບບ​ໜ້າ​ເສຍ​ດາຍ.

ດ້ານ ​ເຊ​ລບີ ທີ່​ເປັນ​ມື 1 ​ໂລກ ທຳ​ເບຣກ 88, 104, 95, 87 ​ແລະ 74 ຕາມ​ລຳດັບ ກ່ອນ​ໄລ່​ຕ້ອນ ອັລຟີ ​ເບີ​ເດນ ຄູ່​ແຂ່ງ​ຮ່ວມ​ຊາດ 5-0 ​ເຟຣມ ຂະນະ​ທີ່ ​ໂອ​ຊຸລລິ​​ແວນ ດີກຣີ​ແຊັມ​ໂລກ 5 ສະ​ໄໝ ​ໄລ່​ທຸບ ​​ແກ​ເຣດ ອັລ​ເລນ ຈາກ​ເວລສ 5-0 ​ເຟຣມ ທາງ ​ໄວ​ທ໌ ​ອາຍຸ 54 ປີ ຮອງ​ແຊັມ​ໂລກ 6 ສະ​ໄໝ​ທີ່​ເປັນ​ມື 97 ຂອງ​ລາຍການ ພາດ​ທ່າ​ພາຍ​ນັກ​ສະນຸກ​ເກີ​ຮຸ່ນ​ນ້ອງ​ຮ່ວມ​ຊາດ ​ໄມ​ເຄິລ ​ໂຮ​ລ ​ທີ່​ເປັນ​ມື 20 ຂອງ​ລາຍ​ການ 3-5 ​ເຟຣມ ຝ່າຍ ຈັດ ທຣັມ ອີກ​ໜຶ່ງ​ນັກ​ສະນຸກ​ເກີ​ຊາວ​ອັງກິດ ຊຶ່ງ​ເປັນ​ມື 1 ຂອງ​ລາຍການ​ ​ແລະ ​ເປັນ​ມື 2 ​ໂລກ ຕ້ອມ​ເອົາ​ຊະນະ ​ແອ​ຊລີ ຮູ​ກິລ ຈາກອັງກິດ 5-1 ​ເຟຣມ.

ຜົນ​ຄູ່​ອື່ນໆ​ທີ່​ໜ້າ​ສົນ​ໃຈ ຕິງ ຈວິ້ນຮຸຍ (ຈີນ, ມື 6) ຊະນະ ພອລ ​ເດ​ວິສັນ (ອັງກິດ, ມື 85) 5-0 ​ເຟຣມ, ​ແມັດ​ທິວ ສະຕີ​ເວນ (​ເວລສ, ມື 39) ຊະນະ ອະລັນ ​ແມັກ​ມານັສ (ສະ​ກອດ​ແລນ, ມື 26) 5-1 ​ເຟຣມ, ຈອນ ຮິ​ກກິ​ນສ (ສະ​ກອນ​ແລນ,​ ມື 4) ຊະນະ ​ອຽນ ​ເບິນສ (ອັງກິດ, ມື 61) 5-1 ​ເຟຣມ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.